ନୂଆଦିଲ୍ଲୀ: ଆଇପିଏଲ୍ ୨୦୨୫ରେ ଆଜି ଦୁଇଟି ବଡ ମୁକାବିଲା ଖେଳାଯିବ । ସୁପର ସଟରଡେରେ ପ୍ରଥମ ମ୍ୟାଚରେ ମୁହାଁମୁହିଁ ହେବେ ଚେନ୍ନାଇ ସୁପର କିଙ୍ଗ୍ସ ଓ ଦିଲ୍ଲୀ କ୍ୟାପିଟାଲ୍ସ । ଏହି ମ୍ୟାଚ୍ ଚେନ୍ନାଇର ଚେପକରେ ଖେଳାଯିବ । ଏହା ପରେ ଦ୍ୱିତୀୟ ମ୍ୟାଚ୍ ପଞ୍ଜାବ କିଙ୍ଗ୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ଚଣ୍ଡିଗଡର ମୁଲ୍ଲାନପୁରରେ ଖେଳାଯିବ ।
ଏମଏ ଚିଦାମ୍ବରମ ଷ୍ଟାଡିୟମର ପିଚ୍ ସ୍ପିନର ବୋଲରଙ୍କୁ ସୁହାଇବ । ଏହି ମ୍ୟାଚ୍ ଦ୍ୱିପ୍ରହରରେ ଖେଳାଯିବ ତେଣୁ ଟସ୍ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବ । ଦୁଇଟି ଇନିଂସରେ ହିଁ ସ୍ପିନରଙ୍କ ଦବଦବା ଦେଖିବାକୁ ମିଳିବ । ଦ୍ୱିତୀୟ ଇନିଂସରେ ପିଚ୍ ଅଧିକ ଧିମା ରହିପାରେ । ଟସ୍ ଜିତିଥିବା ଅଧିନାୟକ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ପାରନ୍ତି । କାରଣ ପ୍ରଥମ ମ୍ୟାଚରେ କାକରର କିଛି ଭୂମିକା ନାହିଁ । ପ୍ରଥମେ ବ୍ୟାଟିଂ କରି ୧୯୦ ରନ ସ୍କୋର ଦଳକୁ ଜିତିବା ସ୍ଥିତିରେ ରଖିବ ।
ଚେନ୍ନାଇ ଓ ଦିଲ୍ଲୀ ହେଡ୍ ଟୁ ହେଡ୍ ରେକର୍ଡ
ସିଏସକେ ଓ ଦିଲ୍ଲୀ ମଧ୍ୟରେ ମୋଟ୍ ୩୦ଟି ମ୍ୟାଚ୍ ଖେଳା ଯାଇଛି । ଏଥିରେ ଚେନ୍ନାଇର ପଲ୍ଲା ଭାରି ରହିଛି । ଚେନ୍ନାଇ ୧୯ଟି ମ୍ୟାଚ୍ ଜିତିଥିବା ବେଳେ ଦିଲ୍ଲୀ ୧୧ଟି ଜିତିବାରେ ସକ୍ଷମ ହୋଇଛି ।
ସମ୍ଭାବିତ ଏକାଦଶ
ଚେନ୍ନାଇ ସୁପର କିଙ୍ଗ୍ସ
ରଚିନ ରବୀନ୍ଦ୍ର, ରାହୁଲ ତ୍ରିପାଠୀ, ଋତୁରାଜ ଗାଏକ୍ୱାଡ(ଅଧିନାୟକ), ଶିବମ ଦୁବେ, ସାମ କରନ, ବିଜୟ ଶଙ୍କର, ରବୀନ୍ଦ୍ର ଜାଡେଜା, ଏମଏସ ଧୋନୀ(ୱିକେଟ୍ କିପର), ନୂର ଅହମ୍ମଦ, ମଥିଶା ପଥିରାନା, ଖଲିଲ ଅହମ୍ମଦ ।
ଦିଲ୍ଲୀ କ୍ୟାପିଟାଲ୍ସ
