ରାତି ପାହିଲେ ମହାପ୍ରଭୁଙ୍କ ସ୍ନାନ ଯାତ୍ରା, ଶ୍ରୀମନ୍ଦିରରେ ପ୍ରସ୍ତୁତି ଶେଷ ପର୍ଯ୍ୟାୟରେ
Khabar Odisha:the-Snana-Jatra-rituals-of-lord-Jagannath-is-in-the-final-stages-of-preparation-in-the-temple
ପୁରୀ, ଜୁନ ୦୪ (ଖବର ଓଡ଼ିଶା):

ଆଜି ବିଳମ୍ୱିତ ରାତ୍ରି ଆସନ୍ତାକାଲି ସକାଳୁ ଶେଷ ହେବ ମହାପ୍ରଭୁଙ୍କ ସ୍ନାନ ଯାତ୍ରା ଏ ନେଇ ମନ୍ଦିର ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଞ୍ଚିଛି । ଆସନ୍ତାକାଲି ସ୍ନାନ ଯାତ୍ରା ଥିବାରୁ ଆଜିଠାରୁ ମହାପ୍ରଭୁଙ୍କ ସମସ୍ତ ନୀତି ଆରମ୍ଭ ହୋଇଛି ଆଜି ଶ୍ରୀମନ୍ଦିରରେ ଆଜି ତ୍ରୟୋଦଶୀ ଯୁକ୍ତ ଚର୍ତୁଧସି କ୍ଷୟ ଓ ସେନାପଟା ଲାଗି ନୀତି ସମ୍ପନ ହୋଇଛି । ସ୍ନାନ ପୂର୍ଣ୍ଣିମା ପାଇଁ ମହାପ୍ରଭୁଙ୍କ ଶ୍ରୀଅଙ୍ଗରେ ଲାଗିହୋଇଛି ସେନାପଟା । ସେଥି ପାଇଁ କୋଠ ସୁଆଁରିଆ ସେବାୟତ ରତ୍ନସିଂହାସନରେ ଗତକାଲି ରାତିରେ ଚାରମାଳ ବାନ୍ଧିଛନ୍ତି ।ଆଜି ଦଇତାପତି ସେବାୟତମାନେ ରତ୍ନ ସିଂହାସନରେ ଚଢି ସେନାପଟା ଲାଗି କରିଛନ୍ତି । ଏହି ନୀତି 4 ରୁ 5 ଘଣ୍ଟା ଧରି ଚାଲିଥିବା ବେଳେ ୯ଟାରେ ଦ୍ୱାରଫିଟା ନିତି ସମ୍ପର୍ଣ୍ଣ ହୋଇଛି । ଏହା ପରେ ମଙ୍ଗଳଆଳତୀ ମଇଲମ ଆଦି ଦୈନିକ ନିତିକାନ୍ତି କରାଯାଉଛି।

ସେପଟେ ଆସନ୍ତାକାଲି ସ୍ନାନଯାତ୍ରା ରହୁଥିବାରୁ ଆଜି ଶ୍ରୀମନ୍ଦିରରେ 30 ଟି ନୀତି ରହିଛି । ରୁକ୍ମଣୀ ହରଣ ଏକାଦଶିରେ ମହାପ୍ରଭୁଙ୍କ ବିବାହ ଉତ୍ସବ ହୋଇଥିବାବେଳେ ଗତକାଲି ଗୁଆଲି ଯାତ୍ରାରେ ନଗର ପରିକ୍ରମା କରିଛନ୍ତି । ଆଉ ଆଜି ସନ୍ଧ୍ୟାଧୂପ ପରେ ଚଉଠି କର୍ମ ନୀତି ସହ ପଣା ଭୋଗ ସରିବା ପରେ ବଡ଼ସିଂହାର ଭୋଗ ପରେ ପହୁଡ଼ ଆଳତି ସରିବା ପରେ ରାତ୍ର 1 ଟାରୁ ଆରମ୍ଭ ହେବ ସ୍ନାନ ନୀତି । ମଙ୍ଗଳାର୍ପଣ ନୀତି ପରେ ଡୋର ଲାଗି ଓ ଧାଡି ପହଣ୍ଡି ଆରମ୍ଭ ହେବ । ସ୍ନାନବେଦିରେ ସକାଳ 5 ଟା ସୁଦ୍ଧା ଚତୁର୍ଦ୍ଧା ବିଗ୍ରହ ବିରାଜମାନ କରିବା ପରେ 9 ଟା ଭିତରେ 108 ଜଳ ଗରାରେ ଦିବ୍ୟ ସ୍ନାନ ନୀତି ଶେଷ ହେବାକୁ ନୀତି ନିର୍ଘଣ୍ଟ କରାଯାଇଥିବା ବେଳେ ଦିନ 11 ଟା ସୁଦ୍ଧା ହାତିବେଶ ବା ଗଜାନନ ବେଶ ଅନୁଷ୍ଠିତ ହେବ ।

ସେପଟେ ବିନା ଭକ୍ତରେ କିଭଳି ସ୍ନାନ ଯାତ୍ରା ସମ୍ପାଦନ ହେବ ସେ ନେଇ ଆଜିଠାରୁ 144 ଧାରା କଟକଣା ଜାରି ରହିବ । ଜୁନ 4 ରାତି 10ରୁ ଜୁନ 6 ଅପରାହ୍ନ ୨ଟା ଯାଏଁ କଟକଣା ରହିବ । ସେପଟେ ଶ୍ରୀମନ୍ଦିରରେ ଭିତରେ କୌଣସି ପୋଲିସ ନିୟୋଜିତ ହେବେ ନାହିଁ କେବଳ ଶ୍ରୀମନ୍ଦିର ବାହାରେ 144 ଧାରା ଜାରି ଅଂଚଳରେ ପୋଲିସ ମୁତୟନ କରାଯିବ ବୋଲି ପୁରୀ ଏସପି ଉମାଶଙ୍କର ଦାସ ସୂଚନା ଦେଇଛନ୍ତି ।

  • Tags:

Subscribe

National International State Sports Entertainment