ମୁମ୍ବାଇ: ଆଜି ଧରାବତରଣ କରିଛନ୍ତି ପ୍ରଭୁ ଶ୍ରୀ ଗଜାନନ । ବିଘ୍ନ ବିନାଶକଙ୍କ ଆଗମନରେ ଉସ୍ଚବ ମୁଖର ପୁର ପଲ୍ଲୀ । ଗଣେଶ ପୂଜା ପାଇଁ ପ୍ରସିଦ୍ଧ ମାୟାନଗରୀ ମୁମ୍ବାଇରେ ଚଳିତ ଥର ପୁଣି ଖବର ଶିରୋନାମା ପାଲଟିଛି । ମୁମ୍ବାଇର ପ୍ରମୁଖ ଲାଲବାଗର ଗଣପତିଙ୍କ ମସ୍ତକରେ ଝଟକୁଛି ସୁନାର ମୁକୁଟ । ଯାହା ଲୋକଙ୍କୁ ଆହୁରି ଆକୃଷ୍ଟ କରିଛି । 

ଏହି ମୁକୁଟର ମୂଲ୍ୟ ୨୦ କିଲୋ ଗ୍ରାମ ଓଜନର ବୋଲି ଜଣାପଡ଼ିଛି । ଯାହାର ମୂଲ୍ୟ ୧୫ କୋଟି । ଆଉ ଏହାକୁ ଦାନ କରିଛି ଅମ୍ବାନୀ ପରିବାର । ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀ ଏହି ମୁକୁଟ ପ୍ରଦାନ କରିଛନ୍ତି । ଯାହାକୁ ତିଆରି କରିବାକୁ ଦୁଇ ମାସ ସମୟ ଲାଗିଥିଲା । ବଲିଉଡ଼ ସେଲିବ୍ରେଟିଙ୍କଠାରୁ ଆରମ୍ଭ କରି ବଡ଼ ବଡ଼ ରାଜନେତା ମାନେ ଲାଲବାଗ ରାଜାଙ୍କ ଦର୍ଶନ କରୁଛନ୍ତି । 

ଲାଲବାଗରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସିସିଟିଭି କ୍ୟାମେରା, ମେଟାଲ ଡିଟେକ୍ଟର, ସନ୍ଧାନୀ କୁକୁର ଏବଂ ବ୍ୟାପକ ପୋଲିସ ଫୋର୍ସ ମୁତୟନ ହୋଇଛନ୍ତି । ଅନ୍ୟପକ୍ଷରେ ଅଗ୍ନିଶମ ବିଭାଗ ପକ୍ଷରୁ ମାଗଣାରେ ସେବା ଯୋଗାଇ ଦିଆଯାଉଛି ।