ଖବର ଓଡ଼ିଶା: ଖଣି ଜମି ଉପରେ ରୟାଲଟି ଆଦାୟ ଅଧିକାରକୁ ନେଇ ସର୍ବୋଚ୍ଚ ଅଦାଲତ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି । ପ୍ରଧାନ ବିଚାରପତିଙ୍କୁ ନେଇ ଗଠିତ ନଅ ଜଣିଆ ଖଣ୍ଡପୀଠ ଖଣିଜ ପଦାର୍ଥ ଉପରେ ଲାଗୁ କରାଯିବାକୁ ଥିବା ଆବେଦନ ଉପରେ ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । ଖଣି ଜମି ଉପରୁ ରାଜ୍ୟଗୁଡ଼ିକ ରୟାଲଟି ଆଦାୟ କରିବା ଟ୍ୟାକ୍ସ ନୁହେଁ ବୋଲି ସୁପ୍ରିମକୋର୍ଟ କହିଛନ୍ତି । ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ପରେ ଖଣିଜ ସମ୍ପଦଭରା ରାଜ୍ୟଗୁଡ଼ିକ ଫାଇଦା ପାଇପାରିବେ ।
ଆଜି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ଼ଙ୍କୁ ନେଇ ଗଠିତ ୯ ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରିଛନ୍ତି । ୮ ଜଣ ବିଚାରପତି ରୟାଲ୍ଟି ଆଦାୟ ସପକ୍ଷରେ ଯାଇ ଥିବାବେଳେ ଜଷ୍ଟିସ ବିଭି ନାଗାରତ୍ନ ବିପକ୍ଷରେ ମତ ଦେଇଥିଲେ । ରାଜ୍ୟ ସରକାରଙ୍କର ଖଣିଜ ସମ୍ପଦ ଜମି ଉପରେ ଟିକସ ଲାଗୁ କରିବାର କ୍ଷମତା ଏବଂ ଶକ୍ତି ରହିଛି । ରାଜ୍ୟ ସରକାର ଖଣି କମ୍ପାନୀଗୁଡ଼ିକରୁ ଅତିରିକ୍ତ ରୟାଲଟି ଆଦାୟ କରିପାରିବେ । ରୟାଲଟି ଆଦାୟ କରିବା ଟ୍ୟାକ୍ସ ନୁହେଁ ବୋଲି ଖଣ୍ଡପୀଠ କହିଛନ୍ତି । ସୁପ୍ରିମକୋର୍ଟର ଐତିହାସିକ ନିଷ୍ପତ୍ତିରେ ଓଡ଼ିଶା ସମେତ ଝାଡ଼ଖଣ୍ଡ, ପଶ୍ଚିମବଙ୍ଗ, ଛତିଶଗଡ଼, ମଧ୍ୟ ପ୍ରଦେଶ, ରାଜସ୍ଥାନ ଏବଂ ଉତ୍ତର-ପୂର୍ବର ଖଣିଜ ସମ୍ପଦ ଭରା ରାଜ୍ୟ ଉପକୃତ ହେବେ । କୋର୍ଟ କହିଛନ୍ତି ଯେ ସରକାରଙ୍କୁ ପ୍ରଦାନ କରାଯିବାକୁ ଥିବା ଚୁକ୍ତିନାମାକୁ ଟିକସ ଭାବରେ ବିବେଚନା କରାଯାଇପାରିବ ନାହିଁ । ଖଣିଜ ପଦାର୍ଥକୁ ପୃଥକ କରିବା ପାଇଁ ମାଲିକ ରୟାଲଟି ଆଦାୟ କରନ୍ତି ।
ପ୍ରଧାନ ବିଚାରପତି କହିଛନ୍ତି ଯେ ୧୯୮୯ ରେ ୭ ଜଣିଆ ଖଣ୍ଡପୀଠଙ୍କ ଦ୍ୱାରା କରାଯାଇଯାଇଥିବା ଶୁଣାଣି, ଯେ ଖଣିଜ ସମ୍ପଦ ଉପରେ ଆଦାୟ କରାଯାଇଥିବା ରୟାଲିଟି ଟ୍ୟାକ୍ସ ଅଟେ, ତାହା ସଂପୂର୍ଣ୍ଣ ଭୁଲ୍ । ଖଣିଜ ପଦାର୍ଥ ଉପରେ ଦିଆଯାଉଥିବା ରୟାଲଟି ମାଇନ୍ସ ଆଣ୍ଡ ମିନେରାଲ୍ସ ଅଧିନିୟମ, ୧୯୫୭ ଅନୁଯାୟୀ ଟିକସ ଅଟେ କି ନାହିଁ, ପ୍ରଧାନ ବିଚାରପତି ଚନ୍ଦ୍ରଚୁଡଙ୍କ ଖଣ୍ଡପୀଠ ଏନେଇ ଶୁଣାଣି କରି କହିଛନ୍ତି ।