ଜେକ୍ ଫ୍ରେଜର ମ୍ୟାକଗର୍ଗ, ଫାଫ ଡୁ ପ୍ଲେସିସ୍, ଅଭିଷେକ ପୋରେଲ, କେଏଲ ରାହୁଲ(ୱିକେଟ୍ କିପର), ଅକ୍ଷର ପଟେଲ୍(ଅଧିନାୟକ), ଟ୍ରିଷ୍ଟନ ଟ୍ରବ୍ସ, ଆଶୁତୋଷ ଶର୍ମା, ବିପ୍ରଜ ନିଗମ, ମିଚେଲ୍ ଷ୍ଟାର୍କ, କୁଲଦୀପ ଯାଦବ, ମୋହିତ ଶର୍ମା, ମୁକେଶ କୁମାର ।
ଅନ୍ୟପଟେ ଦ୍ୱିତୀୟ ମ୍ୟାଚରେ ମୁହାଁମୁହିଁ ହେବେ ପଞ୍ଜାବ କିଙ୍ଗସ ଓ ରାଜସ୍ଥାନ ରୟାଲ୍ସ । ମୁଲ୍ଲାନପୁରରେ ଖେଳାଥିବାକୁ ଏହି ମ୍ୟାଚରେ ଦ୍ରୁତ ବୋଲରଙ୍କୁ ଅଧିକ ଫାଇଦା ମିଳିବ । ସନ୍ଧ୍ୟାରେ ଏହି ମ୍ୟାଚ୍ ଖେଳା ଯାଉଥିବାରୁ କାକରର ପ୍ରଭାବ ରହିପାରେ । ଟସ୍ ଜିତିବା ଦଳ ପ୍ରଥମେ ବୋଲିଂ କରିବାକୁ ପସନ୍ଦ କରିବେ । ଏଠାରେ ରନ କରିବା ପାଇଁ ବ୍ୟାଟରଙ୍କୁ ସଂଘର୍ଷ କରିବାକୁ ପଡିବ । ପ୍ରଥମେ ବ୍ୟାଟିଂ କରୁଥିବା ଦଳକୁ ୧୮୦ ରନ କରିବାକୁ ପଡିବ ।
ପଞ୍ଜାବ କିଙ୍ଗସ ଓ ରାଜସ୍ଥାନ ରୟାଲ୍ସ ମଧ୍ୟରେ ଆଇପିଏଲରେ ୨୮ଟି ମ୍ୟାଚ୍ ଖେଳା ଯାଇଛି । ଏଥିରେ ରାଜସ୍ଥାନର ପଲ୍ଲା ଭାରି ରହିଛି । ୧୨ଟି ମ୍ୟାଚ୍ ପଞ୍ଜାବ ଓ ୧୬ଟି ମ୍ୟାଚ୍ ରାଜସ୍ଥାନ ଜିତିଛି । ରାଜସ୍ଥାନ ବିପକ୍ଷରେ ପଞ୍ଜାବର ସର୍ବୋଚ୍ଚ ସ୍କୋର ୨୨୬ ରନ ଓ ସର୍ବନିମ୍ନ ୧୧୨ ରନ ରହିଛି । ସେହିପରି ପଞ୍ଜାବ ବିପକ୍ଷରେ ରାଜସ୍ଥାନର ବଡ ସ୍କୋର ୧୨୪ ରନ ଓ ସର୍ବନିମ୍ନ ସ୍କୋର ୧୨୪ ରହିଛି ।
ସମ୍ଭାବିତ ଏକାଦଶ
ପଞ୍ଜାବ କିଙ୍ଗସ
ପ୍ରିୟାଂଶ ଆର୍ଯ୍ୟ, ପ୍ରଭସିମରନ ସିଂ(ୱିକେଟ୍ କିପର), ଶ୍ରେୟସ ଆୟର(ଅଧିନାୟକ), ଶଶାଙ୍କ ସିଂହ, ମାର୍କସ ଷ୍ଟୋଇନିସ, ଗ୍ଲେନ ମ୍ୟାକ୍ସୱେଲ, ସୂର୍ୟ୍ୟନ୍ ଶେଜ୍, ମାର୍କୋ ଜନସେନ୍, ଲକି ଫର୍ଗୁସନ୍, ୟୁଜଭେନ୍ଦ୍ର ଚହଲ, ଅର୍ଶଦୀପ ସିଂ, ନେହଲ ୱାଡେରା / ହରପ୍ରୀତ ବ୍ର।
ରାଜସ୍ଥାନ ରୟାଲ୍ସ
ଯଶସ୍ୱୀ ଜୟସ୍ୱାଲ, ସଞ୍ଜୁ ସାମସନ (ଅଧିନାୟକ ତଥା ୱିକେଟ୍ ରକ୍ଷକ), ନୀତୀଶ ରାଣା, ରିୟାନ୍ ପରାଗ, ଧ୍ରୁବ ଜୁରେଲ, ଶିମ୍ରନ୍ ହେଟମାୟର, ୱାନିଣ୍ଡୁ ହସରାଙ୍ଗା, ଜୋଫ୍ରା ଆର୍ଚର, ମହେଶ ତୀକ୍ଷଣା, ସନ୍ଦୀପ ଶର୍ମା, ତଷାର ଦେଶପାଣ୍ଡେ।