ନୂଆଦିଲ୍ଲୀ: ହରିୟାଣା ସବୁବେଳେ ବୋର୍ଡ ପରୀକ୍ଷାରେ ଅବ୍ୟବସ୍ଥାକୁ ନେଇ ଚର୍ଚ୍ଚାରେ ଥାଏ । ପରୀକ୍ଷା କେନ୍ଦ୍ରରୁ ପ୍ରଶ୍ନ ପତ୍ର ଲିକ୍ ଏବଂ ପରୀକ୍ଷା ସମୟରେ ଠକେଇର ଅନେକ ମାମଲା ସାମ୍ନାକୁ ଆସିବା ପରେ ହରିୟାଣା ସରକାର ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।

ବାରମ୍ବାର କପି ଏବଂ ପ୍ରଶ୍ନ ପତ୍ର ଲକ୍ ଘଟଣା ପ୍ରଘଟ ହେବା ପରେ ନାୟବ ସିଂ ସୈନୀ ସରକାର ଶିକ୍ଷା ସଚିବ ଅନୁରାଗ ରସ୍ତୋଗୀଙ୍କୁ ତାଙ୍କ ପଦବୀରୁ ହଟାଇ ଦେଇଛନ୍ତି । ତାଙ୍କ ସ୍ଥାନରେ ମୁନିଶ ନାଗପାଲଙ୍କୁ ଶିକ୍ଷା ବୋର୍ଡର ମୁଖ୍ୟ ସଚିବ ଭାବରେ ନିଯୁକ୍ତ କରିଛନ୍ତି । ଅତିରିକ୍ତ ଡେପୁଟି କମିଶନର ଡକ୍ଟର ମୁନିଶ ନାଗପାଲଙ୍କୁ ହରିୟାଣା ସ୍କୁଲ ଶିକ୍ଷା ବୋର୍ଡର ସଚିବର ଅତିରିକ୍ତ ଦାୟିତ୍ୱ ଦିଆଯାଇଛି । ଏପର୍ଯ୍ୟନ୍ତ ଏହି ଦାୟିତ୍ୱ ଜିଲ୍ଲା ପରିଷଦ ସିଇଓ ଏଚସିଏସ୍ ଅଜୟ ଚୋପ୍ରା ପରିଚାଳନା କରୁଥିଲେ। ଜିଲ୍ଲା ଡେପୁଟି କମିଶନର ଏବଂ ପୋଲିସ ଅଧୀକ୍ଷକଙ୍କ ସହ ଭିଡିଓ କନଫରେନ୍ସିଂର ପରଦିନ ମୁଖ୍ୟ ସଚିବ ଅନୁରାଗ ରସ୍ତୋଗୀ ସଚିବଙ୍କୁ ତାଙ୍କ ପଦବୀରୁ ହଟାଇ ଦିଆଯାଇଛି । ଏବେ ଡକ୍ଟର ମୁନିଶ ନାଗପାଲଙ୍କ ଉପରେ ହରିୟାଣା ସ୍କୁଲ ଶିକ୍ଷା ବୋର୍ଡ ପରୀକ୍ଷାରେ କପି ରୋକିବା ଏବଂ ପ୍ରଶ୍ନ ପତ୍ର ଲିକ୍ ରୋକିବାର ବଡ଼ ଦାୟିତ୍ୱ ରହିବ ।