ରାଜ୍ୟରେ ମହିଳାଙ୍କ ବିରୋଧରେ ବଢ଼ିବାରେ ଲାଗିଛି ଅପରାଧ । କେବଳ ଗତ ୯ ମାସ ଅର୍ଥାତ ଜାନୁଆରୀରୁ ସେପ୍ଟେମ୍ବର ମଧ୍ୟରେ ଓଡିଶାରେ  ପ୍ରାୟ ୧୦ହଜାର ୯୧ଜଣ  ମହିଳା ଅସଦାଚରଣର ଶିକାର ହୋଇଛନ୍ତି । ୯ ମାସ ମଧ୍ୟରେ ରାଜ୍ୟରେ ରୁଜୁ ହୋଇଛି ୮୧୯ଟି ବଳାତ୍କାର  ମାମଲା । ୨୦୨୨ ମସିହାରେ ଏସ୍‌ସିଆରବି ରିପୋର୍ଟ କହୁଛି ରାଜ୍ୟରେ ପ୍ରତିଦିନ ୮୦ ଜଣ ବିଭିନ୍ନ ଅପରାଧର ଶିକାର ହେଉଛନ୍ତି । ସେପଟେ ରାଜ୍ୟରେ ଯୌତୁକ ନିର୍ଯାତନା ବି ହୁ ହୁ ହୋଇ ବଢ଼ିବାରେ ଲାଗିଛି । ୯ ମାସରେ  ୪୩୭୭ ଜଣ ମହିଳା ଯୌତୁକ ନିର୍ଯାତନାର ଶିକାର ହୋଇଥିବା ବେଳେ ଯୌତୁକ ପାଇଁ ରାଜ୍ୟରେ ପ୍ରାୟ ୧୪୦ ଜଣ ମହିଳାଙ୍କୁ ହତ୍ୟା କରାଯାଇଛି । ଏହି ସମୟ ମଧ୍ୟରେ ୩୧୭୮ ମହିଳାଙ୍କୁ ଅପହରଣ କରାଯାଇଥିବା ରାଜ୍ୟର ବିଭିନ୍ନ ଥାନାରେ ଅଭିଯୋଗ ହୋଇଥିଲା । ଏହାଛଡା  ୧୧୫ ଜଣଙ୍କୁ ଅପହରଣ କରି ବଳପୂର୍ବକ ବିବାହ କରିଥିବା ନେଇ ମାମଲା ଥାନାରେ ରୁଜୁ ହୋଇଥିଲା । ୨୩ ଜଣ ନାବାଳିକାକୁ ମଧ୍ୟ ବଳପୂର୍ବକ ବିବାହର ଶିକାର ହୋଇଥିଲେ । ୫୫ ଜଣ ମହିଳାଙ୍କୁ ଚାଲାଣ କରାଯାଇଥିଲା । ବିଭିନ୍ନ କାରଣରୁ ରାଜ୍ୟରେ ଗତ ୯ ମାସ ମଧ୍ୟରେ ୨୪୪ ଜଣ ମହିଳା ହତ୍ୟାର ଶିକାର ହୋଇଛନ୍ତି।

