ବରିଷ୍ଠ ଓକିଲ ଇନ୍ଦିରା ଜୟସିଂହ ନିର୍ଭୟା ଗଣବଳାତ୍କାର ଓ ହତ୍ୟା ଘଟଣାରେ ଅଭିଯୁକ୍ତଙ୍କୁ କ୍ଷମା କରିବାକୁ ନିର୍ଭୟା ମାଆ ଆଶା ଦେବୀଙ୍କୁ ପରାମର୍ଶ ଦେଇଥିଲେ। ଏହାପରେ ଏବେ ନିର୍ଭୟାଙ୍କ ମାଆ କଡ଼ା ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, ମୋତେ ପରାମର୍ଶ ଦେବାକୁ ଇନ୍ଦିରା ଜୟସିଂହ କିଏ ? ସମ୍ପୂର୍ଣ୍ଣ ଦେଶ ଦୋଷୀଙ୍କ ଫାଶୀ ଚାହୁଁଛି। ତାଙ୍କ ଭଳି ଲୋକଙ୍କ କାରଣରୁ ଦୁଷ୍କର୍ମ ପୀଡିତାଙ୍କୁ ନ୍ୟାୟ ମିଳୁନାହିଁ। ମୁଁ କେବେ ଦୋଷୀଙ୍କୁ କ୍ଷମା କରିବି ନାହିଁ। ଭଗବାନ ବି ଯଦି ଆସି କହିବେ ଆଶା କ୍ଷମା କରି ଦେ ତେବେ ସୁଦ୍ଧା ମୁଁ କ୍ଷମା କରିବି ନାହିଁ।

ଘୋଷଣା ହେଲା ନୂଆ ଫାଶୀ ତାରିଖ, ଫେବୃଆରୀ ୧ ସକାଳ ୬ଟାରେ ଝୁଲିବେ ଦୋଷୀ

ବହୁ ଚର୍ଚ୍ଚିତ ନିର୍ଭୟା ଗଣବଳାତ୍କାର ଏବଂ ହତ୍ୟା ଘଟଣାର ଅଭିଯୁକ୍ତ ମୁକେଶର ଦୟା ଯାଚିକା ଗୃହ ମନ୍ତ୍ରାଳୟ ରାଷ୍ଟ୍ରପତିଙ୍କ ନିକଟକୁ ପଠାଇଛି। ଡିସେମ୍ବର ୧୬, ୨୦୧୨ରେ ଦିଲ୍ଲୀରେ ହୋଇଥିବା ଏହି ଲୋମହର୍ଷଣକାରୀ ଘଟଣାର ଅନ୍ୟ ଜଣେ ଦୋଷୀ ବିନୟ ଶର୍ମାଙ୍କ ରାଜକ୍ଷମା ଯାଚିକା ରାଷ୍ଟ୍ରପତିଙ୍କ ନିକଟରେ ଆବେଦନ କରାଯାଇଥିଲା। କିନ୍ତୁ ପରେ ସେ ଏହାକୁ ଫେରେଇ ନେଇଥିଲେ। ତେବେ ଆଇନର ଏହି ଲମ୍ବିତ ପ୍ରକ୍ରିୟା ମଧ୍ୟରେ ସର୍ବଶ୍ଵାନ୍ତ ହୋଇଗଲେଣି ନିର୍ଭୟାଙ୍କ ପିତାମାତା। ନିଜ ଝିଅର ବଳାତ୍କାରୀଙ୍କ ଫାଶୀ ପାଇଁ ବାରମ୍ବାର ସରକାର, ପ୍ରଶାସନ, ନ୍ୟାୟାଳୟରେ କାକୁତି ମିନତି ହେଉଛନ୍ତି ନିର୍ଭୟାଙ୍କ ପିତାମାତା। ଏପରିକି ଖୁବ୍ ଶୀଘ୍ର ଅଭିଯୁକ୍ତଙ୍କୁ ଫାଶୀ ଦେବା ପାଇଁ ନିର୍ଭୟାଙ୍କ ମା ପ୍ରଧାନମନ୍ତ୍ରୀଙ୍କୁ ନିବେଦନ କରିଛନ୍ତି।

