ଭୁବନେଶ୍ୱର, ସେପ୍ଟେମ୍ବର ୧୪(ଖବର ଓଡ଼ିଶା): ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ ସମୟରେ ୨୫ ବର୍ଷ ତଳେ ସୁରେନ୍ଦ୍ର ନାଥ ନାୟକ ରାଜସ୍ୱ ମନ୍ତ୍ରୀ ଥିବା ବେଳେ ଏକ ଐତିହାସିକ ନିଷ୍ପତି ନିଆଯାଇ ଓଡ଼ିଶାର ଜିଲ୍ଲା ସଂଖ୍ୟା ୧୩ରୁ ୩୦କୁ ବୃଦ୍ଧି କରାଯାଇଥିଲା । ଏବେ ନବୀନ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ କାଳରେ ଅନ୍ତତଃପକ୍ଷେ ରାଉରକେଲା ସମେତ ଆଉ ୩ଟି ନୂଆ ଜିଲ୍ଲା ସୃଷ୍ଟି ପାଇଁ ଦାବି କରିଛନ୍ତି ବିଧାୟକ ଦିଲିପ ରାୟ ।

ଭୁବନେଶ୍ୱର, ସେପ୍ଟେମ୍ବର ୦୪(ଖବର ଓଡ଼ିଶା) : ରାସ୍ତା ଉପରେ ରହିଥିବା ଡ଼ଷ୍ଟବିନ୍ ଗୁଡ଼ିକ ସ୍ଥାନ ମାଡ଼ି ବସୁଛି । ପୁଣି ସହରର ସୌନ୍ଦର୍ଯ୍ୟ ପ୍ରତି ବାଧକ ହେଉଛି । ଆଇଁଷିଆ ଆମ୍ବିଳି ଗନ୍ଧରେ ଫାଟି ପଡ଼ୁଛି ନାକ । ଏଭଳି କିଛି ସମସ୍ୟାକୁ ନେଇ ବିଏମସି ବୈଠକରେ ଆଲୋଚନା ହେବା ପରେ ଏବେ ସମାଧାନ ପାଇଁ ରାସ୍ତା ଫିଟିଛି । ୫୦ଟି ଅଣ୍ଡର ଗ୍ରାଉଣ୍ଡ ଓ ସେମି ଅଣ୍ଡର ଗ୍ରାଉଣ୍ଡ ଡ଼ଷ୍ଟବିନ୍ ଲଗାଇବାକୁ ନିଷ୍ପତ୍ତି ହୋଇଛି । ୨୫ଟି ସ୍ଥାନରେ ଏହା ଲଗାଯିବ । ଟେଣ୍ଡର ପ୍ରକ୍ରିୟା ଆରମ୍ଭ ହୋଇଥିବା ଜଣାପଡ଼ିଛି । ବିଏମସି ଏବଂ ଟେଣ୍ଡର ପାଇଥିବା ସଂସ୍ଥା ସ୍ଥାନ ଚିହ୍ନଟ କରିବେ ।

ରାଉରକେଲା, ଅଗଷ୍ଟ ୨୭ (ଖବର ଓଡ଼ିଶା): ରାଉରକେଲା ସିଭିଲ୍ ଟାଉନସିପ୍‌ରେ ଥିବା ଜନସ୍ୱାସ୍ଥ୍ୟ ବିଭାଗର ଏକ ୫୦ ଫୁଟ୍ ଉଚ୍ଚର ପାଣି ଟାଙ୍କି ଆଜି ଭୁଶୁଡ଼ି ପଡିଛି । ଫଳରେ ଏହା ତଳେ ଥିବା ୱେସ୍କୋ କାର୍ୟ୍ୟାଳୟ ସଂପୂର୍ଣ୍ଣ ଭାଙ୍ଗି ଚୁରମାର୍ ହୋଇଯାଇଛି । ସେଠାରେ ଥିବା କିଛି ମୋଟରସାଇକେଲ ଓ ସାଇକେଲ ପଥର ଖଣ୍ଡ ଓ କଂକ୍ରିଟ୍ ତଳେ ଚାପି ହୋଇରହିଛି । ମୃତାହତ ସମ୍ପର୍କରେ ସବିଶେଷ ତଥ୍ୟ ମିଳିପାରି ନାହିଁ ।

