ନୂଆଦିଲ୍ଲୀ: ୨୦୨୬ ଟି୨୦ ବିଶ୍ୱକପର ସୁପର ୮ ପର୍ଯ୍ୟାୟରେ ଏପର୍ଯ୍ୟନ୍ତ ପାକିସ୍ତାନ ସପକ୍ଷରେ ଭାଗ୍ୟ ରହିଛି। ପାକିସ୍ତାନ ଦୁଇଟି ମ୍ୟାଚ୍ ଖେଳି ବିଜୟ ବିନା ସେମିଫାଇନାଲ ପାଇଁ ଦୌଡ଼ରେ ରହିଛି। ପାକିସ୍ତାନ ବର୍ତ୍ତମାନ ଗୋଟିଏ ପଏଣ୍ଟ ପାଇଛି ଏବଂ ଆଜି ପାଲେକେଲରେ ଶ୍ରୀଲଙ୍କା ସହିତ ଗୁରୁତ୍ଵପୂର୍ଣ୍ଣ ମ୍ୟାଚ୍ ଖେଳିବ। ସେମିଫାଇନାଲ ସ୍ଥାନ ସୁରକ୍ଷିତ କରିବା ପାଇଁ, ପାକିସ୍ତାନକୁ ଯେକୌଣସି ମୂଲ୍ୟରେ ଆଜିର ମ୍ୟାଚ୍ ଜିତିବାକୁ ପଡିବ, କିନ୍ତୁ କେବଳ ଜିତିବା ପାକିସ୍ତାନୀ ଦଳ ପାଇଁ ଯଥେଷ୍ଟ ନୁହେଁ। ସେମିଫାଇନାଲରେ ପହଞ୍ଚିବା ପାଇଁ ଆଜି ପାକିସ୍ତାନକୁ କେତେ ରନ ଜିତିବାକୁ ପଡିବ ତାହା ଚାଲନ୍ତୁ  ଜାଣିବା।

ସେମିଫାଇନାଲରେ ପହଞ୍ଚିବା ପାଇଁ ପାକିସ୍ତାନ ପାଇଁ କେବଳ ଦୁଇଟି ବିକଳ୍ପ ବାକି ଅଛି। ପ୍ରଥମତଃ, ଶ୍ରୀଲଙ୍କା ବିପକ୍ଷରେ ପାକିସ୍ତାନ ଜିତିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି ପାକିସ୍ତାନ ଆଜି ଜିତିବାରେ ବିଫଳ ହୁଏ, ତେବେ ନ୍ୟୁଜିଲ୍ୟାଣ୍ଡ ସେମିଫାଇନାଲକୁ ଯିବ।

ଜିତିବା ପାଇଁ କେତେ ରନ ଆବଶ୍ୟକ?

ଏବେ ଦ୍ଵିତୀୟ ବିକଳ୍ପ ,  ଆଜି ଶ୍ରୀଲଙ୍କା ବିପକ୍ଷରେ କେବଳ ଜିତିବା ପାକିସ୍ତାନ ପାଇଁ ଯଥେଷ୍ଟ ନୁହେଁ। ଯଦି ପାକିସ୍ତାନ ପ୍ରଥମେ ବ୍ୟାଟିଂ କରେ, ତେବେ ଦଳକୁ ଅତି କମରେ ୬୫ ରନରେ ଜିତିବାକୁ ପଡିବ। ଫଳରେ ଦଳର ନେଟ୍ ରନ-ରେଟ୍ ନ୍ୟୁଜିଲାଣ୍ଡଠୁ ଅଧିକ ରହିବ। ଧରାଯାଉ ପାକିସ୍ତାନ ପ୍ରଥମେ ବ୍ୟାଟିଂ କରି ୨୦୦ ରନ କରେ, ତେବେ ସେମାନଙ୍କୁ ଶ୍ରୀଲଙ୍କାକୁ ୧୩୫ ରନ କିମ୍ବା ତା’ଠାରୁ କମ୍ ରନରେ ସୀମିତ ରଖିବାକୁ ପଡିବ।

ଅନ୍ୟପକ୍ଷରେ, ଯଦି ପାକିସ୍ତାନ ପିଛା କରିବାକୁ ଆସେ, ତେବେ ସେମାନଙ୍କୁ ୧୩.୧ ଓଭର କିମ୍ବା ତା’ଠାରୁ କମ୍ ବଲରେ ମ୍ୟାଚ ଜିତିବାକୁ ପଡିବ। ଯଦି ପାକିସ୍ତାନ ଏହା କରିବାରେ ବିଫଳ ହୁଏ, ତେବେ ନ୍ୟୁଜିଲ୍ୟାଣ୍ଡ ସେମି ପାଇଁ ଯୋଗ୍ୟତା ଅର୍ଜନ କରିବ।

ପ୍ରଥମେ ବ୍ୟାଟିଂ - ପାକିସ୍ତାନକୁ ଅତି କମରେ ୬୫ ରନରେ ମ୍ୟାଚ ଜିତିବାକୁ ପଡିବ।

ଚେଜ୍ - ଯଦି ଟାର୍ଗେଟ ପିଛା କରେ ତେବେ ପାକିସ୍ତାନକୁ ୧୩.୧ ଓଭର ମଧ୍ୟରେ ମ୍ୟାଚ ଜିତିବାକୁ ପଡିବ।

ଗ୍ରୁପ ବିରୁ ଇଂଲଣ୍ଡ ସୁପର ୮ ଗ୍ରୁପରୁ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିସାରିଛି, ଏବଂ ଶ୍ରୀଲଙ୍କା ଟୁର୍ଣ୍ଣାମେଣ୍ଟରୁ ବାଦ ପଡ଼ିଛି। ତେଣୁ ଏହି ମ୍ୟାଚରେ ଶ୍ରୀଲଙ୍କାର ହରାଇବା ପାଇଁ କିଛି ନାହିଁ। ଏହି ମ୍ୟାଚ୍ ଉପରେ ଏବେ ପାକିସ୍ତାନ ସହ ନ୍ୟୁଜିଲାଣ୍ଡ ଖେଳାଳି ଓ କ୍ରିକେଟ୍ ପ୍ରେମୀଙ୍କ ନଜର ରହିବ।