ବାଲେଶ୍ୱର : ରବିବାର ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା କୁଳିଗାଁରେ ଏକ ଦୁଃଖଦ ଘଟଣା ଘଟିଛି । ପ୍ରଭୁ ଗଣେଶଙ୍କ ମୂର୍ତ୍ତି ଭସାଣିବେଳେ ପୋଖରୀରେ ଦୁଇ ଭାଇ ବୁଡି ଯାଇଥିଲେ । ଏହି ଘଟଣାରେ ବଡ଼ ଭାଇର ମୃତ୍ୟୁ ହୋଇଥିବାବେଳେ ସାନ ଭାଇ ଗୁରୁତର ହୋଇଛି  ।  ଗୁରୁତର ଅବସ୍ଥାରେ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, କୁଳିଗାଁରେ ଶନିବାର ପ୍ରଭୁ ଗଣେଶଙ୍କ ପୂଜା ବେଶ ଧୂମଧାମରେ ପାଳନ କରାଯାଇଥିଲା । ଆଜି ପ୍ରଭୁ ଗଣେଶଙ୍କ ବିସର୍ଜନ କରିବା ପାଇଁ ସବୁ ବ୍ୟବସ୍ଥା କରାଯିବା ସହିତ ସମସ୍ତେ ହସଖୁସିରେ ଥିଲେ । କିନ୍ତୁ ଏହି ସମୟରେ ଏହି ହସଖୁସି ଦୁଃଖରେ ପରିଣତ ହୋଇଗଲା । ଭସାଣି ଦୁଇ ଭାଇଙ୍କ ପାଇଁ ସାଜିଲା କାଳ । ଗଣେଶଙ୍କ ମୂର୍ତ୍ତି ଭସାଣିବେଳେ ଦୁଇ ଭାଇ ପୋଖରୀରେ ବୁଡି ଯାଇଥିଲେ । ସ୍ଥାନୀୟ ଲୋକ, ତୁରନ୍ତ ଗ୍ରାମବାସୀ ସେମାନଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ସେମାନଙ୍କ ମଧ୍ୟରୁ ବଡ଼ ଭାଇର ମୃତ୍ୟୁ ହେବା ସହିତ ସାନ ଭାଇର ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ବାଲେଶ୍ବର ମେଡିକାଲ ସ୍ଥାନାନ୍ତର କରାଯାଇଛି । ଏହି ଘଟଣାରେ ଗାଁ ଓ ପରିବାରରେ ଶୋକାକୁଳ ପରିବେଶ ସୃଷ୍ଟି ହୋଇଛି ।  ହସଖୁସିର ସମୟ କିଛି ସମୟ ମଧ୍ୟରେ କାନ୍ଦ ବୋବାଳିରେ ଫାଟି ପଡିଥିଲା ।