ଦିଲ୍ଲୀ: ହସଖୁସିରେ ଚାଲିଥିଲା ହୋଲି ହେଲେ କିଛି ସମୟ ପରେ ପୁରା ଅଞ୍ଚଳ ରକ୍ତର ଛିଟା ଦେଖିବାକୁ ମିଳିଥିଲା । ଏହିଭଳି ଗୋଟିଏ ଅଭାବନୀୟ ଘଟଣା ଦେଖିବାକୁ ମିଳିଛି ରାଜଧାନୀ ଦିଲ୍ଲୀ ସ୍ଥିତ ଦ୍ୱାରକାରେ । ଗୋୟଲା ଡାଏରୀ ସ୍ଥିତ ଛଠ ଘାଟ ପାର୍କରେ ହୋଲି ପାଳନ କରାଯାଉଥିଲା। ଏହି ସମୟରେ ଏକ ଛୋଟ ବିବାଦ ହାତାହାତିରେ ପରିଣତ ହୋଇଥିଲା ।

ଦିଲ୍ଲୀ ପୋଲିସର କହିବା ଅନୁସାରେ, ରାଜକୁମାର(୩୫) ତାଙ୍କ ବନ୍ଧୁ ରାଜେଶଙ୍କୁ ଭେଟିବା ପାଇଁ ଟ୍ୟାକ୍ସି ଯୋଗେ ପାର୍କକୁ ଯାଇଥିଲେ। ଉତ୍ସବ ପାଳନ ସମୟରେ, କିଛି ହୋଲି ରଙ୍ଗ ଭୁଲବଶତଃ ଜଣେ ଯୁବକଙ୍କ ଉପରେ ପଡ଼ିଗଲା, ଯାହା ଫଳରେ ଉଭୟଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିଲା। କିଛି ସମୟ ମଧ୍ୟରେ ମାମଲାଟି ଆହୁରି ତୀବ୍ର ହୋଇଗଲା। ରାଜୁ କୁମାର ଯୁବକଙ୍କୁ ମାଡ଼ ମାରିବା ପରେ ପରିସ୍ଥିତି ଆହୁରି ଖରାପ ହୋଇଯାଇଥିଲା ।

କିଛି ସମୟ ପରେ, ଯୁବକ ଏବଂ ତାଙ୍କ ସାଙ୍ଗ ମାନେ ମିଶି ରାଜକୁମାର ଏବଂ ରାଜେଶ ଉପରକୁ ଆକ୍ରମଣ କରିଦେଇଥିଲେ । ଝଗଡ଼ା ସମୟରେ, ଆକ୍ରମଣକାରୀମାନେ ରାଜକୁମାରଙ୍କ ଟ୍ୟାକ୍ସି ମଧ୍ୟ ଭଙ୍ଗାରୁଜା କରିଥିଲେ ଏବଂ ଏହାର ଝରକା ଭାଙ୍ଗି ଦେଇଥିଲେ। ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୋଗକାରୀଙ୍କୁ ଚିକିତ୍ସା ନିମନ୍ତେ ଡାକ୍ତରଖାନାକୁ ନେଇଥିଲେ । ପ୍ରାରମ୍ଭରେ ସେ ଅଭିଯୋଗ କରିନଥିଲେ। ତଥାପି, ପରଦିନ ସେ ପୋଲିସ ଷ୍ଟେସନକୁ ଆସି ତାଙ୍କର ବୟାନ ରେକର୍ଡ କରିଥିଲେ।

ସୂଚାନା ଅନୁସାରେ, ଦିଲ୍ଲୀ ପୋଲିସ ଆକ୍ରମଣକାରୀଙ୍କୁ ଚିହ୍ନଟ କରିଛି। ଯେଉଁମାନେ ହେଉଛନ୍ତି ସ୍ଥାନୀୟ ବାସିନ୍ଦା। ଏହି ମାମଲାରେ ତଦନ୍ତ ଚାଲିଛି ଏବଂ ଅଭିଯୁକ୍ତଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରାଯାଉଛି। 

ଅଧିକ ପଢନ୍ତୁ: ହୋଲି ସେଲିବ୍ରେସନରେ ପୋଲିସକୁ ଆରଜେଡ଼ି ବିଧାୟକଙ୍କ ଧମକ; କହିଲେ ନାଚକି ଦେଖାଓ, ‘ନହେଲେ ହେବ ନିଲମ୍ବନ’