ସେପଟେ ରାଜ୍ୟରେ ମାତିଛନ୍ତି ପାଗଳ ପ୍ରେମୀ । ପ୍ରେମିକ ପ୍ରବର ମାନେ ପ୍ରେମ ପାଇଁ କିଛି ବି କରିବାକୁ ପଛାଉ ନାହାନ୍ତି। ପ୍ରେମକୁ ଜବରଦସ୍ତି ପାଇବା ପାଇଁ ମଧ୍ୟ ରାଜ୍ୟରେ ଅନେକ ମହିଳାଙ୍କ ଜୀବନ ଯାଇଛି । ୨୦୨୩ ସେପ୍ଟେମ୍ବର ସୁଦ୍ଧା ୪୧ ଜଣ ଝିଅଙ୍କ ଜୀବନ ଯାଇଛି । କିଏ ଆତ୍ମହତ୍ୟା କରିଛି ତା’ ପୁଣି କାହାକୁ ପ୍ରେମିକ ହତ୍ୟା କରିଛି । ୨୦୨୨ ମସିହାରେ ରାଜ୍ୟରେ ୧୩୭୯ଟି ହତ୍ୟା ମାମଲା ରୁଜୁ ହୋଇଥିଲା। ଏଥିମଧ୍ୟରୁ ଯୌତୁକ ପାଇଁ ୨୬୩ଟି ହତ୍ୟାକାଣ୍ଡ ଘଟିଥିଲା । ମାତ୍ର ୧୧୧ଟି ମାମଲାରେ ଚାର୍ଜସିଟ୍ ଦାଖଲ ହୋଇପାରିଥିଲା। ଯୌତୁକ ପାଇଁ ୧୦୬ ଜଣ ମହିଳା ଆତ୍ମହତ୍ୟା କରିଥିଲେ। ତେବେ ରିପୋର୍ଟ ଆହୁରି କହିଛି ୪୮୫୯ଟି ଯୌତୁକ ଜନିତ ନିର୍ଯାତନା ମାମଲା ସାମ୍ନାକୁ ଆସିଥିଲା । ସେଥିରୁ ୩୪୧୮ ଟି ରେ ଚାର୍ଜଚିଟ୍ ଦାଖଲ ହୋଇଥିବା ବେଳେ ୧୬୯ ମାମଲାର ଫାଇନାଲ୍ ରିପୋର୍ଟ ହୋଇଛି । ୧୧୧ଟି ବିଭିନ୍ନ କାରଣରୁ ବନ୍ଦ ହୋଇଯାଇଛି  । ବାକି ୧୧୬୨ଟି ମାମଲା ଏବେବି  ତଦନ୍ତ ପରିସରଭୁକ୍ତ ଅଛି । ୫୩୨୨ ଟି ଅଣ ଯୌତୁକ ନିର୍ଯାତନା ମାମଲା ମଧ୍ୟାରୁ ୩୯୨୫ଟିରେ ଚାର୍ଜସିଟ୍ ଦାଖଲ ହୋଇଛି । ୨୦୨୨ରେ ରାଜ୍ୟରେ ମୋଟ୍ ୩୧୮୪ଟି ବଳକାର ମମଲା ରୁଜୁ ହୋଇଥିଲା । ୩୧୩୫ ଟି ମାମଲାରେ ସତ୍ୟାସତ୍ୟ  ତଥ୍ୟ ରହିଥିଲା  । ୨୨୩୭ ଟି ମାମଲାରେ ଚାର୍ଜସିଟ୍ ଦାଖଲ ହୋଇଛି ।

ଗତ ଦୁଇ ଦିନ ଭିତରେ କେବଳ ରାଜଧାନୀ ଭୁବନେଶ୍ୱର ରେ ଘଟିଛି ୩ ଟି ଘଟଣା । ସୁନ୍ଦରପଦାରେ ଜଣେ ୩ ବର୍ଷର ନାବାଳିକାକୁ ଦୁଷ୍କର୍ମ କରି ହତ୍ୟା କରାଯାଇଥିବା ବେଳେ ଅରବିନ୍ଦ ନଗରରେ ଯୌତୁକଜନିତ ହତ୍ୟା ହୋଇଥଇଛି ଆଉ ଜଣକୁ ଚନ୍ଦକାରେ ହତ୍ୟା କରାଯାଇଛି | ତେବେ ଯଦି ଏପରି ଘଟେ ଆଗକୁ ରାଜ୍ୟରେ ଆଇନ ସ୍ଥିସ୍ତି ବି ବିଗିଡ଼ିବାର ଯିବା । ଏଥିପ୍ରତି ରାଜ୍ୟ ପୋଲିସ ସଜାଗ ହେବ ଦରକାର ।

ଅଧିକ ପଢନ୍ତୁ :- ରାଜଧାନୀରେ ମହିଳାଙ୍କୁ ବୀଭତ୍ସ ହତ୍ୟା