ଭୁବନେଶ୍ୱର, ଅଗଷ୍ଟ ୨୪(ଖବର ଓଡ଼ିଶା): ଦିନକୁ ଦିନ ଅସୁରକ୍ଷିତ ହେବାରେ ଲାଗିଛି ସ୍ମାର୍ଟ ସିଟି ଭୁବନେଶ୍ୱର । ସହରରେ ଜନବସତି ସଂଖ୍ୟା ବଢ଼ି ଚାଲିଥିବାବେଳେ ଅପରାଧ ମଧ୍ୟ ବୃଦ୍ଧି ପାଉଛି । ଗତ ଦୁଇ ଦିନ ତଳେ ଜଣେ ଯୁବକଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିବାବେଳେ ଆଜି ଏକ ହୋଟେଲରୁ ଜଣେ ଯୁବତୀଙ୍କ ମୃତ ଦେହ ଉଦ୍ଧାର ହୋଇଛି । ମଞ୍ଚେଶ୍ୱରରେ ଥିବା ହାଇୱେ ଇନ ହୋଟେଲରେ ଯୁବତୀଙ୍କୁ ହତ୍ୟା କରାଯାଇଛି । ଯୁବତୀଙ୍କ ନାମ ଲକ୍ଷ୍ମୀପ୍ରିୟା ବିଶ୍ୱାଳ । ତାଙ୍କ ଘର ଖୋର୍ଦ୍ଧାରେ ହୋଇଥିବେ ପ୍ରାଥମିକ ତଦନ୍ତରୁ ସୂଚନା ମିଳିଛି ।

ଭୁବନେଶ୍ୱର, ଅଗଷ୍ଟ ୧୪(ଖବର ଓଡ଼ିଶା) : ରହିବା ପାଇଁ ପସନ୍ଦର ସହର କିଏ? ଦିଲ୍ଲୀ, ମୁମ୍ବାଇ, ପୁନେ ନା କୋଲକତା । ସାମାଜିକ ବ୍ୟବସ୍ଥା, ଅର୍ଥନୀତି ଓ ଭିତ୍ତିଭୂମି ଦୃଷ୍ଟିରୁ କେଉଁ ସହର ଆଗରେ? ଏହା ଜାଣିବା ପାଇଁ ସହର ବିକାଶ ମନ୍ତ୍ରଣାଳୟ ପକ୍ଷରୁ ରହିବା ପାଇଁ ପସନ୍ଦର ସୂଚକାଙ୍କ ପ୍ରତିଯୋଗିତା ହୋଇଥିଲା । ଏଥିରେ ୧୧୧ଟି ସହରକୁ ମୂଲ୍ୟାଙ୍କନ କରାଯାଇଥିଲା । ଏହି ସର୍ଭେରେ ମହାରାଷ୍ଟ୍ରର ପୁନେ ସହର ସବୁଠୁ ବାସପୋଯୋଗୀ ସହର ହୋଇଥିବାବେଳେ ଭୁବନେଶ୍ୱର ଦିଲ୍ଲୀକୁ ପଛରେ ପକାଇ ଆଗକୁ ଆସିଛି । ଜାତୀୟ ରାଜଧାନୀ ଦିଲ୍ଲୀ ତାଲିକାର ୬୫ତମ ସ୍ଥାନରେ ଥିବାବେଳେ ଓଡ଼ିଶାର ରାଜଧାନୀ ଭୁବନେଶ୍ୱର ତାଲିକାର ୧୬ତମ ସ୍ଥାନରେ ରହିଛି । ଉତ୍ତରପ୍ରଦେଶର ରାମପୁର ୧୧୧ତମ ସ୍ଥାନରେ ଅର୍ଥାତ ସବା ଶେଷରେ ରହିଛି ।

