ବଲାଙ୍ଗୀର ଜିଲ୍ଲା ଟିଟିଲାଗଡ଼ ଏବଂ କଣ୍ଟାବାଞ୍ଜି ପୋଲିସ କୁ ମିଳିଲା ବଡ଼ ସଫଳତା । ଲଗାତାର ଗଂଜେଇ ଚୋରା ଚାଲାଣ ବେଳେ କାବୁ କଲା ପୋଲିସ । ଗାଡି ସହ ଡ୍ରାଇଭର ସମେତ ପାଞ୍ଚ ଜଣ କୁ ଗିରଫ କରିଛି ପୋଲିସ । ଏନେଇ ଏକ ବୋଲେରୋ ଗାଡି, ଏକ ପିକଅପ ଭ୍ୟାନ ସହ ପାଞ୍ଚ ଗୋଟି ମୋବାଇଲ ଫୋନ ବି ଜବତ କରିଛି ।
ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ଯେ ଗଂଜେଇ ଚୋରା ଚାଲାଣ ରେ ଜଣେ ସରକାରୀ ପ୍ରାଥମିକ ବିଦ୍ୟାଳୟ ର ଶିକ୍ଷକ ଏବଂ ବଙ୍ଗୋମୁଣ୍ଡା ର ଜନୈକ କପଡା ବ୍ୟବସାୟି ମାଷ୍ଟର ମାଇଣ୍ଡ ସାଜିଥିଲେ । ଏନେଇ ବଲାଙ୍ଗୀର ଏସ ପି ଋଷିକେଶ ଖିଲାରୀ ଏକ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି । ବାଲିଗୁଡା ଅଂଚଳ ରୁ ଦୁଇ ଗୋଟି ଚାରିଚକିଆ ଗାଡି ରେ ଗଂଜେଇ ଚୋରା ଚାଲାଣ ହୋଇ ବଲାଙ୍ଗୀର ଜିଲ୍ଲା ଦେଇ ଛତିଶଗଡ ରାଜ୍ୟ କୁ ଚାଲାଣ ହେଉଥିବା ନେଇ ବଲାଙ୍ଗୀର ଜିଲ୍ଲା ପୋଲିସ କଡା ନାକା ବନ୍ଦୀ କରିଥିଲା । ଏକ ପିକଅଫ ଭ୍ୟାନ ରେ ଗଂଜେଇ ଭର୍ତି ହୋଇଥିବା ବେଳେ ଗାଡି ଭିତରେ ସ୍ୱତନ୍ତ୍ର କେବିନ କରାଯାଇଥିଲା। ଗାଡି ଉପରେ ମାଳ ମାଳ କପଡା ରହିଥିଲା । ବଙ୍ଗୋମୁଣ୍ଡା ର କପଡା ବ୍ୟବସାୟୀ ବୁଦ୍ଧି ସାଗର ମେହେର ଗଂଜେଇ କାରବାର ର ମାଷ୍ଟର ମାଇଣ୍ଡ ଥିବା ବେଳେ ଗାଡ଼ିରୁ ୨ କୁଇଣ୍ଟାଲ ୪୩ କେଜି ଗଂଜେଇ ଜବତ ହୋଇଥିଲା । ଠିକ ସେହିଭଳି କଣ୍ଟାବାଞ୍ଜି ପୋଲିସ ହାତରେ ଲାଗିଥିବା ବୋଲେରୋ ଗାଡି ରେ ୯୪ କେଜି ଗଂଜେଇ ଠାବ ହୋଇଥିଲା । ଏ ନେଇ ଜଣେ ଶିକ୍ଷକ ସମେତ ନୀଳ କଣ୍ଠ ମହାନନ୍ଦ, ପୂର୍ଣ୍ଣ ବେସରା, ପ୍ରଶାନ୍ତ ନାଏକ, ରାଜୁ ରଣା ନାମକ ଗଂଜେଇ ବ୍ୟବସାୟୀ ଙ୍କୁ ପୋଲିସ ଗିରଫ କରି ଆଜି କୋର୍ଟ ଚାଲାଣ କରାଯିବ ବୋଲି ଏସ ପି ରିଶୀକେଶ ଖିଲାରୀ କହିଛନ୍ତି ।