ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଙ୍ଗଳବାର ପୂର୍ବାହ୍ଣରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ମିଠା ଖୁଆଇଛନ୍ତି। ଏହି ମିଠା ଖୁଆଇବାର ଖୁସି ହେଲା ଆଜି କେନ୍ଦ୍ରର ବଜେଟ୍-୨୦୨୪ ଆସୁଛି। କେନ୍ଦ୍ରମନ୍ତ୍ରୀ ଶ୍ରୀମତୀ ସୀତାରମଣ ସଂସଦରେ ପହଞ୍ଚିବା ପୂର୍ବରୁ ରାଷ୍ଟ୍ରପତି ଭବନ ଯାଇଥିଲେ। ସେଠାରେ ସେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟି ଥିଲେ। ଏହି ଅମସରରେ ଶ୍ରୀମତୀ ମୁର୍ମୁ ଅର୍ଥମନ୍ତ୍ରୀଙ୍କୁ ମିଠା ଉପହାର ଦେଇଥିଲେ। ଏହା ପରେ ଶ୍ରୀମତୀ ସୀତାରମଣ ସଂସଦ ଭବନ ଅଭିମୁଖେ ବାହାରି ଥିଲେ।
ରାଷ୍ଟ୍ରପତି ଦ୍ରୌବଦୀ ମୁର୍ମୁ ସାମାଜିକ ଗଣମାଧ୍ୟମ ‘ଏକ୍ସ’ରେ କେନ୍ଦ୍ର ଅର୍ଥମନ୍ତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି। ଏଥି ସହିତ ସେ ଦେଶର ବିକାଶ ପାଇଁ ଭଲ ବଜେଟ୍ ମଧ୍ୟ ଆଶା କରିଛନ୍ତି।
ଆର୍ଥିକ ବର୍ଷ ୨୦୨୪-୨୫ ପାଇଁ ଆଜି ସଂସଦରେ ବଜେଟ୍ ଉପସ୍ଥାପନ କରିବେ। କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ଏହି ବଜେଟ୍ ଉପସ୍ଥାପନ କରିବେ। ସେ କ୍ରମାଗତ ୭ମ ଥର କେନ୍ଦ୍ର ବଜେଟ୍ ଉପସ୍ଥାପନ କରି ରେକର୍ଡ ମଧ୍ୟ କରିବେ। ଆଜି ପୂର୍ବାହ୍ଣ ୧୧ଟାରେ ଭାରତ ସରକାରଙ୍କ ବଜେଟ୍ ଉପସ୍ଥାପନ କରିବେ। ସେ ମୌସୁମୀ ଅଧିବେଶନର ପ୍ରଥମ ଦିନରେ ସୋମବାର ଆର୍ଥିକ ସର୍ଭେ ରିପୋର୍ଟ ଉପସ୍ଥାପନ କରିଥିଲେ। ବଜେଟ୍ ପୂର୍ବରୁ ଆର୍ଥିକ ସର୍ଭେକ୍ଷଣରେ ଆର୍ଥିକ ବର୍ଷ ୨୦୨୬ ପାଇଁ ୬.୫-୭ ପ୍ରତିଶତ ବୃଦ୍ଧି ଅନୁମାନ କରାଯାଇଛି।
Union FM Nirmala Sitaharaman meets President