ଜୁଆ ଆଡ୍ଡାରେ ଚଢଉ ବେଳେ ପୋଲିସ କର୍ମଚାରୀଙ୍କୁ ନିର୍ଧୁମ ମାଡ ଘଟଣା, ୨୪ ଜଣ ଗିରଫ
Khabar Odisha:Police-in-riot-gear-stormed-a-rally-on-Friday-removing-24-protesters-by-truck
ବାଲିପାଟଣା, ମେ ୨୨(ଖବର ଓଡିଶା):

ଜୁଆଖେଳ ଉପରେ ଚଢାଉ ବେଳେ ସ୍ପେଶାଲ ସ୍କ୍ୱାର୍ଡର ପୋଲିସ କର୍ମଚାରୀଙ୍କୁ ନିର୍ଧୁମ ମାଡ ମରାଯାଇଛି । ତେବେ ଏହି ଘଟଣାରେ ପୋଲିସ ୨୪ ଜଣଙ୍କୁ ଗିରଫ କରିଛି । ଶନିବାର ବିଳମ୍ବିତ ରାତିରେ ଭୁବନେଶ୍ୱର ଉପକଣ୍ଠ ବାଲିପାଟଣା ଥାନା କୃଷ୍ଣପୁର ଗାଁ ମେଲଣ ପଡିଆରେ ଜୁଆ ଖେଳ ଚାଲିଥିବା ବେଳେ ପୋଲିସ ଚଢାଉ କରିଥିଲା । 

ସେଠାରେ ଥିବା କିଛି ଲୋକଙ୍କୁ ପୋଲିସ ଲାଠିରେ ପିଟିବା ସହିତ କିଛି ଜୁଆ ଖେଳାଳୀଙ୍କୁ ଧରି ଗାଡିରେ ବସାଇଥିଲେ । ଏହି ସମୟରେ ଉତକ୍ଷିପ୍ତ ହୋଇଥିଲେ ସ୍ଥାନୀୟ ଲୋକେ । ସଂଘବଦ୍ଧ ହୋଇ ପୋଲିସ କର୍ମଚାରୀଙ୍କୁ ନିର୍ଧୁମ ମାଡ ମାରିଥିଲେ । 

ସେପଟେ ଖବର ପାଇ ବାଲିପାଟଣା ପୋଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ସରପଞ୍ଚଙ୍କ ସହାୟତାରେ ସ୍ପୋଶଲ ସ୍କ୍ୱାଡର ଗାଡିକୁ ଉଦ୍ଧାର କରିଥିଲେ । ତେବେ କମିଶନରେଟ ପୋଲିସ ପକ୍ଷରୁ ବ୍ୟାପକ ଚଢାଉ କରାଯାଇଥିଲା । ପୋଲିସକୁ ମାଡ ମାରିବା ଅଭିଯୋଗରେ ଏଯାଏ ୨୪ ଜଣଙ୍କୁ ପୋଲିସ ଗିରଫ କରିଥିବା ଜଣାପଡିଛି । 

  • Tags:

Subscribe

National International State Sports Entertainment