ଓଡ଼ିଶା ଗସ୍ତରେ ଆସିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଜି ଢେଙ୍କାନାଳ ହରେକୃଷ୍ଣପୁର ଯାଇ ମେରା ମିଟି ମେରା ଦେଶ ଅଭିଯାନରେ ସହିଦଙ୍କୁ ପୁଷ୍ପମାଲ୍ୟ ଅର୍ପଣ ସହ ଶ୍ରଦ୍ଧାଞ୍ଜଳି ଜଣାଇଛନ୍ତି । ସ୍ଵାଧୀନତା ସଂଗ୍ରାମୀ ସାରଙ୍ଗଧର ଦାସଙ୍କ ଜନ୍ମମାଟିରେ ସ୍ୱତନ୍ତ୍ର କାର୍ଯ୍ୟକ୍ରମ କାର୍ଯ୍ୟକ୍ରମରେ ଯୋଗ ଦେଇଛନ୍ତି କେନ୍ଦ୍ରମନ୍ତ୍ରୀ ।
ମୋ ମାଟି, ମୋ ଦେଶ’ ଅଭିଯାନରେ ସାରା ଦେଶର ବୀର ସଂଗ୍ରାମୀଙ୍କ ମାଟିକୁ ସଂଗ୍ରହ କରିବାକୁ ସଂକଳ୍ପ ନେଇଛନ୍ତି । ଏହି କ୍ରମରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ‘ଅମୃତ ବାଟିକା’ ସୃଷ୍ଟି ପାଇଁ ଆଜି ଢେଙ୍କାନାଳ ଜିଲ୍ଲାର ହରେକୃଷ୍ଣପୁର ସ୍ଥିତ ସାରଙ୍ଗଧର ଦାସଙ୍କ ‘ସ୍ମୃତି ସ୍ତମ୍ଭ’ ପରିସରରୁ ଗ୍ରାମର ଘର ଘର ବୁଲି ‘ଅମୃତ କଳସ’ ରେ କେନ୍ଦ୍ରମନ୍ତ୍ରୀ ପବିତ୍ର ମାଟି ସଂଗ୍ରହ କରିଛନ୍ତି । ଏଥିସହ ‘ବସୁଧା ବନ୍ଦନା’ କାର୍ଯ୍ୟକ୍ରମ ଅନ୍ତର୍ଗତ ବୃକ୍ଷରୋପଣ କରି ଆନନ୍ଦିତ ହୋଇଛନ୍ତି କେନ୍ଦ୍ରମନ୍ତ୍ରୀ ।
ଅଧିକ ପଢନ୍ତୁ ;- ‘ଇଣ୍ଡିଆ ଟୁଡେ’ ରିପୋର୍ଟରେ ନବୀନଙ୍କ ଲୋକପ୍ରିୟତା ହ୍ରାସ