ଇଡୁକ୍କୀ: କେରଳର ଏକ ଅଦାଲତ ଶୁକ୍ରବାର ଦୁଷ୍କର୍ମ ମାମଲାରେ ବଡ଼ ରାୟ ଶୁଣାଇଛନ୍ତି। ମଧ୍ୟପ୍ରଦେଶର ଜଣେ ବ୍ୟକ୍ତିଙ୍କୁ ୩୩ ବର୍ଷ ଜେଲଦଣ୍ଡ ଶୁଣାଇଛନ୍ତି। ସଂପୃକ୍ତ ବ୍ୟକ୍ତିକୁ କେରଳର ପାହାଡ଼ିଆ ଜିଲ୍ଲା ପୁପାରାରେ ପଶ୍ଚିମବଙ୍ଗ ମୂଳ ନିବାସୀ ୧୫ ବର୍ଷୀୟ ନାବାଳିକା ସହିତ ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ କରାଯାଇଛି।
ଦୁଷ୍କର୍ମ ମାମଲାରେ ମହେଶ କୁମାର ଯାଦବକୁ ଦୋଷୀ ସାବ୍ୟସ୍ତ କରାଯାଇଛି। ପୀଡିତାଙ୍କ ପରିବାର ପକ୍ଷରୁ କୁହାଯାଇଛି ଦୋଷୀଙ୍କ ଉପରେ ୧.୫ ଲକ୍ଷ ଟଙ୍କା ଜରିମାନା ଦଣ୍ଡାଦେଶ ହୋଇଛି, ଯାହାକି ପୀଡିତାଙ୍କୁ ଦିଆଯିବ। ଏସ୍ପିପି କହିଛନ୍ତି, ଅଦାଲତ ପୀଡିତାଙ୍କୁ କ୍ଷତିପୂରଣ ଯୋଜନା ଅନୁସାରେ କ୍ଷତିପୂରଣ ଦେବାକୁ ଆଗ୍ରହ ପ୍ରକାଶ କରିଛନ୍ତି। ଏଥି ପାଇଁ ଜିଲ୍ଲା ଆଇନ ସେବା ପ୍ରାଧିକରଣକୁ ନିର୍ଦ୍ଦେଶ ଦେଇଛନ୍ତି।
ମାମଲାର ବିବରଣୀରୁ ଜରାଯାଇଛି ଯେ, ମହେଶ ଯାଦବର ନାବାଳିକା ମାତା-ପିତା ଓ ଝିଅ ସହିତ ବନ୍ଧୁତାପୂର୍ଣ୍ଣ ସଂପର୍କ ଥିଲା। ସେ ପୀଡିତାଙ୍କ ଘରକୁ ମଧ୍ୟ ଯିବାଆସିବା କରୁଥିଲା। ଏକଦା ମିଠାମିଠା କଥା କହି ସେ ନାବାଳିକାକୁ ଆୟାମଙ୍କ ଘରକୁ ନେଇଯାଇଥିଲା। ସେଠାରେ ଦୁଷ୍କର୍ମ କରିଥିଲା। ଏହି ଘଟଣା ୨୦୨୨ରେ ଘଟିଥିଲା। ଦୁଷ୍କର୍ମ ପରେ ପୁଣି ଧମକ ଦେଉଥିଲା।