ଗାନ୍ଧୀନଗର: ଗୁଜରାଟରେ ଚାନ୍ଦିପୁରା ସଂକ୍ରମଣ ମାଡ଼ିଚାଲିଛି। ଗଣମାଧ୍ୟମକୁ ପ୍ରଶାସନ ତରଫରୁ ଦିଆଯାଇଥିବା ତଥ୍ୟ ଅନୁସାରେ ଚାନ୍ଦିପୁରା ସଂକ୍ରମଣରେ ଏଯାଏଁ ୪୪ ଜଣଙ୍କର ମୃତ୍ୟୁ ହୋଇସାରିଛି। ରାଜ୍ୟରେ ଏପର୍ଯ୍ୟନ୍ତ ମୋଟ ୧୨୪ ଜଣ ସଂକ୍ରମିତ ଚିହ୍ନଣ ହୋଇଛନ୍ତି। ବର୍ତ୍ତମାନ ୫୪ ଜଣ ସଂକ୍ରମିତ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ୨୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଆରମ୍ଭରୁ ଏହି ସଂକ୍ରମଣ ଗ୍ରାମାଞ୍ଚଳରେ ଦେଖାଯାଇଥିଲା। ଏହା ପରେ ଅହମଦାବାଦ, ଭଦୋଦରା, ରାଜକୋଟ, ସୁରଟ ଭଳି ସହରରେ ଲୋକେ ଚାନ୍ଦିପୁରା ସଂକ୍ରମଣରେ ସଂକ୍ରମିତ ହେଇଥିଲେ।
ଚାନ୍ଦିପୁରା ସଂକ୍ରମଣରେ ଏପର୍ଯ୍ୟନ୍ତ ୧୨୪ ଜଣ ଲୋକ ଚିହ୍ନଟ ହୋଇଛନ୍ତି। ଏଥିରେ ପଞ୍ଚମହାଲରେ ୧୫, ସବରକାଣ୍ଠା, ଅହମଦାବାଦ କର୍ପୋରେଶନରେ ୧୨ -୧୨, ମେହସାନାରେ ୭, ଅରାବଳୀ, ଗାନ୍ଧୀନଗର, ଜାମନଗର, ଭଦୋଦରା, ଖେଡାରେ ୬ ଜଣ ଲେଖାଏଁ, ମୋରବୀ, ବାନସକାଣ୍ଠାରେ ୫-୫ ଜଣ, ସୁରେନ୍ଦ୍ରନଗର, ରାଜକୋଟ କର୍ପେରେଶନରେ ୪-୪, ଗାନ୍ଧୀନଗର କର୍ପୋରେଶନ, କଚ୍ଛ, ଭରୁଚରେ ୩ ଜଣ ଲେଖାଏଁ, ସାନଉଦେପୁର, ଦାହୋଦ, ମହୀସାଗର, ନର୍ମଦା, ଭଦୋଦରା କର୍ପୋରେଶନ, ସୁରତ କର୍ପୋରେଶନରେ ୨ ଜଣ ଲେଖାଏଁ, ଭାବନଗର, ଦେବଭୂମି ଦ୍ବାରକା, ଅହମଦାବାଦ ଓ ଜାମନଗରରେ ଜଣେ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି।