ଲଖନଉ: ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ଅତି ଆତ୍ମ ବିଶ୍ୱାସ ମୁମ୍ବାଇ ଇଣ୍ଡିଆନ୍ସକୁ ଭାରି ପଡିଛି । ଆଇପିଏଲର ୧୬ତମ  ରୋମାଞ୍ଚକର ମ୍ୟାଚରେ ଲଖଉନ ସୁପର ଜାଏଣ୍ଟଓ ୧୨ ରନରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି । ଶେଷ ପର୍ଯ୍ୟନ୍ତ ଲଢି ଶେଷରେ ପରାଜୟର ମୁହଁ ଦେଖିଛି ମୁମ୍ବାଇ । ଏହି ବିଜୟ ସହ ଲଖଉନ ୪ ପଏଣ୍ଟ ସହ ଷଷ୍ଠ ସ୍ଥାନକୁ ଉଠିଥିବା ବେଳେ ମୁମ୍ବାଇ ପରାଜୟ ସହ ସପ୍ତମକୁ ଖସି ଆସିଛି । ପ୍ରଥମେ ବ୍ୟାଟିଂ କରିଥିବା ଏଲଏସଜି ୨୦୩ ରନ କରିଥିଲା । ଜବାବରେ ମୁମ୍ବାଇ ଇଣ୍ଡିଆନ୍ସ ୧୯୧ ରନ କରି ପାରିଥିଲା । ସୂର୍ଯ୍ୟକୁମାର ଯାଦବଙ୍କ ଅର୍ଦ୍ଧଶତକୀୟ ଇନିଂସ ବୃଥା ହୋଇଛି । 

ମୁମ୍ବାଇ ଇଣ୍ଡିଆନ୍ସ ୨୦୪ ରନର ବିଜୟ ଲକ୍ଷ୍ୟ ପିଛା କରିବାକୁ ମଇଦାନକୁ ଓହ୍ଲାଇଥିଲା । ରୋହିତ ଶର୍ମା ଆହତ କାରଣରୁ ମ୍ୟାଚ୍ ଖେଳି ନ ଥିଲେ । ଓପନିଂ କରିଥିବା ୱିଲ ଜ୍ୟାକ୍ସ ଓ ରିୟାନ ରିକଲଟନ ମୁମ୍ବାଇ ପକ୍ଷରୁ ଓପନିଂରେ ୧୭ ରନ କରିଥିଲେ । ଜ୍ୟାକ୍ସ ୫ ରନ ଓ ରିକଲଟନ ୧୦ ରନ କରି ଆଉଟ୍ ହୋଇଥିଲେ । ଏହା ପରେ ସୂର୍ଯ୍ୟକୁମାର ଯାଦବ ଓ ନମନ ଧୀର ମୁମ୍ବାଇ ଇନିଂସ ସମ୍ଭାଳିଥିଲେ । ଉଭୟ ୬୯ ରନ ଭାଗିଦାରୀ ଯୋଡିଥିଲେ । ଗୋଟିଏ ପଟେ ନମନ ଧୀର ୨୪ ବଲରୁ ୪୬ ରନର ଉପଯୋଗୀ ରନ କରିଥିଲେ । ସୂର୍ଯ୍ୟକୁମାର ଯାଦବ ୪୩ ବଲରୁ ୬୭ ରନର ଇନିଂସ ଖେଳିଥିଲେ ହେଁ ଦଳ ପାଇଁ ପର୍ଯ୍ୟାପ୍ତ ନ ଥିଲା । ମୁମ୍ବାଇକୁ ଶେଷ ୫ ଓଭରରେ ୬୧ ରନ କରିଥିଲେ । କାରଣ ସୂର୍ଯ୍ୟ କ୍ରିଜରେ ଥିବାରୁ ମୁମ୍ବାଇର ବିଜୟ ସମ୍ଭାବନା ଅଧିକ ଥିଲା । କିନ୍ତୁ ତିଳକ ବର୍ମା ଆକ୍ରାମଣାତ୍ମକ ବ୍ୟାଟିଂ କରିବାରୁ ବିଫଳ ହେବାରୁ ସୂର୍ଯ୍ୟ ରିସ୍କ ଉଠାଇଥିଲେ । ଆଉ ୬୭ ରନ କରି ଆଉଟ୍ ହୋଇଥିଲେ ।

ଶେଷ ୨ ଓଭରରେ ମୁମ୍ବାଇ ଇଣ୍ଡିଆନ୍ସକୁ ୨୯ ରନ ଦରକାର ଥିଲା । କ୍ରିଜରେ ହାର୍ଦ୍ଦିକ ପାଣ୍ଢ୍ୟା ଓ ତିଳକ ବର୍ମା ଅପରାଜିତ ଥିଲେ । ତେଣୁ ଏହି ଲକ୍ଷ୍ୟ ହାସଲ କରିବାର ସମ୍ଭାବନା ଥିଲା ।  ମାତ୍ର ଅଚାନକ ତିଳକ ବର୍ମାଙ୍କୁ ଦଳ ଡକାଇ ନେଇଥିଲା । ଶାର୍ଦ୍ଦୁଳ ଠାକୁର ୧୯ ତମ ଓଭର ମ୍ୟାଚର ମଙ୍ଗ ଲଖଉନ ଆଡକୁ ମୋଡି ଦେଇ ଥିଲେ । ଫଳରେ ଶେଷ ଓଭରରେ ମୁମ୍ବାଇକୁ ୨୧ ରନ ଦରକାର ଥିଲା । ଅଭେଶ ଖାନଙ୍କ ପ୍ରଥମ ବଲରେ ହାର୍ଦ୍ଦିକ ପାଣ୍ଡ୍ୟା ଛକା ମାରିଲେ ମଧ୍ୟ ପରବର୍ତ୍ତୀ ଦୁଇଟି ବଲରେ କୌଣସି ରନ ହୋଇ ନ ଥିଲା । ଫଳରେ ଲଖନଉର ବିଜୟ ସୁନିଶ୍ଚିତ ହୋଇଥିଲା । ମୁମ୍ବାଇର ସ୍କୋର ୧୯୧ ରନରେ ଅଟକିଥିଲା ।