ଅହମ୍ମଦାବାଦ: ତିଳକ ବର୍ମା ନିଜ ଆଇପିଏଲ କ୍ୟାରିୟରର ପ୍ରଥମ ଶତକ ହାସଲ କରିଛନ୍ତି। ସେ ଗୁଜରାଟ ଟାଇଟାନ୍ସ ବିପକ୍ଷରେ ବିସ୍ଫୋରକ ବ୍ୟାଟିଂ କରି ୪୫ ବଲରେ ଶତକ ହାସଲ କରିଛନ୍ତି। ଏହା ସହିତ, ସେ ଇଣ୍ଡିଆନ ପ୍ରିମିୟର ଲିଗ୍ ଇତିହାସରେ ମୁମ୍ବାଇ ଇଣ୍ଡିଆନ୍ସ ପାଇଁ ଦ୍ରୁତତମ ଶତକର ରେକର୍ଡର ସମକକ୍ଷ ହୋଇଛନ୍ତି। ଏହି ବିସ୍ଫୋରକ ଇନିଂସରେ ସେ ୪୫ ବଲରେ ୧୦୧ ରନ୍ କରିଛନ୍ତି।

MI ପାଇଁ ଦ୍ରୁତତମ ଶତକ

ତିଳକ ବର୍ମା ଇନିଂସର ଶେଷ ବଲରେ ଚୌକା ମାରି ୪୫ ବଲରେ ନିଜର ଶତକ ପୂରଣ କରିଥିଲେ। ତାଙ୍କ ପୂର୍ବର ୨୦୦୮ରେ ମୁମ୍ବାଇ ଇଣ୍ଡିଆନ୍ସ ପାଇଁ ସନତ ଜୟସୁରିଆ ୪୫ ବଲରେ ଶତକ ହାସଲ କରିଥିଲେ। ୧୮ ବର୍ଷ ପରେ ତିଲକ ବର୍ମା ମୁମ୍ବାଇ ପାଇଁ ଦ୍ରୁତତମ ଶତକର ରେକର୍ଡର ସମକକ୍ଷ ହୋଇଛନ୍ତି।

୪୫ ବଲ୍ - ତିଲକ ବର୍ମା

୪୫ ବଲ୍ - ସନଥ ଜୟସୁରିଆ

୪୭ ବଲ୍ – କ୍ୟାମେରୁନ ଗ୍ରୀନ୍

୪୯ ବଲ୍ - ସୂର୍ଯ୍ୟକୁମାର ଯାଦବ

୨୩ ବଲରେ ୮୨ ରନ୍

ତିଳକ ପ୍ରଥମ ୨୨ ବଲରେ ମାତ୍ର ୧୯ ରନ୍ କରିଥିଲେ। କିନ୍ତୁ ଏହା ପରେ ବିସ୍ଫୋରକ ବ୍ୟାଟିଂ କରି ୨୩ ବଲରେ ୩୫୬.୫୨ ଷ୍ଟ୍ରାଇକ୍ ରେଟରେ ୮୨ ରନ୍ କରିଥିଲେ। ତିଲକ ବର୍ମାଙ୍କ ବିସ୍ଫୋରକ ବ୍ୟାଟିଂ ବଳରେ ମୁମ୍ବାଇ, ୨୦  ଓଭରରେ ୧୯୯ ରନ କରିଥିଲା। ମୁମ୍ବାଇ ଇଣ୍ଡିଆନ୍ସର ଆରମ୍ଭ ଦୟନୀୟ ଥିଲା। ଗୋଟିଏ ସମୟରେ, ଦଳ ୧୪ ଓଭରରେ ୧୦୩ ରନ୍ କରିଥିଲା, କିନ୍ତୁ ତିଲକ ବର୍ମାଙ୍କ ଝଡ଼ ଯୋଗୁଁ ମୁମ୍ବାଇ ଶେଷ ଛଅ ଓଭରରେ ୯୮ ରନ୍ କରିଥିଲା। 

IPLରେ ମୁମ୍ବାଇ ପାଇଁ ଦ୍ରୁତତମ ଶତକ

୪୫ ବଲ୍- ସନତ ଜୟସୂର୍ଯ୍ୟା ବନାମ ସିଏସକେ, ଓ୍ଵାଙ୍ଖେଡ଼େ, ୨୦୦୮

୪୫ ବଲ୍- ତିଳକ ବର୍ମା ବନାମ ଜିଟି, ଅହମ୍ମଦାବାଦ, ୨୦୨୬

୪୭ ବଲ୍- କ୍ୟାମେରୁନ ଗ୍ରୀନ ବନାମ ଏସଆରଏଚ, ଓ୍ଵାଙ୍ଖେଡ଼େ, ୨୦୨୩

୪୯ ବଲ୍- ସୂର୍ଯ୍ୟକୁମାର ବନାମ ଜିଟି, ଓ୍ଵାଙ୍ଖେଡ଼େ, ୨୦୨୩