ରାୟପୁର: ଛତିଶଗଡ଼ ସୁକମା ଜିଲ୍ଲାରେ ପୁଣି ଥରେ ମାଓବାଦୀଙ୍କ ଗତିବିଧି ସାମ୍ନାକୁ ଆସିଛି । ଗୋଟିଏ ଜଣେ ସାଧାରଣ ନାଗରିକଙ୍କ ମାଓବାଦୀମାନେ ହତ୍ୟା କରିଥିବାବେଳେ ଅନ୍ୟ ପଟେ ସୁରକ୍ଷାବାହିନୀର ଏନକାଉଣ୍ଟରରେ ଟଳିଛନ୍ତି ୨ ମାଓବାଦୀ । 

ସୁକମା ଜିଲ୍ଲାରେ ପୁଣି ଥରେ ମାଓବାଦୀଙ୍କ ବର୍ବରତା ଦେଖିବାକୁ ମିଳିଛି । ମାଓବାଦୀରେ ଚିନ୍ତାଗୁପ୍ତା ଥାନା କ୍ଷେତ୍ର ପେଣ୍ଟାପାଡ଼ ଗାଁରେ ଜଣଙ୍କୁ ହତ୍ୟା କରାଯାଇଛି । ମୃତକ ଜଣକ ହେଲେ କଲମୁ ହିଡ଼ମା । ସେ ହେଉଛନ୍ତି ପୂର୍ବତନ ବିଧାୟକ ମନୀଷ କୁଞ୍ଜାମଙ୍କ ଶ୍ୱଶୁର ବୋଲି ଜଣାପଡ଼ିଛି । 

ସୁକମା ଜିଲ୍ଲାର ଗୁଣ୍ଡରାଜଗୁଡ଼େମର ଜଙ୍ଗଲରେ ସୁରକ୍ଷାବଳ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ସୁରକ୍ଷାବାହିନୀ ୨ ଜଣ ମାଓବାଦୀଙ୍କୁ ଏନକାଉଣ୍ଟର କରିଛନ୍ତି । ସେମାନେ ହେଲେ ସୋଡ଼ୀ ଲିଙ୍ଗେ ଏବଂ ପଡ଼ିୟାମ ହଡ଼ମା । ସେମାନଙ୍କ ନାଁରେ ପାଞ୍ଚ-ପାଞ୍ଚ ଲକ୍ଷ ଲେଖାଏଁ ପୁରସ୍କାର ଘୋଷଣା କରାଯାଇଥିଲା । ଘଟଣାସ୍ଥଳରୁ ବିଜିଏଲ ଲଞ୍ଚର୍, ରାଇଫଲ୍, ବିସ୍ଫୋରକ ସାମଗ୍ରୀ, ନକ୍ସଲ ସାହିତ୍ୟ ଏବଂ ଅନ୍ୟାନ୍ୟ ଦୈନନ୍ଦିନ ସାମଗ୍ରୀ ଜବତ କରାଯାଇଛି । 

ଏଠାରେ ଉଲ୍ଲେଖ ଯୋଗ୍ୟ, ଛତିଶଗଡ଼ର ବିଜାପୁର ଜିଲ୍ଲାରେ ଦିନେଶ ମୋଦିମ୍ ନାମରେ ଜଣେ ମାଓବାଦୀ ତାଙ୍କ ପରିବାର ସହିତ ଆତ୍ମ ସମର୍ପଣ କରିଛନ୍ତି । ତାଙ୍କ ମୁଣ୍ଡରେ ୮ ଲକ୍ଷ ଟଙ୍କାର ପୁରସ୍କାର ଥିଲା । ରବିବାର ତାଙ୍କ ସ୍ତ୍ରୀ ଏବଂ ପିଲାମାନଙ୍କ ସହିତ ସୁରକ୍ଷା ବାହିନୀ ନିକଟରେ ଆତ୍ମସମର୍ପଣ କରିଛନ୍ତି । ଦିନେଶ ମୋଦିମ୍ ମୋଷ୍ଟ ୱାଣ୍ଟେଡ୍ ତାଲିକାରେ ଥିଲା ଏବଂ ତାର ଆତ୍ମସମର୍ପଣ ଗଙ୍ଗାଲୁର ଏରିଆ କମିଟିକୁ ଏକ ବଡ଼ ଧକ୍କା ଦେଇଛି।

ଏହି ଘଟଣାଗୁଡ଼ିକ ପୂର୍ବରୁ, ରାଜ୍ୟରେ ୩୨ ଲକ୍ଷ ନକ୍ସଲଙ୍କ ମଧ୍ୟରୁ ସାତ ଜଣ ନକ୍ସଲ ଆତ୍ମସମର୍ପଣ କରିଥିଲେ । ଏମାନଙ୍କ ମଧ୍ୟରେ କୁଖ୍ୟାତ ଟେକାଲଗୁଡାମ ନକ୍ସଲ ଆକ୍ରମଣରେ ସାମିଲ ନକ୍ସଲ ଦମ୍ପତି ମଧ୍ୟ ଅନ୍ତର୍ଭୁକ୍ତ। ଆତ୍ମସମର୍ପଣ କରିଥିବା ସାତ ଜଣ ନକ୍ସଲବାଦୀ ୨୦୨୧ ମସିହାରେ ଟେକାଲଗୁଡାମ ନକ୍ସଲ ଆକ୍ରମଣରେ ସାମିଲ ଥିଲେ, ଯେଉଁଥିରେ ମୋଟ ୨୨ ଜଣ ଜବାନ ସହିଦ ହୋଇଥିଲେ।