ଭଦ୍ରକ: ଭଦ୍ରକର ପ୍ରସିଦ୍ଧ ଶୈବପୀଠ ବାବା ଆଖଣ୍ଡଳମଣିଙ୍କ ଶିବଗଙ୍ଗା ପୋଖରୀରେ ବୁଡ଼ି ଜଣେ ନାବାଳକଙ୍କ ମୃତ ହୋଇଛି। ଗତକାଲି (ଶୁକ୍ରବାର ରାତିରେ) ଖେଳୁଥିବା ବେଳେ ପାଣି ଭିତରେ ପଡ଼ି ଯାଇଥିଲେ ୭ବର୍ଷର ନାବାଳକ ଓମପ୍ରକାଶ। ପରିବାର ଲୋକେ ପ୍ରଥମେ ତାଙ୍କୁ ନପାଇ ବହୁ ଖୋଜାଖୋଜି କରିଥିଲେ। ଶେଷରେ ଖୋଜିଖୋଜି ଶିବଗଙ୍ଗା ପୋଖରୀକୂଳରେ ପହଞ୍ଚିଥିଲେ। ପାଣିରେ ବୁଡ଼ିଯାଇଥିବା ସନ୍ଦେହ ପୋଖରୀରୁ ଖୋଜିବାରୁ ସେଠାରେ ତାଙ୍କୁ ଅଚେତ ଅବସ୍ଥାରେ ଉଦ୍ଧାର କରାଯାଇଥିଲା। ତେବେ ପରିବାର ଲୋକ ପ୍ରଥମେ ଆରଡି ମେଡିକାଲ ଓ ପରେ ଭଦ୍ରକ ମେଡିକାଲ ନେଇଥିଲେ। ସେଠାରେ ଡାକ୍ତର ମୃତ ଘୋଷଣା କରିଛନ୍ତି। ତେବେ ମୃତ ନାବାଳକ ହେଉଛନ୍ତି ବାବା ଆଖଣ୍ଡଳମଣିଙ୍କ ସେବାୟତ ସକ୍ରାଜିତ ପାଢୀଙ୍କ ପୁଅ ଓମପ୍ରକାଶ ପାଢୀ।