ଖବର ଓଡ଼ିଶା: ସଂସଦରେ ଆର୍ଥିକ ବର୍ଷ ୨୦୨୪-୨୫ ପାଇଁ ବଜେଟ୍ ଆଗତ କରାଯାଇଛି । ଉପସ୍ଥାପିତ ସାଧାରଣ ବଜେଟ୍ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ପ୍ରତିକ୍ରିୟା ରଖିଛନ୍ତି । ଏହି ବଜେଟ ନୂତନ ଉଚ୍ଚତାକୁ ନେବ । ପ୍ରଧାନମନ୍ତ୍ରୀ ଏହି ଗୁରୁତ୍ୱପୂର୍ଣ୍ଣ ବଜେଟ୍ ପାଇଁ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି । ଏହି ବଜେଟ୍ ସମାଜର ପ୍ରତ୍ୟେକ ବର୍ଗକୁ ଶକ୍ତି ପ୍ରଦାନ କରିବାକୁ ଯାଉଛି, ଏହା ଦେଶର ଗ୍ରାମ, ଗରିବ ଏବଂ କୃଷକମାନଙ୍କୁ ସମୃଦ୍ଧ ମାର୍ଗରେ ନେବାକୁ ଯାଉଛି । ଏହା ମଧ୍ୟବିତ୍ତ ଲୋକଙ୍କୁ ନୂତନ ଶକ୍ତି ଦେବ । ଏହି ବଜେଟ୍ ମହିଳାମାନଙ୍କର ଆର୍ଥିକ ଅଂଶଗ୍ରହଣ ନିଶ୍ଚିତ କରିବାରେ ସାହାଯ୍ୟ କରିବ ବୋଲି ମୋଦୀ କହିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଯେ ଗତ ୧୦ ବର୍ଷ ମଧ୍ୟରେ ୨୫ କୋଟି ଲୋକ ଦାରିଦ୍ର୍ୟରୁ ବାହାରି ଆସିଛନ୍ତି । ଏହି ବଜେଟ୍ ଯୁବକମାନଙ୍କୁ ଅଗଣିତ ନୂତନ ସୁଯୋଗ ପ୍ରଦାନ କରିବ । ଶିକ୍ଷା ଏବଂ ଦକ୍ଷତା ପାଇଁ ନୂତନ ଉଚ୍ଚତାରେ ପହଁଚାଇବା ସହ ମଧ୍ୟବିତ୍ତ ଲୋକଙ୍କୁ ନୂତନ ଶକ୍ତି ଦେବ । ସେହିକରି ପଛୁଆ ବର୍ଗର ଲୋକଙ୍କୁ ସଶକ୍ତ କରିବା ଏବଂ ଆଦିବାସୀ ସମାଜ ଏକ ସଶକ୍ତ କରିବାକୁ ଯୋଜନା ପ୍ରସ୍ତୁତ କରାଯାଇଛି । ଏହି ବଜେଟ୍ ମହିଳାମାନଙ୍କର ଆର୍ଥିକ ଅଂଶଗ୍ରହଣ ନିଶ୍ଚିତ କରିବାରେ ସାହାଯ୍ୟ କରିବ | ଛୋଟ ବ୍ୟବସାୟୀ ଏବଂ କ୍ଷୁଦ୍ର ଶିଳ୍ପର ପ୍ରଗତି ପାଇଁ ଏକ ନୂତନ ରାସ୍ତା ଦେଖାଇବ । ବଜେଟରେ ଉତ୍ପାଦନ ଏବଂ ଭିତ୍ତିଭୂମି ଉପରେ ମଧ୍ୟ ଗୁରୁତ୍ୱ ଦିଆଯାଇଛି । ଏହା ଅର୍ଥନୈତିକ ବିକାଶ ପାଇଁ ନୂତନ ଗତି ଏବଂ ନିରନ୍ତରତା ଦେବ ।
ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଆମେ ସମସ୍ତେ ମିଳିତ ଭାବେ ଭାରତକୁ ଏକ ବିଶ୍ୱ ଉତ୍ପାଦନ କେନ୍ଦ୍ରରେ ପରିଣତ କରିବୁ । ଛୋଟ ଶିଳ୍ପ ପାଇଁ ଋଣ ବୃଦ୍ଧି ପାଇଁ ଏହି ବଜେଟରେ ନୂତନ ଯୋଜନା ଘୋଷଣା କରାଯାଇଛି । ପ୍ରତ୍ୟେକ ଜିଲ୍ଲାକୁ ଉତ୍ପାଦନ ଏବଂ ରପ୍ତାନି ଇକୋସିଷ୍ଟମକୁ ନେବା ପାଇଁ ବଜେଟରେ ଏକ ଗୁରୁତ୍ୱପୂର୍ଣ୍ଣ ଘୋଷଣା କରାଯାଇଛି । ଏହି ବଜେଟ୍ ଷ୍ଟାର୍ଟଅପ୍, ଇନୋଭେସନ୍ ଇକୋସିଷ୍ଟମ୍ ପାଇଁ ଅନେକ ନୂଆ ସୁଯୋଗ ଆଣିଛି ।
ସେହିପରି ମୋଦୀ କହିଛନ୍ତି ଯେ ରୋଜଗାର ଏବଂ ଆତ୍ମନିଯୁକ୍ତି ପାଇଁ ଅଦୃଶ୍ୟ ସୁଯୋଗ ବୃଦ୍ଧି କରିବା ଆମ ସରକାରଙ୍କ ପରିଚୟ ଅଟେ । ଆଜିର ବଜେଟ୍ ଏହାକୁ ଆହୁରି ମଜବୁତ କରୁଛି । ସରକାର ଏକ ନିଯୁକ୍ତି ସମ୍ବନ୍ଧୀୟ ପ୍ରୋତ୍ସାହନ ଯୋଜନା ଘୋଷଣା କରିଛନ୍ତି, ଏହା ଦେଶରେ କୋଟି କୋଟି ନୂତନ ନିଯୁକ୍ତି ସୃଷ୍ଟି କରିବ, ପ୍ରଥମ ଚାକିରିର ପ୍ରଥମ ଦରମା ଆମ ସରକାର ଦେବ ବୋଲି ମୋଦୀ ଦୃଢ଼ୋକ୍ତି କରିଛନ୍ତି । ଏହା ସହ ଦକ୍ଷତା ବିକାଶ ତଥା ଉଚ୍ଚଶିକ୍ଷା କିମ୍ବା ଏକ କୋଟି ଯୁବକଙ୍କ ପାଇଁ ଇଣ୍ଟର୍ନସିପ୍ ଯୋଜନା ସାହାଯ୍ୟରେ ଗାଁର ଗରିବ ଯୁବକମାନେ ଦେଶର ପ୍ରମୁଖ କମ୍ପାନୀଗୁଡିକରେ କାର୍ଯ୍ୟ କରିବେ । ଆମକୁ ପ୍ରତ୍ୟେକ ସହର, ପ୍ରତ୍ୟେକ ଗ୍ରାମ, ପ୍ରତ୍ୟେକ ଘରେ ଉଦ୍ୟୋଗୀ କରିବାକୁ ପଡିବ । ଏଥିପାଇଁ ମୁଦ୍ରା ଲୋନର ସୀମା ୧୦ ଲକ୍ଷରୁ ୨୦ ଲକ୍ଷକୁ ବୃଦ୍ଧି କରାଯାଇଥିବା ପ୍ରଧାନମନ୍ତ୍ରୀ କହିଛନ୍ତି ।