ନୂଆଦିଲ୍ଲୀ: କେଏଲ ରାହୁଲ ପଞ୍ଜାବ କିଙ୍ଗ୍ସ ବିପକ୍ଷରେ ଦମଦାର ବ୍ୟାଟିଂ କରିଛନ୍ତି। ଏହି ଷ୍ଟାଇଲିସ ବ୍ୟାଟର ୪୭ ବଲରେ ଶତକ ହାସଲ କରି ଇତିହାସ ରଚିଛନ୍ତି। ସେ ଏବେ ଇଣ୍ଡିଆନ୍ ପ୍ରିମିୟର ଲିଗରେ ତୃତୀୟ ସର୍ବାଧିକ ଶତକ ହାସଲକାରୀ ବ୍ୟାଟର ହୋଇଛନ୍ତି। ଏହି ଇନିଂସରେ ରାହୁଲ ଆଇପିଏଲ ୨୦୨୬ ପାଇଁ ଅରେଞ୍ଜ କ୍ୟାପ୍ ହାସଲ କରିଛନ୍ତି। କେଏଲ ରାହୁଲ ନିଜର ଆଇପିଏଲ କ୍ୟାରିୟରରେ ୫,୦୦୦ ରୁ ଅଧିକ ରନ କରିଛନ୍ତି, ଏବଂ ପଞ୍ଜାବ କିଙ୍ଗ୍ସ ବିପକ୍ଷରେ  ଐତିହାସିକ ଶତକ ସମୟର  ତିନୋଟି ପ୍ରମୁଖ ରେକର୍ଡ ଭାଙ୍ଗିଛନ୍ତି।

ଆଇପିଏଲରେ ସର୍ବାଧିକ ଶତକ 

କେଏଲ ରାହୁଲଙ୍କ ଆଇପିଏଲ କ୍ୟାରିୟରର ଏହା ଷଷ୍ଠ ଶତକ। ସେ ବିଶ୍ଵର ସବୁଠୁ ଲୋକପ୍ରିୟ ଏହି ଲିଗରେ ସର୍ବାଧିକ ଶତକ ମାମଲାରେ କ୍ରିସ ଗେଲଙ୍କ ସହ ସମକକ୍ଷ ହୋଇଛନ୍ତି। ବର୍ତ୍ତମାନ, ଏହି ତାଲିକାରେ କେବଳ ବିରାଟ କୋହଲି (୮ ଶତକ) ଏବଂ ଜୋସ ବଟଲର୍ (୭ ଶତକ) ତାଙ୍କ ଆଗରେ ଅଛନ୍ତି।

୮ ଶତକ - ବିରାଟ କୋହଲି

୭ ଶତକ - ଜୋସ ବଟଲର୍

୬ ଶତକ - କେଏଲ ରାହୁଲ

୬ ଶତକ - କ୍ରିସ ଗେଲ୍

ଦିଲ୍ଲୀ କ୍ୟାପିଟାଲ୍ସ ପାଇଁ ଦ୍ରୁତତମ ଶତକ 

କେଏଲ ରାହୁଲ ୪୭ ବଲରେ ନିଜର ଶତକ ପୂରଣ କରିଛନ୍ତି। ଏହା ଇଣ୍ଡିଆନ୍ ପ୍ରିମିୟର ଲିଗରେ ଦିଲ୍ଲୀ କ୍ୟାପିଟାଲ୍ସ ପାଇଁ ଦ୍ରୁତତମ ଶତକ। ସେ ବୀରେନ୍ଦ୍ର ସେହୱାଗ ଏବଂ କ୍ଵିଣ୍ଟନ ଡି କକଙ୍କ ରେକର୍ଡ ଭାଙ୍ଗିଛନ୍ତି। ସେହୱାଗ ଏବଂ ଡି କକ୍ ଦିଲ୍ଲୀ ପାଇଁ ୪୮ ବଲରେ ଶତକ ହାସଲ କରିଥିଲେ।

୪୭ ବଲ୍ - କେଏଲ ରାହୁଲ

୪୮  ବଲ୍ - ବୀରେନ୍ଦ୍ର ସେହୱାଗ

୪୮ ବଲ୍ - କ୍ୱିଣ୍ଟନ୍ ଡି କକ୍

ଆଇପିଏଲରେ ଭାରତୀୟଙ୍କ ଦ୍ଵାରା ସର୍ବାଧିକ ବ୍ୟକ୍ତିଗତ ସ୍କୋର 

 କେଏଲ ରାହୁଲ ଆଇପିଏଲରେ  ଭାରତୀୟ ଖେଳାଳି ଭାବେ ସର୍ବାଧିକ ବ୍ୟକ୍ତିଗତ ସ୍କୋର କରିଛନ୍ତି। ସେ ଅଭିଷେକ ଶର୍ମାଙ୍କ ୧୪୧ ରନର ରେକର୍ଡ ଭାଙ୍ଗିଛନ୍ତି। ଆଇପିଏଲରେ ପ୍ରଥମ ଭାରତୀୟ ବ୍ୟାଟର ଭାବେ ୧୫୦ ରନ କିମ୍ବା ତା’ଠାରୁ ଅଧିକ ରନ୍ କରିଥିବା ପ୍ରଥମ ଭାରତୀୟ ବ୍ୟାଟର ମଧ୍ୟ ହୋଇଛନ୍ତି।