ଭୁବନେଶ୍ୱର, ଅଗଷ୍ଟ ୩ (ଖବର ଓଡ଼ିଶା): ଦୈତ ନଗରୀ କଟକ ଓ ଭୁବନେଶ୍ୱରର ଆଇନ ଶୃଙ୍ଖଳା ରକ୍ଷା କରିବାକୁ ମଙ୍ଗ ଧରିଛନ୍ତି ଆଇପିଏସ୍‌ ସତ୍ୟଜିତ ମହାନ୍ତି । ୧୯୮୮ ବ୍ୟାଚର ଆଇପିଏସ୍‌ ଅଫିସର ସତ୍ୟଜିତ ମହାନ୍ତି ଆଜି ଟ୍ୱିନ୍‌ ସିଟି କମିଶନର ଭାବେ ଦାୟିତ୍ୱ ଗ୍ରହଣ କରିଛନ୍ତି । ପୂର୍ବତନ ପୋଲିସ କମିଶନର ୱାଇ. ବି. ଖୁରାନିଆ ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି ।

ଭୁବନେଶ୍ୱର, ଅଗଷ୍ଟ ୦୨(ଖବର ଓଡ଼ିଶା) : ଓମଫେଡ଼୍ ଦ୍ୱାରା ଦୁଗ୍ଧ ଓ ଦୁଗ୍ଧଜାତ ଦ୍ରବ୍ୟ ଏଣିକି ପହଂଚିବ ରାଜଧାନୀବାସୀଙ୍କ ନିକଟରେ । ୧୦ଟି ବ୍ୟାଟେରୀ ଚାଳିତ ଇ-କାର୍ଟକୁ ମୁଖ୍ୟମନ୍ତ୍ରୀ ଉଦଘାଟିତ କରିଛନ୍ତି । ଆଗାମୀ ୧୫ ଦିନ ମଧ୍ୟରେ ଏଭଳି ଆଉ ୨୩ଟି ଇ-କାର୍ଟ ସାମିଲ ହେବ । ଦୁଇଟି ୱାର୍ଡ଼କୁ ଗୋଟିଏ ଇ-କାର୍ଟକୁ ସଂରକ୍ଷିତ ରଖାଯିବ ବୋଲି କୁହାଯାଇଛି ।

ଭୁବନେଶ୍ୱର, ଜୁଲାଇ ୩୦(ଖବର ଓଡ଼ିଶା): ଟ୍ୱିନ୍‌ ସିଟି କଟକ ଓ ଭୁବନେଶ୍ୱରରେ ଟ୍ରାଫିକ ବ୍ୟବସ୍ଥାକୁ ସୁବ୍ୟବସ୍ଥିତ କରିବାକୁ କମିଶନରେଟ ପୋଲିସ ଆଉ ପାଦେ ଆଗେଇଛି । ସେଥିପାଇଁ ଆଜି କମିଶନରେଟ୍‌ ପୋଲିସ ପକ୍ଷରୁ ଟ୍ରାଫିକ୍‌ ପୋର୍ଟାଲ ଆରମ୍ଭ କରାଯାଇଛି । ପୋଲିସ କମିଶନରଙ୍କ କାର୍ଯ୍ୟାଳୟରେ ପୋଲିସ କମିଶନର ୱାଇ. ବି. ଖୁରାନିଆ ଶୁଭାରମ୍ଭ କରିଛନ୍ତି । ଏହି ପୋର୍ଟାଲ ଜରିଆରେ ଲୋକମାନେ କଟକ ଓ ଭୁବନେଶ୍ୱରର ସମସ୍ତ ଟ୍ରାଫିକ୍‌ ବ୍ୟବସ୍ଥା ଓ ନିୟମାବଳୀ ଗୁଡ଼ିକ ସମ୍ବନ୍ଧରେ ସବିଶେଷ ସୂଚନା ପାଇ ପାରିବେ ବୋଲି ଜଣାପଡ଼ିଛି ।