କଟକ, ସେପ୍ଟେମ୍ବର ୨୦(ଖବର ଓଡ଼ିଶା): କଟକ ବଜ୍ରକବାଟୀ ରୋଡ଼ରେ ଥିବା ବିଏସଏନଏଲ ଅଫିସରେ ଭୟାବହ ଅଗ୍ନିକାଣ୍ଡ ଘଟିଛି । ଫଳରେ କଟକରେ ବିଏସଏନଏଲ ସେବା ଠପ୍ ହୋଇଯାଇଛି । ଅଗ୍ନିଶମ ବିଭାଗ ପହଂଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛି ।

ବଲାଙ୍ଗୀର, ସେପ୍ଟେମ୍ବର ୨୦ (ଖବର ଓଡ଼ିଶା): ବଲାଙ୍ଗୀର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ ଅଧୀକ୍ଷକଙ୍କ ଦୁର୍ବ୍ୟବହାର ଘଟଣାରେ ପୀଡ଼ିତା ମହିଳା କର୍ମଚାରୀ ଥାନାର ଦ୍ୱାରସ୍ଥ ହୋଇଛନ୍ତି । ଏ ନେଇ ମହିଳା କର୍ମଚାରୀ ସାରତୀ ନାଗ ଅଧୀକ୍ଷକ ଡାକ୍ତର ନାରାୟଣ ଆଚାର୍ଯ୍ୟଙ୍କ ନାଁରେ ଏତଲା ଦେଇଛନ୍ତି । ବଲାଙ୍ଗୀର ଏସ୍‌ଡିପିଓ ଶ୍ରୀମନ୍ତ ବାରିକ ଏହାର ତଦନ୍ତ କରିବେ ।

ଭୁବନେଶ୍ୱର, ସେପ୍ଟେମ୍ବର ୨୦(ଖବର ଓଡ଼ିଶା): ନନ୍ଦନକାନନ ପ୍ରାଣୀ ଉଦ୍ୟାନରେ “ହରଫିସ” ଭୂତାଣୁ ଭୟ । ୨୫ ଦିନରେ ୩ଟି ହାତୀଙ୍କର ମୃତ୍ୟୁ ଘଟିଛି । “ହରଫିସ” ଭୂତାଣୁକୁ ଖୁବଶୀଘ୍ର ଚିକିତ୍ସା କରାଯିବା ନେଇ ଉଦ୍ୟମ କରାଯିବ ବୋଲି କର୍ତ୍ତୃପକ୍ଷ କହିଛନ୍ତି ।

ଭୁବନେଶ୍ୱର, ସେପ୍ଟେମ୍ବର ୨୦(ଖବର ଓଡ଼ିଶା): ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ବ୍ୟାଙ୍କକକୁ ବିମାନ ଉଡ଼ାଣ ସାମୟିକ ବନ୍ଦ ରହିବ । ଏହି ଉଡ଼ାଣ ବନ୍ଦ ନେଇ ଏୟାର ଏସିଆ କତ୍ତୃପକ୍ଷଙ୍କ ପକ୍ଷରୁ ବିଧିବଦ୍ଧ ଚିଠି ପଠାଯାଇଛି ।

ଶ୍ରୀହରିକୋଟା, ସେପ୍ଟେମ୍ବର ୨୦ (ଖବର ଓଡ଼ିଶା): ଚନ୍ଦ୍ରର ଦକ୍ଷିଣ ଦିଗରେ ଏବେ ଅନ୍ଧାର ବଢ଼ିବା ଆରମ୍ଭ ହୋଇଛି । ଯେଉଁଠାରେ ଭାରତୀୟ ମହାକାଶ ଗବେଷଣା ସଂସ୍ଥା ପଠାଇବା ଚନ୍ଦ୍ରଯାନ-୨ର ଲ୍ୟାଣ୍ଡର ବିକ୍ରମ ରହିଛି । ଚନ୍ଦ୍ରରେ ଅନ୍ଧାର ସହିତ ଏବେ ଇସ୍ରୋ ବୈଜ୍ଞାନିକମାନଙ୍କ ମନରେ ମଧ୍ୟ ଅନ୍ଧାର ଖେଳି ଯାଇଛି । ମାତ୍ର ତିନି ଘଣ୍ଟା ପରେ ବିକ୍ରମ ଅନ୍ଧାରରେ ରହିଯିବ । ଫଳରେ ତା ସହିତ ସମ୍ପର୍କ କରିବା ଦୂରର କଥା ଫଟୋ ମଧ୍ୟ ନେଇ ହେବ ନାହିଁ ।

କଟକ, ସେପ୍ଟେମ୍ବର ୨୦ (ଖବର ଓଡ଼ିଶା): କଟକ ଜିଲ୍ଲା ଆଠଗଡ଼ କୁଲାଇଲୋ ଅନନ୍ତ ବେଉରା ଅସ୍ଥି ଶଲ୍ୟ ଚିକିତ୍ସା ସେବା ସଦନ ଗୃହ ଉପରକୁ ବୋମାମାଡ଼ ହୋଇଛି । ଗତକାଲି ରାତି ପ୍ରାୟ ୨ରୁ ୩ଟା ମଧ୍ୟରେ ବୋମାମାଡ଼ ହୋଇଛି । ମୁଖ୍ୟ ଗେଟ୍‌ରେ ଏହି ବୋମାମାଡ଼ ହୋଇଛି । ବୋମା ମାଡ଼ରେ କାହାର କୌଣସି କ୍ଷତି ହୋଇ ନ ଥିବା ଜଣାପଡ଼ିଛି ।

ଆସନ୍ତା ୨୭ ତାରିଖରେ ଅନୁଷ୍ଠିତ ହେବ ଓଡିଶା କ୍ରକେଟ ଆସୋସିଏସନ ବା ଓସିଏର ନିର୍ବାଚନ । ଏନେଇ ଆଜି ନାମାଙ୍କନ ପତ୍ର ଦାଖଲ କରିହେବ । ଏନେଇ ଓସିଏ ନିର୍ବାଚନ ଅଧିକାରୀ ଏମଏଲ ମଜୁମଦାର ସୂଚନା ଦେଇଛନ୍ତି ।

ସୁବଣ୍ଣପୁର, ସେପ୍ଟେମ୍ବର ୨୦(ଖବର ଓଡ଼ିଶା): ସୁବର୍ଣ୍ଣପୁର ରାସ୍ତା ଉପରୁ ଜଣେ ଔଷଧ ବ୍ୟବସାୟୀଙ୍କ ରକ୍ତାକ୍ତ ମୃତଦେହ ଉଦ୍ଧାର ହୋଇଛି । ତାଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ସୁବଳୟ ଥାନା ପୋଲିସ ମୃତଦେହ ଜବତ କରି ଛାନଭିନ କରୁଛି ।