କର୍ଣ୍ଣାଟକରେ ମର୍ମନ୍ତୁଦ ସଡ଼କ ଦୁର୍ଘଟଣା। ଏକ ଭ୍ୟାନ ପାର୍କିଂ ହୋଇଥିବା ଟ୍ରକ୍ ସହିତ ଧକ୍କା ହୋଇଛି , ଯାହାଫଳରେ ଘଟଣାସ୍ଥଳରେ ୫ ଜଣଙ୍କର ମୃତ୍ୟୁ ହୋଇଛି । ସମସ୍ତ ମୃତକ ବାଗଲକୋଟ ଜିଲ୍ଲାର ବାସିନ୍ଦା ବୋଲି ଜଣା ପଡିଛି । କର୍ଣ୍ଣାଟକର କର୍ଲବୁର୍ଗୀର ନେଲୋଗି କ୍ରସ ନିକଟରେ ହୋଇଛି ଅଘଟଣ । ତେବେ ଏହି ଘଟଣାରେ ୧୦ ଜଣ ଆହତ ହୋଇଥିବା ବେଳେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, ଘଟଣାଟି ଆଜି ଶନିବାର ଭୋର ପ୍ରାୟ ୩.୩୦ଟାରେ ଘଟିଛି। କର୍ଲବୁର୍ଗୀ ଜିଲ୍ଲାର ନେଲୋଗି କ୍ରସ ନିକଟରେ ହୋଇଛି ଏହି ମର୍ମନ୍ତୁଦ ସଡ଼କ ଦୁର୍ଘଟଣା। ଘଟଣାପରେ ତୁରନ୍ତ କାଲାବୁରାଗି ପୋଲିସ ଅଧୀକ୍ଷକ ଏ. ଶ୍ରୀନିବାସୁଲୁ ଘଟଣାସ୍ଥଳରେ ପହଞ୍ଚି ତଦନ୍ତ ନିର୍ଦ୍ଦେଶ ଦେବା ସହ ଆହତଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ। ସେହିପରି ମୃତକ ଶବ ଜବତ କରାଯାଇ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇଥିଲେ। ସମସ୍ତ ମୃତକ ମୂଳତଃ ବାଗଲକୋଟ ଜିଲ୍ଲାର ବାସିନ୍ଦା ବୋଲି ଜଣାପଡ଼ିଛି। ସମସ୍ତେ କର୍ଲବୁର୍ଗୀ ଖ୍ୱାଜା ବନ୍ଦେ ନୱାଜ୍ ଦରଗାକୁ ଯାଉଥିବା ସମୟରେ ଦୁର୍ଘଟଣା ଘଟିଥିଲା ।