ଖବର ଓଡ଼ିଶା: ସଂସଦରେ ଆର୍ଥିକ ବର୍ଷ ୨୦୨୪-୨୫ ପାଇଁ ବଜେଟ୍ ଆଗତ କରାଯାଇଛି । ପୂର୍ଣ୍ଣାଙ୍ଗ ବଜେଟର ପରିମାଣ ୪୮ ଲକ୍ଷ ୨୦ ହଜାର ୫୧୨ କୋଟି ଟଙ୍କା ରହିଛି । ୪ ଭିନ୍ନ ଭିନ୍ନ ଜାତି ଗରିବ, ମହିଳା, ଯୁବ ଓ ଚାଷୀଙ୍କୁ ଦୃଷ୍ଟିରେ ରଖି ବଜେଟ କରାଯାଇଛି । ଚଳିତ ବଜେଟ୍ରେ ଅନେକ ଜିନିଷ ଉପରେ କେନ୍ଦ୍ର ସରକାର କଷ୍ଟମ ଡ୍ୟୁଟି ୬% ହ୍ରାସ କରିଛନ୍ତି । ଫଳରେ ବହୁତ ସାମଗ୍ରୀ ଶସ୍ତା ହୋଇଛି । ଏହା ସହ କିଛି ସାମଗ୍ରୀ ମହଙ୍ଗା ମଧ୍ୟ ହୋଇଛି ।
ସୁନା, ରୁପା, ପ୍ଲାଟିନମ ଉପରୁ କଷ୍ଟମ ଡ୍ୟୁଟି କମିବ । ସୁନା ଓ ରୂପା ଉପରେ ବେସିକ୍ କଷ୍ଟମ ଡ୍ୟୁଟି ୪ ପ୍ରତିଶତ ହ୍ରାସ କରିବାକୁ ଘୋଷଣା କରିଛନ୍ତି କେନ୍ଦ୍ର ସରକାର । ପୂର୍ବରୁ ଏହା ୧୦ ପ୍ରତିଶତ ଥିଲା । ଯାହାକି ଏବେ ୬ ପ୍ରତିଶତକୁ ହ୍ରାସ ପାଇବାକୁ ଯାଉଛି । ସୁନା ଓ ରୁପା ଉପରୁ କଷ୍ଟମ ଡ୍ୟୁଟି ୬ ପ୍ରତିଶତ ହ୍ରାସ ହୋଇଥିବା ବେଳେ ପ୍ଲାଟିନମ୍ ଉପରୁ କଷ୍ଟମ ଡ୍ୟୁଟି ୬.୪ ପ୍ରତିଶତ ହ୍ରାସ କରାଯିବ ବୋଲି ଅର୍ଥ ମନ୍ତ୍ରୀ ଘୋଷଣା କରିଛନ୍ତି । ସୁନା ଓ ରୂପା ଉପରେ ବେସିକ୍ କଷ୍ଟମ୍ ଡ୍ୟୁଟି ହ୍ରାସ ପରେ ବଜାରରେ ସୁନା ଦର ହ୍ରାସ ପାଇଛି । ସୁନା ଦର ପ୍ରାୟ ୨ ହଜାର ଟଙ୍କା ହ୍ରାସ ପାଇଛି । ସେହିଭଳି ରୂପା ଦର ୩ ହଜାର ଟଙ୍କା କମିଛି । ସେହିକରି ୩ ପ୍ରକାର କ୍ୟାନ୍ସର୍ ଔଷଧ ଉପରୁ କଷ୍ଟମ ଡ୍ୟୁଟି କମିବ । ଔଷଧ, ମେଡିକାଲ ଜିନିଷ, ଏକ୍ସରେ ଟ୍ୟୁବ୍ ଉପରୁ ମଧ୍ୟ ଶୁଳ୍କ ହ୍ରାସ ନେଇ ଘୋଷଣା ବଜେଟ୍ରେ ଘୋଷଣା ହୋଇଛି ।
ସୁନା,ରୂପା, ପ୍ଲାଟିନମ୍, ସ୍ମାର୍ଟଫୋନ, ମୋବାଇଲ ଚାର୍ଜର, ମୋବାଇଲ ବ୍ୟାଟେରୀ, ଇଲେକ୍ଟ୍ରିକ୍ ଗାଡି (EV), ଲିଥିୟମ ବ୍ୟାଟେରୀ, କ୍ୟାନସର ମେଡିସିନ୍, ପ୍ଲାଟିନମ୍, ମାଛ ଦାନା, ଚମଡା ଜାତୀୟ ଦ୍ରବ୍ୟ, ପେଟ୍ରୋ କେମିକାଲ, ଜୋତା ଓ ଚପଲ ଦର ଶସ୍ତା ହୋଇଛି ।
ଅନ୍ୟପକ୍ଷେ ବିମାନ ଯାତ୍ରା ମହଙ୍ଗା ହୋଇଥିବାବେଳେ ସିଗାରେଟ୍, ପ୍ଲାଷ୍ଟିକ୍ ସାମଗ୍ରୀ, ଆମୋନିୟମ ନାଇଟ୍ରେଟ୍, ଫ୍ଲେକ୍ସ ବ୍ୟାନର ଓ କପଡା ମଧ୍ୟ ମହଙ୍ଗା ହୋଇଛି ।