ଭୁବନେଶ୍ୱର: ଆସନ୍ତାକାଲି ଭାରତୀୟ ଜନତା ପାର୍ଟି ୪୬ତମ ପ୍ରତିଷ୍ଠା ଦିବସ ପାଳନ କରିବ । ସେଥିପାଇଁ ଦଳ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି । ଜନ ସମ୍ପର୍କ ପଦଯାତ୍ରୀ, ଟିଫିନ୍ ବୈଠକ ଭଳି ଅନେକ ଗୁରୁତ୍ୱ ପୂର୍ଣ୍ଣ କାର୍ଯ୍ୟକ୍ରମ ଅନୁଷ୍ଠିତ ହେବ । ତେବେ ଚଳିତ ଥର ଦୁଇ ଦିନ ବ୍ୟାପୀ ପ୍ରତିଷ୍ଠା ଦିବସ ପାଳନ କରାଯିବ ବୋଲି ସୂଚନା ଦେଇଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । 

 ସଭାପତିଙ୍କ ସୂଚନା ମୁତାବକ, ଏପ୍ରିଲ ୬ ତାରିଖରେ ବିଜେପିର ପାଳନ କରାଯିବ । ଆସନ୍ତାକାଲି ରାମନବମୀ ପଡ଼ୁଥିବାରୁ ଦୁଇ ଦିନ ପ୍ରତିଷ୍ଠା ପାଳନ ହେବ । ଦଳର ନିଷ୍ପତ୍ତି ଅନୁଯାୟୀ ବୁଥ୍ ସ୍ତରରେ ପ୍ରତିଷ୍ଠା ପାଳନ ହେବ । ସମସ୍ତ କର୍ମୀ ନିଜ ଘର ଉପରେ ଦଳୀୟ ପତାକା ଉଡ଼ାଇବେ । ବୁଥ୍ ସ୍ତରରେ ୨ ଶହ ପ୍ରାଥମିକ ସଦସ୍ୟଙ୍କୁ ନେଇ ଟିଫିନ୍ ବୈଠକ ହେବ । ସଦସ୍ୟମାନେ ଘରୁ ବ୍ୟଞ୍ଜନ ଆଣି ବୈଠକରେ ଏକାଠି ବସି ଖାଇବେ ଏବଂ ଆଲୋଚନା କରିବେ । ସେହିପରି ଆସନ୍ତାକାଲିଠାରୁ ଆମ୍ବେଦକର ଜୟନ୍ତୀ ଯାଏଁ ଜନସଂପର୍କ କାର୍ଯ୍ୟକ୍ରମ ଅନୁଷ୍ଠିତ ହେବ । କାର୍ଯ୍ୟକର୍ତ୍ତାମାନେ ଘର ଘର ଯାଇ ଜନସଂପର୍କ କରିବେ ବୋଲି ସଭାପତି ଶ୍ରୀଯୁକ୍ତ ସାମଲ କହିଛନ୍ତି ।