ବରଗଡ଼, ଜୁଲାଇ ୨୫ (ଖବର ଓଡ଼ିଶା): ଚଳିତ ବର୍ଷ ରାଜ୍ୟରେ ବର୍ଷା ଅଭାବରୁ ମରୁଡ଼ି ପରିସ୍ଥିତି ଉତ୍ପନ୍ନ ହୋଇଛି । ଜଳ ବିନା କ୍ଷେତରେ ଧାନ ତଳି ସୁଖି ଯାଉଛି । ଫଳରେ ଏକର ଏକରେ ଜମିରେ ଧାର କରଜ କରି ଚାଷ କରିଥିବା ଚାଷୀ ଏବେ ମୁଣ୍ଡରେ ହାତ ଦେଲେଣି । କେହି କେହି ଫସଲ ହାନି ଓ ଋଣ ଚିନ୍ତାରେ ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି । ବରଗଡ଼ ଜିଲ୍ଲାରେ ପୁଣି ଜଣେ ଚାଷୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ସେ ହେଲେ ପୋଡ଼ାମୁଡ଼ା ଗାଁର ବୈଷ୍ଣବ ଭୋଇ ।

ବଲାଙ୍ଗୀର, ଜୁଲାଇ ୧୯ (ଖବର ଓଡ଼ିଶା): ବଲାଙ୍ଗୀର ସଦର ଥାନା ବରକାନୀ ଗାଁରେ ଜଣେ ଚାଷୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଫସଲହାନୀ ପାଇଁ ସେ ଜୀବନ ହାରିଥିବା ପରିବାର ଲୋକ କହିଛନ୍ତି । ମୃତ ଚାଷୀ ଜଣକ ହେଲେ ଭକ୍ତବନ୍ଧୁ ଦଣ୍ଡସେନା ।

ନୂଆଦିଲ୍ଲୀ, ଜୁଲାଇ ୫ (ଖବର ଓଡ଼ିଶା): ଅନ୍ନ ଦାତାଙ୍କୁ ଶକ୍ତି ଦାତାରେ ପରିଣତ କରିବାକୁ କେନ୍ଦ୍ର ସରକାର ଚାଷୀଙ୍କ ପାଇଁ ତାଙ୍କ ବଜେଟ୍‌ରେ ବଡ଼ ଘୋଷଣା କରିଛନ୍ତି । ଦଶ ହଜାର ନୂଆ କିଷାନ ଉତ୍ପାଦକ ସଂଘ ତିଆରିକୁ କରିବାକୁ ମୋଦୀ ସରକାର ବଜେଟ୍‌ ରଖିଚନ୍ତି । ଏହି ପରିପ୍ରେକ୍ଷୀରେ ଅର୍ଥମନ୍ତ୍ରୀ ନିର୍ମଲା ସୀତାରମଣ କହିଛନ୍ତି କି ଆମ ସରକାରର କେନ୍ଦ୍ର ବିନ୍ଦୁ ହେଉଛି ଗାଁ, ଚାଷୀ ଓ ଗରୀବ । କୃଷି ସରଞ୍ଚନାରେ ଏବେ ନିବେଶ ପାଇଁ ଅଗ୍ରାଧିକାରୀ ଦିଆଯିବ ବୋଲି ଅର୍ଥମନ୍ତ୍ରୀ କହିଛନ୍ତି ।

ଭୁବନେଶ୍ୱର, ଜୁନ ୧୧ (ଖବର ଓଡ଼ିଶା): କୃଷି ଓ କୃଷକଙ୍କ କଲ୍ୟାଣକୁ ନଜରରେ ରଖି ରାଜ୍ୟ ସରକାର କୃଷି ନୀତିରେ ପରିବର୍ତ୍ତନ କରିବାକୁ ଯାଉଛି । ସମୟ ଓ ଆବଶ୍ୟକତାକୁ ଦେଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କର ପଞ୍ଚମ ପାଳିରେ କୃଷି ନୀତିକୁ ବଦଳାଇବେ । ଏ ନେଇ ଆଜି ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ନିଷ୍ପତ୍ତି ହୋଇଥିବା କୃଷି ସଚିବ ସୌରଭ ଗର୍ଗ ସୂଚନା ଦେଇଛନ୍ତି ।

