ଖବର ଓଡ଼ିଶା: ଆର୍ଥିକ ବର୍ଷ ୨୦୨୪-୨୫ ପାଇଁ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ସଂସଦରେ ମଙ୍ଗଳବାର ବଜେଟ୍ ଉପସ୍ଥାପନ କରିଛନ୍ତି । ଦେଶର ଜନତା ଆମର ନୀତି ଉପରେ ଭରସା ରଖିଛନ୍ତି । ମୌସୁମୀ ଅଧିବେଶନରେ ବଜେଟ୍ ଉପସ୍ଥାପନ ଅବସରରେ ଅର୍ଥମନ୍ତ୍ରୀ କହିଛନ୍ତି । କେନ୍ଦ୍ର ଅର୍ଥମନ୍ତ୍ରୀ କହିଛନ୍ତି, ଅନ୍ତରୀଣ ବଜେଟରେ ଯେଉଁଭଳି ଉଲ୍ଲେଖ କରାଯାଇଥିଲା, ୪ ଭିନ୍ନ ଭିନ୍ନ ଜାତି ଗରିବ, ମହିଳା, ଯୁବ ଓ ଚାଷୀଙ୍କୁ ଦୃଷ୍ଟିରେ ରଖି ବଜେଟ କରାଯାଇଛି । ଚଳିତ ବଜେଟ୍ ରେ ପୂର୍ବୋଦୟ ଉପରେ ଗୁରୁତ୍ୱ ଦିଆଯାଇଛି ।
ସବୁବେଳେ ପୂର୍ବ ଭାରତର ବିକାଶ ଉପରେ ଗୁରୁତ୍ୱ ଦେଇ ଆସିଥିବା କେନ୍ଦ୍ର ସରକାର ଚଳିତ ବଜେଟରେ ପୂର୍ବାଞ୍ଚଳ ରାଜ୍ୟର ବିକାଶ ପାଇଁ ପୂର୍ବୋଦୟ ଆରମ୍ଭ ହେବା କହିଛନ୍ତି । ପୂର୍ବାଞ୍ଚଳ ରାଜ୍ୟ ସହ ଆଉ ୫ଟି ରାଜ୍ୟ ସାମିଲ ହେବେ । ଓଡ଼ିଶା, ବିହାର, ପଶ୍ଚିମବଙ୍ଗ ଏବଂ ଆନ୍ଧ୍ରପ୍ରଦେଶ । ଓଡ଼ିଶା ପର୍ଯ୍ୟଟନର ବିକାଶ ପାଇଁ ବଜେଟରେ ଘୋଷଣା କରାଯାଇଛି । ‘ମନ୍ଦିର, ବନ୍ୟଜନ୍ତୁ, ସାମୁଦ୍ରିକ ସଂପଦ ପାଇଁ ଓଡ଼ିଶା ଜଣାଶୁଣା’ ତେଣୁ ପର୍ଯ୍ୟଟନର ବିକାଶ ପାଇଁ ଓଡ଼ିଶାକୁ ସହାୟତା ପ୍ରଦାନ କରାଯିବ । ବିହାର ଓ ଆନ୍ଧ୍ର ପ୍ରଦେଶ ପାଇଁ ବିଶେଷ ଘୋଷଣା କରିଛନ୍ତି ଅର୍ଥମନ୍ତ୍ରୀ । ବିହାରରେ ଏୟାରପୋର୍ଟ ଓ ମେଡିକାଲ କଲେଜର ବିକାଶ ପାଇଁ ଅନୁଦାନ ପ୍ରଦାନ କରାଯିବ । ସେହିକରି ଆନ୍ଧ୍ରପ୍ରଦେଶର ପୋଲାଭରମ ପ୍ରକଳ୍ପ ଜୀବନ ରେଖା ହୋଇଥିବାରି ଖୁବଶୀଘ୍ର ସମାପ୍ତ ପାଇଁ ପଦକ୍ଷେପ ନିଆଯିବ । ଆନ୍ଧ୍ରପ୍ରଦେଶ ପୁନର୍ଗଠନ ହେବ ବୋଲି ଘୋଷଣା କରିଛନ୍ତି ଅର୍ଥମନ୍ତ୍ରୀ ।