ବିଶ୍ୱ ଐତିହାସିକ କୀର୍ତ୍ତିରାଜ ମଧ୍ୟରୁ ଉତ୍ତରପ୍ରଦେଶ ଆଗ୍ରାରେ ଥିବା ତାଜମହଲ ହେଉଛି ଅନ୍ୟତମ। ଏବେ ସରକାରୀ ତଥ୍ୟ ମୁତାବିକ ଏହା ସର୍ବାଧିକ ରାଜସ୍ୱ ଆଦାୟ କରୁଥିବା ଐତିହସ୍ଥଳୀ ପାଲଟିଛି। ଗତ ୫ ବର୍ଷ ଭିତରେ ଟିକେଟ୍ ବିକ୍ରିରୁ ୨୯୭କୋଟି ଟଙ୍କା ଆୟ କରିଛି। ଏନେଇ କେନ୍ଦ୍ର ସଂସ୍କୃତି ମନ୍ତ୍ରୀ ଗଜେନ୍ଦ୍ର ସିଂ ଶେଖାୱତ ରାଜ୍ୟସଭାରେ ସୂଚନା ଦେଇଛନ୍ତି।
ମନ୍ତ୍ରୀ କହିଛନ୍ତି, ୨୦୧୯-୨୦ରୁ ୨୦୨୩-୨୪ ଆର୍ଥିକବର୍ଷ ପର୍ୟ୍ୟନ୍ତ ତାଜମହଲ ସବୁବେଳେ ଶୀର୍ଷରେ ରହି ଆସଛି। ଦେଶର ବିଭିନ୍ନ ଐତିହାସିକ କୀର୍ତ୍ତିରାଜି ମଧ୍ୟରୁ ସରକାରଙ୍କୁ କେତେ ରାଜସ ମିଳିଛି, ପ୍ରଶ୍ନର ଉତ୍ତରରେ ମନ୍ତ୍ରୀ ଏହି ସଚନା ଦେଇଛନ୍ତି। ୨୦୧୯-୨୦ ଆର୍ଥିକ ବର୍ଷରେ ଏହି ପ୍ରସଙ୍ଗରେ ଆଗ୍ରା ଦୁର୍ଗ ଦ୍ୱିତୀୟ ସ୍ଥାନରେ ଥିବାବେଳେ, ଦିଲ୍ଲୀର କୁତବ ମିନାର ତୃତୀୟ ସ୍ଥାନରେ ରହିଛି। ସେହିପରି ୨୦୨୦-୨୧ ଆର୍ଥିକବର୍ଷରେ ତାମିଲନାଡୁର ମାମଲାପୁରମ ଗ୍ରୁପ୍ ଅଫ୍ ମନୁମେଣ୍ଟ ଦ୍ୱିତୀୟ ସ୍ଥାନରେ ଥିବାବେଳେ ଓଡ଼ିଶାର କୋର୍ଣ୍ଣାକ ତୃତୀୟ ସ୍ଥାନ ଅଧିକାର କରିଛି। ୨୦୨୩-୨୪ ଆର୍ଥିକ ବର୍ଷରେ କୁତବ ମିନାର ଓ ଦିଲ୍ଲୀର ଲାଲକିଲ୍ଲାକୁ ଏହି ମାନ୍ୟତା ମିଳିଥିଲା।