ବନ୍ଧୁକ ଦେଖାଇ ଗହଣା ଦୋକାନରୁ ଲୁଟିବାକୁ ଉଦ୍ୟମ କଲେ ଦୁର୍ବୁତ୍ତ । ଲୋକଙ୍କୁ ଭୟଭୀତ କରାଇ ଲୁଟିବାକୁ ଉଦ୍ୟମ କରିଥିଲେ କିଛି ଦୁର୍ବୁତ୍ତ । ଲୁଟେରା ଯେଉଁ ଯୋଜନା ପାଞ୍ଚି ଦୋକାନରେ ଲୁଟ କରିବାକୁ ଉଦ୍ୟମ କରିଥିଲେ ତାଙ୍କର ସବୁ ଯୋଜନା ଭାଙ୍ଗି ଚୁରମାର ହୋଇଯାଇଛି । 

ସୂଚନା ଅନୁସାରେ, ଦୋକାନ ନିକଟରେ ଥିବା ଲୋକେ ଜଣେ ବନ୍ଧୁଧାରୀଙ୍କୁ କାବୁ କରିଥିବା ବେଳେ ୩ ଜଣ ଫେରାର ହୋଇ ଯାଇଛନ୍ତି । ଏପରି ଏକ ଘଟଣା ଷ୍ଟିଲ ସିଟି ରାଉରକେଲାରେ ଗତ ରାତିରେ ଘଟିଛି। ରାଉରକେଲାର ହାଇ ପ୍ରୋଫାଇଲ ଉଦିତନଗର ଥାନା ଅଞ୍ଚଳରେ ଥିବା ଏକ ଗହଣା ଦୋକାନରେ ଗତ ରାତି ପ୍ରାୟ ୧୦ଟା ବେଳେ ୪ ବନ୍ଧୁକଧାରୀ ଲୁଟେରା ପଶିଥିଲେ। ଉକ୍ତ ସମୟରେ ଦୋକାନରେ ଅଳ୍ପ ଗ୍ରାହକ ଥିବା ବେଳେ କର୍ମଚାରୀ ଥିଲେ। ଦୁର୍ବୃତ୍ତମାନେ ବନ୍ଧୁକ ଦେଖାଇ ସମସ୍ତଙ୍କୁ ଭୟଭୀତ କରିବା ସହ ଗହଣା ଲୁଟିବାକୁ ଉଦ୍ୟମ କରିଥିଲେ। ମାତ୍ର ଉକ୍ତ ସମୟରେ ଦୋକାନ ବାହାରେ ଥିବା କିଛି ଲୋକ ଜଣେ ଦୁର୍ବୃତ୍ତଙ୍କୁ କାବୁ କରିଥିଲେ। ଏହାଦେଖି ଅନ୍ୟ ୩ ଜଣ ସେଠାରୁ ଖସି ପଳାଇଥିଲେ। ବେଳର ସମସ୍ତ ଚିତ୍ର ସିସିଟିଭିରେ କଏଦ ହୋଇଛି ।