ବହୁ ଚର୍ଚ୍ଚିତ ନିର୍ଭୟା ଗଣବଳାତ୍କାର ଏବଂ ହତ୍ୟା ଘଟଣାର ଅଭିଯୁକ୍ତ ମୁକେଶ ରାଜକ୍ଷମା ପାଇଁ ଆବେଦନ କରିଥିଲା। ମୁକେଶର ଦୟା ଯାଚିକା ଗୃହ ମନ୍ତ୍ରାଳୟ ଆଜି ରାଷ୍ଟ୍ରପତିଙ୍କ ନିକଟକୁ ପଠାଇଛି। ତେବେ ଗୃହ ମନ୍ତ୍ରାଳୟ ଏହି ଯାଚିକାକୁ ଖାରଜ କରି ଅଭିଯୁକ୍ତଙ୍କ ଫାଶୀଦଣ୍ଡ କାୟମ ରଖିବା ପାଇଁ ସୁପାରିଶ ମଧ୍ୟ କରିଛନ୍ତି।

ଏସିଡ୍ ଆକ୍ରମଣ ପୀଡିତାଙ୍କ ପାଇଁ ଉତ୍ତରାଖଣ୍ଡ ସରକାର ଏକ ସ୍ଵାଗତଯୋଗ୍ୟ ପଦକ୍ଷେପ ଗ୍ରହଣ କରିଛନ୍ତି। ଏଣିକି ଉତ୍ତରାଖଣ୍ଡରେ ଏସିଡ୍ ଆକ୍ରମଣ ପୀଡିତାଙ୍କୁ ପେନସନ୍ ମିଳିବ ବୋଲି ଘୋଷଣା କରାଯାଇଛି। ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ ରେଖା ଆର୍ଯ୍ୟ ଏନେଇ ସୂଚନା ଦେଇଛନ୍ତି।

ତିନି ପିଲାଙ୍କ ମୁଁହରେ ଦୁଇ ମୁଠା ଖାଦ୍ୟ ଦେବା ପାଇଁ ନିଜର କେଶ ବିକ୍ରୀ କରିଛି ବିଧବା ମାଆ। ପିଲାଙ୍କ ପେଟକୁ ଅପୋଷା ନରଖିବାକୁ ନିଜର ସୌନ୍ଦର୍ଯ୍ୟ ବିକ୍ରୀ କରିବାକୁ ପଛାଇ ନାହାଁନ୍ତି ତାମିଲନାଡୁର ଜଣେ ମହିଳା ପ୍ରେମା। ସ୍ଵାମୀଙ୍କ ମୃତ୍ୟୁ ପରେ ପିଲାଙ୍କ ପେଟ ପାଳିବାକୁ ଅକ୍ଷମ ହେବାରୁ ଦାରିଦ୍ର‌୍ୟରେ ଦହଗଞ୍ଜି ହୋଇ ସେ ଆତ୍ମହତ୍ୟା କରିବାକୁ ଚେଷ୍ଟା ମଧ୍ୟ କରିଥିଲେ, କିନ୍ତୁ ତାଙ୍କୁ ଏଥିରେ ବି ଭାଗ୍ୟ ସାଥ ଦେଇ ନଥିଲା।

ପୁଣି ଅଲୋଡା ଶିଶୁକନ୍ୟା। ଯାଜପୁର ବଡଚଣା ତିଳପଦା ଗାଁ ନିକଟରେ ରାସ୍ତା କଡ଼ରୁ ଏକ ନବଜାତ ଶିଶୁ ଉଦ୍ଧାର ହୋଇଛି। ସ୍ଥାନୀୟ ଲୋକମାନେ ଶିଶୁକନ୍ୟାକୁ ଉଦ୍ଧାର କରି ଜିଲ୍ଲା ଶିଶୁ ସୁରକ୍ଷା ବିଭାଗକୁ ହସ୍ତାନ୍ତର କରିଛନ୍ତି।

ବହୁ ଚର୍ଚ୍ଚିତ ନିର୍ଭୟା ଗଣବଳାତ୍କାର ଓ ବିଭତ୍ସ ହତ୍ୟାକାଣ୍ଡ ମାମଲାରେ ନୂଆ ମୋଡ। ଦିଲ୍ଲୀ ପଟିଆଲା ହାଉସ୍ କୋର୍ଟ ୪ ବଳାତ୍କାରୀଙ୍କୁ ଡେଥ୍ ୱାରେଣ୍ଟି ଜାରି କରିବା ପରେ ଏବେ ଜଣେ ଦୋଷୀ ବିନୟ କୁମାର ଶର୍ମା ସର୍ବୋଚ୍ଚ ଅଦାଲତରେ କ୍ୟୁରେଟିଭ୍ ପିଟିସନ୍ ଦାଖଲ କରିଛି। ଫାଶୀ ଉପରେ ରୋକ ଲଗାଇବା ପାଇଁ ସେ ଯାଚିକା ଦାଖଲ କରିଛନ୍ତି।