ଭୁବନେଶ୍ୱର, ଜାନୁଆରୀ ୧୧(ଖବର ଓଡିଶା): ଚାଷୀଙ୍କ ପାଇଁ ମଣ୍ଡି ଖୋଲୁ ନ ଥିବା ଏବଂ କମ୍‌ ମୂଲ୍ୟରେ ଧାନ ବକ୍ରି ହେଉଥିବା ବିରୋଧୀଙ୍କ ଅଭିଯୋଗ ପରେ ମୁହଁ ଖୋଲିଛନ୍ତି ବିଭାଗୀୟ ମନ୍ତ୍ରୀ । ରାଜ୍ୟ ସମବାୟ ଓ ଯୋଗାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ବିରୋଧୀଙ୍କୁ ଦୃଢ଼ୋକ୍ତିରେ ଚ୍ୟାଲେଞ୍ଜ ଦେଇ କହିଛନ୍ତି ଯଦି ନିର୍ଦ୍ଧାରିତ ମୂଲ୍ୟରୁ ଧାନ ବିକ୍ରି ହେଉଥିବା ପ୍ରମାଣିତ ହୁଏ, ତେବେ ସେ ରାଜନୀତି ଛାଡ଼ି ଦେବେ । ସେହିପରି ରାଜ୍ୟରେ ଗତ ବର୍ଷ ତୁଳନାରେ ଅଧିକ ଧାନ ସଂଗ୍ରହ ହୋଇଥିବା ମଧ୍ୟ ମନ୍ତ୍ରୀ ଶ୍ରୀ ପାତ୍ର ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ଭୁବନେଶ୍ୱର ,ଜାନୁଆରୀ ୧୦(ଖବର ଓଡ଼ିଶା): କାଳିଆ ଯୋଜନା ନିମନ୍ତେ ଜେରକ୍ସ ଫର୍ମରେ ମଧ୍ୟ ଆବେଦନ କରାଯାଇପାରିବ । ପର୍ଯ୍ୟାୟ କ୍ରମେ ଆବେଦନ ପାଇଁ ରହିଛି ସୁଯୋଗ । ଏନେଇ ରହିଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କଡା ନିର୍ଦ୍ଦେଶ । ଆଜି ଏହା କହିଛନ୍ତି କୃଷି ଏବଂ କୃଷକ ସଶକ୍ତକରଣ ସଚିବ ସୌରଭ ଗର୍ଗ ।

ମାଲକାନଗିରି, ଡିସେମ୍ବର ୧୮ (ଖବର ଓଡ଼ିଶା): ସ୍ଥଳ ଭାଗ ଛୁଇଁବା ପରେ ସାମୁଦ୍ରିକ ଝଡ ‘ପେଥାଇ’ ଦୁର୍ବଳ ହୋଇଛି । କିନ୍ତୁ ଚାଷୀଙ୍କ ମୁଣ୍ଡରେ ଚଡ଼କ ପକେଇ ଦେଇଛି । ମଣ୍ଡିରେ ବର୍ଷା ପାଣି ପଶି କ୍ୱିଣ୍ଟାଲ କ୍ୱିଣ୍ଟାଲ ଧାନ ଓଦା ହୋଇଛି । ଧାନ ଗଜା ହୋଇଯିବା ଆଶଙ୍କାରେ ଚାଷୀକୂଳ ହତାଶ ହୋଇପଡ଼ିଛି ।

କୋରାପୁଟରେ ବିଭିନ୍ନ ମଣ୍ଡିରେ ପଡ଼ି ରହିଛି କ୍ୱିଣ୍ଟାଲ କ୍ୱିଣ୍ଟାଲ ଧାନ । ରାତି ଅନିଦ୍ରା ହୋଇ ଅମଳ ଧାନକୁ ଜଗି ରହିଛି ଚାଷୀ । କିନ୍ତୁ ମିଲର୍‌ଙ୍କ ଦେଖା ନାହିଁ । ଯାହାକୁ ନେଇ ଚିନ୍ତାରେ ପଡ଼ିଛି ଚାଷୀକୂଳ । ଧାନର ଏଫ୍‌ଏକ୍ୟୁ ମାନର ଆଳ ଦେଖାଇ ଧାନ କିଣୁ ନାହାଁନ୍ତି ମିଲର୍‌ । ଯେଉଁଥିପାଇଁ ଚାଷୀ ମଧ୍ୟରେ ପ୍ରକାଶ ପାଇଛି ଅସନ୍ତୋଷ । ସେଥିପାଇଁ ଆଜି ବୋରିଗୁମ୍ମାରେ ୧୭ଟି ପଞ୍ଚାୟତର ଶତାଧିକ ଚାଷୀ ଆନ୍ଦୋଳନକୁ ଓହ୍ଲାଇଛନ୍ତି । ଅନ୍ୟପକ୍ଷରେ ଧାନ କିଣାରେ ଅନିୟମିତତା ଅଭିଯୋଗରେ କଂଗ୍ରେସ ଜୟପୁରରେ ୫ ଘଣ୍ଟିଆ ଚକା ଜାମ୍‌ କରିଛି ।