ସଂସ୍କାର ପବ୍ଲିକ ସ୍କୁଲରେ ପଞ୍ଚମ ବାର୍ଷିକ ଉତ୍ସବ । ଢେଙ୍କାନାଳ ଜିଲ୍ଲା କଙ୍କଡାହାଡ଼ ବ୍ଲକ ଅନ୍ତର୍ଗତ ରହଣି ଠାରେ ଥିବା ସଂସ୍କାର ପବ୍ଲିକ ସ୍କୁଲ ର ପଞ୍ଚମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l ବିଦ୍ୟାଳୟର ଅଧ୍ୟକ୍ଷ ଶାନ୍ତନୁ ଚାଟାର୍ଜୀ ଙ୍କ ଅଧ୍ୟକ୍ଷତା ରେ ଆୟୋଜିତ ଏହି ଉତ୍ସବ ରେ ମୁଖ୍ୟ ଅତିଥି ଭାବେ କଟକ ବଡ଼ମେଡିକାଲର ପ୍ରଫେସର ଡ଼ ରବିନାରାୟଣ ପଣ୍ଡା ଯୋଗ ଦେଇ ଆଜିର ସମାଜ ରେ ଛାତ୍ର, ଛାତ୍ରୀ ଗଢିତୋଳିବା ଉପରେ ବିଦ୍ୟାଳୟ ର ମହତ୍ୱ ଉପରେ ଆଲୋକପାତ କରିଥିଲେ l
ଆଜିର ପିଲାମାନେ ଭଲଶିକ୍ଷା ସହ ନିଜର ସଂସ୍କୃତି କୁ ପ୍ରାଧାନ୍ୟ ଦେଇ ଆଗାମୀ ଦିନ ରେ ଗୌରବମୟ ଭାରତ ଗଠନ କରିବାରେ ସହାୟକ ହେବା ନେଇ ଉପସ୍ଥିତ ଛାତ୍ର, ଛାତ୍ରୀ ଙ୍କୁ ଉପଦେଶ ଦେଇଥିଲେ l ଏହି ଅବସରରେ ଓଡ଼ିଆ ଫିଲ୍ମ ଜଗତ ର ଚର୍ଚ୍ଚିତ ଯୋଡି ସବ୍ୟସାଚୀ ଓ ଅର୍ଚିତା ମୁଖ୍ୟ ବକ୍ତା ଭାବେ ଯୋଗ ଦେଇ ଆଦିବାସୀ ଅଧ୍ୟୁଷିତ କଙ୍କଡାହାଡ଼ ବ୍ଲକ ରେ ଏପରି ବିଦ୍ୟାଳୟ ନିର୍ମାଣ ହୋଇଥିବା ଯୋଗୁ ଖୁସିବ୍ୟକ୍ତ କରିଥିଲେ l ପରିଶେଷରେ ବିଦ୍ୟାଳୟ ର ବିଭିନ୍ନ ପ୍ରତିଯୋଗିତା ରେ କୃତିତ୍ୱ ଅର୍ଜନ କରିଥିବା ଛାତ୍ର, ଛାତ୍ରୀ ଙ୍କୁ ପୁରସ୍କୃତ କରାଯାଇଥିବା ବେଳେ ମନୋରଞ୍ଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଛାତ୍ରଛାତ୍ରୀ ମାନଙ୍କ ସୁନ୍ଦର ନୃତ୍ୟ କାର୍ଯ୍ୟକ୍ରମ ଦର୍ଶକଙ୍କ ମନ ମୋହିଥିଲା ।