ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ଆଦର୍ଶ ଥାନା ପକ୍ଷରୁ ଏକ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏହି ସାମ୍ବାଦିକ ସମ୍ମିଳନୀରେ ପାରଳାଖେମୁଣ୍ଡି ଆଦର୍ଶ ଥାନା ଅଧୀକାରୀ ପ୍ରଶାନ୍ତ ଭୁପତି ଗଣମାଧ୍ୟମକୁ ସୂଚନା ଦେଇଛନ୍ତି ଯେ, ମିନି ଲିମା ନାମକ ମହିଳା ଜଣଙ୍କ ପାରଳାଖେମୁଣ୍ଡି ଥାନା ରେ ଅଭିଯୋଗ ଦେଇଥିଲେ । ତାଙ୍କ ସ୍ବାମୀଙ୍କୁ କେହି ଜଣେ ବ୍ୟକ୍ତି କାର ରେ ଆସି ଅପହରଣ କରି ନେଇଥିଲେ । ତାଙ୍କ ସ୍ବାମୀଙ୍କୁ ଅପହରଣ ପରେ ୩୦ ଲକ୍ଷ ଟଙ୍କା ଦାବି କରିଥିଲେ । ଟଙ୍କା ନ ଦେଲେ ଜୀବନରେ ମାରିଦେବାକୁ ଧମକ ଦେଇଥିଲେ ।
ଏହା ପରେ ସେ ସ୍ବାମୀଙ୍କୁ ମୁକୁଳେଇବା ପାଇଁ ଛଅ ଲକ୍ଷ ଟଙ୍କା ମଧ୍ୟ ଦେଇଥିଲେ ।ପରେ ଟଙ୍କା ଦେବା ପରେ ସ୍ବାମୀ ଙ୍କୁ ନ ପାଇବାରୁ ଥାନାରେ ଅଭିଯୋଗ ଦେଇଥିଲେ । ଅଭିଯୋଗ ପ୍ରକାରେ ପାରଳାଖେମୁଣ୍ଡି ଥାନା ପକ୍ଷରୁ ତଦନ୍ତ ଆରମ୍ଭ କରିଥିଲେ । ତଦନ୍ତ ପରେ ତାଙ୍କ ସ୍ବାମୀଙ୍କୁ ଚିଲିକାର ଗୋଟିଏ ହୋଟେଲ୍ ରୁ ଉଦ୍ଧାର କରିଥିଲା ପୋଲିସ । ଉଦ୍ଧାର କରିବା ପରେ ଜାଣିବାକୁ ପାଇଲା ଯେ, ଏଥିରେ ଚିଲିକା ଅଞ୍ଚଳର ଗୋଟିଏ ବ୍ୟକ୍ତି ପାରଳାଖେମୁଣ୍ଡି ସହର ଏବଂ ପାରଳାଖେମୁଣ୍ଡି ନିକଟସ୍ଥ ଲିଙ୍ଗା ଗାଁର ଚାରି ପାଞ୍ଚ ଜଣ ବ୍ୟକ୍ତି ଏଥିରେ ସମ୍ପୃକ୍ତ ଅଛନ୍ତି । ଏହି ଖବର ଜାଣିବା ପରେ ସେହି ସ୍ଥାନରେ ଚାରିଜଣ ବ୍ୟକ୍ତିଙ୍କୁ ଗିରଫ କରିଛି । ଅଭିଯୁକ୍ତ ମାନେ ହେହେଲେ ଦୀପକ ବେହେରା,କବିରାଜ ମାଳି, ଚୈତନ୍ୟ ମାଳି ,ଶିବାଜୀ ମାଳି ଏହି ଚାରିଜଣ ଧରାପଡିଥିଲେ।
ଏମାନଙ୍କ ମଧ୍ୟରେ ଦୀପକ୍ ମାଳୀ ତେଲି ଡିହ ପାଟଣା ଖଲିକୋଟ ଅଞ୍ଚଳର ର ହୋଇଥିବା ବେଳେ ଅନ୍ୟ ତିନିଜଣ ପାରଳାଖେମୁଣ୍ଡି ର ବୋଲି ଜଣାପଡ଼ିଛି। ଘଟଣା ସ୍ଥଳରୁ ପାଞ୍ଚୋଟି ମୋବାଇଲ ସହ ନକଲି ଟଙ୍କା ତିଆରି ମେସିନ୍ ଜବତ କରିଛି ପୋଲିସ୍ ଓ ଏଥିରେ ପାରଳାଖେମୁଣ୍ଡି ଅଞ୍ଚଳ ଓ ଖଲିକୋଟ ଅଞ୍ଚଳର ଆଉ କିଛି ବ୍ୟକ୍ତି ବିଶେଷ ସମ୍ପୃକ୍ତ ଅଛନ୍ତି ଖୁବଶିଘ୍ର ଧରାପଡିବେ ବୋଲି ପାରଳାଖେମୁଣ୍ଡି ଆଇଆଇସି ସୂଚନା ଦେଇଛନ୍ତି।