ନୂଆଦିଲ୍ଲୀ: ଆର୍ଥିକ ବର୍ଷ ୨୦୨୪-୨୫ ପାଇଁ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ସଂସଦରେ ମଙ୍ଗଳବାର ବଜେଟ୍ ଉପସ୍ଥାପନ କରିଛନ୍ତି । ଦେଶର ଜନତା ଆମର ନୀତି ଉପରେ ଭରସା ରଖିଛନ୍ତି । ମୌସୁମୀ ଅଧିବେଶନରେ ବଜେଟ୍ ଉପସ୍ଥାପନ ଅବସରରେ ଅର୍ଥମନ୍ତ୍ରୀ କହିଛନ୍ତି । କେନ୍ଦ୍ର ଅର୍ଥମନ୍ତ୍ରୀ କହିଛନ୍ତି, ଅନ୍ତରୀଣ ବଜେଟରେ ଯେଉଁଭଳି ଉଲ୍ଲେଖ କରାଯାଇଥିଲା, ୪ ଭିନ୍ନ ଭିନ୍ନ ଜାତି ଗରିବ, ମହିଳା, ଯୁବ ଓ ଚାଷୀଙ୍କୁ ଦୃଷ୍ଟିରେ ରଖି ବଜେଟ କରାଯାଇଛି ।
ଚାଷୀଙ୍କ ସବୁ ପ୍ରମୁଖ ଫସଲ ପାଇଁ ଉଚ୍ଚ ନ୍ୟୁନତମ ସମର୍ଥନ ମୂଲ୍ୟ ଘୋଷଣା କରଯାଇଛି । ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାକୁ ୫ ବର୍ଷ ପାଇଁ ବଢ଼ାଯାଇଛି। ଏହା ଦ୍ୱାରା ୮୦ରୁ ଅଧିକ କୋଟି ଲୋକ ଉପକୃତ ହେବେ ।
ଅର୍ଥମନ୍ତ୍ରୀ ସଂକେତ ଦେଇଛନ୍ତି ଯେ, ସୁକ୍ଷ୍ମ, ଲଘୁ ଓ ମଧ୍ୟମକୁ ପ୍ରୋତ୍ସାହନ ମିଳିବ। ଦେଶର ବିକାଶ ଇଂଜିନର ଏହା ଏକ ଗୁରୁତ୍ବପୂର୍ଣ୍ଣ ଅଂଶବିଶେଷ। ଏହି ବଜେଟ୍ରେ ପ୍ରତିରକ୍ଷା, ଇଲେକ୍ଟ୍ରୋନିକ୍ସ, ଇଲେକ୍ଟ୍ରି ବାହନ, ଉତ୍ପାଦନକୁ ଗୁରୁତ୍ୱ ଦିଆଯାଇଛି ।
ଅର୍ଥମନ୍ତ୍ରୀ କହିଛନ୍ତି, ମୋତେ ୨ ଲକ୍ଷ କୋଟି ଟଙ୍କାର କେନ୍ଦ୍ରୀୟ ପରିବ୍ୟୟ ସହିତ ୫ ବର୍ଷରେ ୪.୧ କୋଟି ଯୁବକ-ଯୁବତୀଙ୍କ ପାଇଁ ରୋଜଗାର, ଦକ୍ଷତା ଓ ଅନ୍ୟ ଅବସର ପାଇଁ ସୁବିଧା ପାଇଁ ୫ ଯୋଜନା ଓ ପ୍ରଧାନମନ୍ତ୍ରୀ ପ୍ୟାକେଜ ଘୋଷଣା କରି ଖୁସି ଅନୁଭବ ହେଉଛି । ଚଳିତ ବର୍ଷ ଆମେ ଶିକ୍ଷା, ରୋଜଗାର ଓ ଦକ୍ଷତା ବିକାଶ ପାଇଁ ୧.୪୮ ଲକ୍ଷ କୋଟିର ବଜେଟ୍ ରଖିଛି ।
ନିଯୁକ୍ତି, ଶିକ୍ଷା ଓ ଦକ୍ଷତା ବିକାଶ ପାଇଁ ୧ ଲକ୍ଷ ୪୮ ହଜାର କୋଟି ବ୍ୟବସ୍ଥା କରାଯାଇଛି। ୩୨ ଫସଲର ୧୦୯ ଉନ୍ନତ ଅମଳକ୍ଷମ ବିହନ ଚାଷୀଙ୍କୁ ମିଳିବ। ୧ କୋଟି ଚାଷୀଙ୍କୁ ପ୍ରାକୃତିକ ଉପାୟରେ ଚାଷ ପାଇଁ ପ୍ରୋତ୍ସାହନ ଦିଆଯିବ। ଚାଷୀଙ୍କ ଉତ୍ପାଦର ଷ୍ଟୋରେଜ ଓ ମାର୍କେଟିଂ ପାଇଁ ବିଶେଷ ବ୍ୟବସ୍ଥା ହେବ। ଏଥିସହ ଚାଷୀଙ୍କ ପାଇଁ ୧୦ ହଜାର ବାୟୋ ରିସର୍ଚ୍ଚ କେନ୍ଦ୍ର ପ୍ରତିଷ୍ଠା ହେବ ବୋଲି ବୋଲି ଅର୍ଥମନ୍ତ୍ରୀ କହିଛନ୍ତି।