ନୂଆଦିଲ୍ଲୀ: ୱିକେଟ୍ ନେବା ପରେ କ୍ରୋଧିତ ହୋଇ ଉତ୍ସବ ମନାଇବା ଲକ୍ଷ୍ନୌ ସୁପର୍ ଜାଏଣ୍ଟ୍ସ ବୋଲରଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ଏଲ୍ଏସଜି ସ୍ପିନର୍ ଦିଗବେଶ ସିଂହ ରାଠିଙ୍କ ବ୍ୟବହାର ଉପରେ ଶକ୍ତ ହୋଇଛି ଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ (ବିସିସିଆଇ) । ଏହି ୨୫ ବର୍ଷୀୟ ଖେଳାଳିଙ୍କ ଉପରେ ଜରିମାନା ଲଗାଇଛି ବିସିସିଆଇ । 

ମଙ୍ଗଳବାର ପଞ୍ଜାବ କିଙ୍ଗସ୍ ଏବଂ ଲକ୍ଷ୍ନୌ ସୁପର୍ ଲକ୍ଷ୍ନୌ ସୁପର୍ ଜାଏଣ୍ଟସ୍ ମଧ୍ୟରେ ପ୍ରତିଦ୍ୱନ୍ଦିତା ହୋଇଥିଲା । ଏହି ସମୟରେ ପିଜିକେଏସର ବ୍ୟାଟର୍ ପ୍ରିୟାଂଶ ଆର‌୍ୟ୍ୟ ବ୍ୟାଟିଂ କରୁଥିବାବେଳେ ଏଲ୍ଏସଜିର ଦିଗବେଶ ସିଂହ ରାଠି ବୋଲିଂ କରୁଥିଲେ । ଏହି ସମୟରେ ଦିଗବେଶଙ୍କ ବଲରେ ପ୍ରିୟାଂଶ ଆଉଟ୍ ହୋଇଯାଇଥିଲେ । ଫଳରେ ପ୍ରିୟାଂଶ ମାତ୍ର ୯ଟି ଖେଳି ୮ ରନ୍ କରି ପାଭିଲିୟନ ଫେରିଥିଲେ । କିନ୍ତୁ ଦିଗବେଶ ୱିକେଟ୍ ନେବା ପରେ ଉତ୍ସାହିତ ହୋଇ ସେଲିବ୍ରେସନ୍ କରିଥିଲେ । ପ୍ରିୟାଂଶଙ୍କ ସାମ୍ନାରେ ହାତରେ କିଛି ପତ୍ର ଲେଖିବା ଭଳି ଆଚରଣ ଦେଖାଇଥିଲେ । ଯାହାକୁ ନେଇ ତାଙ୍କୁ ଅନେକ ସମାଲୋଚନା କରାଯାଉଛି । 

ଏହା ପରେ ବିସିସିଆଇ 'ଆଇପିଏଲ ଆଚରଣ ସଂହିତାର ଉଲ୍ଲଂଘନ' ଆଧାରରେ ଦିଗବେଶଙ୍କୁ ଜରିମାନା ଦଣ୍ଡରେ ଦଣ୍ଡିତ କରିଛି । ତାଙ୍କର ଆଇପିଏଲ ଦରମାର ୨୫ ପ୍ରତିଶତ ଜରିମାନା ଦେବାକୁ ପଡ଼ିବ ।  ଆଇପିଏଲ ମଧ୍ୟ କହିଛି ଯେ ଦିଗବେଶ ଅନୁଚ୍ଛେଦ ୨.୫ ଅନ୍ତର୍ଗତ ଲେବଲ୍ ୧ର ଅପରାଧ କରିଥିବା ସ୍ୱୀକାର କରିଛନ୍ତି । ମ୍ୟାଚ୍ ଅମ୍ପାୟାର ମଧ୍ୟ ଏହାକୁ ସ୍ୱୀକାର କରିଛନ୍ତି । ତେବେ ଗତକାଲି ପଞ୍ଜାବ ୮ ୱିକେଟରେ ବିଜୟୀ ହୋଇଛି । 

ତେବେ ୱେଷ୍ଟ ଇଣ୍ଡିଜ୍ ଦ୍ରୁତ ବୋଲର୍ କେସରିକ୍ ୱିଲିୟମମ୍ସଙ୍କ ସହିତ ଦିଗବେଶଙ୍କ ସହିତ ତୁଳନା କରି ସମାଲୋଚନା କରାଯାଇଛି । ସେ ମଧ୍ୟ ୱିକେଟ୍ ନେବା ପରେ ନୋଟ୍ ବୁକ୍ ଲେଖିବା ସେଲିବ୍ରେସନକୁ ଲୋକ ପ୍ରିୟ କରାଇଥିଲେ । ଯାହାର ଅର୍ଥ ନିଜ ୱିକେଟ ତାଲିକାରେ ଆଉ ଏକ ୱିକେଟ୍ ଯୋଡ଼ି ହେଲା ।

ଅଧିକ ପଢ଼ନ୍ତୁ- ୱାକଫ୍‌ ବିଲ୍: ସଂସଦରେ ଆଗତ କରାଇପାରିବେ ସରକାର? ଜାଣନ୍ତୁ କ’ଣ ରହିବ ଚ୍ୟାଲେଞ୍ଜ