ମିଜୋରାମ୍‌: ଭାରତର ଉତ୍ତର-ପୂର୍ବରେ ଅବସ୍ଥିତ ଏକ ଛୋଟ ରାଜ୍ୟ ହେଉଛି ମିଜୋରାମ୍‌, ଯାହା ଏବେ ଐତିହାସିକ ରେକର୍ଡ ସୃଷ୍ଟି କରିଛି। ଶିକ୍ଷାକ୍ଷେତ୍ରରେ ଏହା ଏବେ ଉଲ୍ଲେଖନୀୟ ସଫଳତା ହାସଲ କରିଛି। ବତ୍ତର୍ମାନ ଦେଶର ଅଧିକାଂଶ ଅଞ୍ଚଳ ଯେତେବେଳେ ସ୍ୱାକ୍ଷରତାର ମୈଳିକସ୍ତରରେ ପହଞ୍ଚିବାକୁ ସଂଘର୍ଷ କରୁଛି, ସେତେବେଳେ ଦେଶର ଏଇ ରାଜ୍ୟ ମିଜୋରାମ୍ ୯୮% ସ୍ୱାକ୍ଷରତାର ସହ ମାଇଲଖୁଣ୍ଟ ସ୍ଥାପନ କରିଛି। କେରଳ ସମତେ ସବୁ ରାଜ୍ୟକୁ ପଛରେ ପକାଇ ପୂର୍ଣ୍ଣ ସ୍ୱାକ୍ଷର ରାଜ୍ୟ ପାଲଟିଛି। କେନ୍ଦ୍ର ଶିକ୍ଷା ମନ୍ତ୍ରଣାଳୟ ୨୦ ମଇ(ମଙ୍ଗଳବାର)ରେ ମିଜୋରାମକୁ ପୂର୍ଣ୍ଣ ସ୍ୱାକ୍ଷର ରାଜ୍ୟ ଭାବେ ଘୋଷଣା କରିଛି। 

ନୂତନ ସାକ୍ଷରତା ମିଶନ ଅଧୀନରେ, ଯେକୌଣସି ରାଜ୍ୟକୁ ୯୭ ପ୍ରତିଶତ ସାକ୍ଷରତା ହାସଲ କରିବା ପରେ ପୂର୍ଣ୍ଣ ସାକ୍ଷର ଘୋଷଣା କରାଯାଏ। ଏହାର ଅର୍ଥ ହେଉଛି ଏବେ ମିଜୋରାମ ରାଜ୍ୟରେ କେହି ନିରକ୍ଷର ନାହାଁନ୍ତି। ରାଜ୍ୟର ପ୍ରତ୍ୟେକ ବ୍ୟକ୍ତି (୧୫ ବର୍ଷରୁ ଅଧିକ) ଏବେ ପଢ଼ି ଏବଂ ଲେଖି ପାରିବେ। କେନ୍ଦ୍ର ଶିକ୍ଷା ମନ୍ତ୍ରଣାଳୟ ଅନୁଯାୟୀ, ମିଜୋରାମ ULLAS ଅର୍ଥାତ୍ ନବଭାରତ ସାକ୍ଷରତା କାର୍ଯ୍ୟକ୍ରମ ଅଧୀନରେ ଏହି ସଫଳତା ହାସଲ କରିଛି। କେନ୍ଦ୍ର ସରକାରଙ୍କ ଏହି ଯୋଜନା ଲକ୍ଷ ଲକ୍ଷ ଲୋକଙ୍କୁ ସାକ୍ଷର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।

ରିପୋର୍ଟ ଅନୁଯାୟୀ, ୨୦୧୧ ଜନଗଣନାରେ ଦେଶର ସାକ୍ଷରତା ହାର ୭୯.୦୪ ପ୍ରତିଶତ ଥିଲା। ୨୦୧୧ ଜନଗଣନାରେ, ମିଜୋରାମର ସାକ୍ଷରତା ହାର ୯୧.୩୩% ଥିଲା, ଯାହା ଦେଶରେ ତୃତୀୟ ଥିଲା। ସେହି ସମୟରେ, ULLAS ଯୋଜନା ଅଧୀନରେ, ୨୦୨୩ ମସିହାରେ ସମଗ୍ର ରାଜ୍ୟରେ ଏକ ସର୍ଭେ କରାଯାଇଥିଲା। ଯେଉଁଥିରେ ନିରକ୍ଷର ଲୋକଙ୍କୁ ଚିହ୍ନଟ କରାଯାଇଥିଲା, ଯେଉଁମାନେ ଶିକ୍ଷା ପ୍ରତି ପ୍ରେରିତ ହୋଇଥିଲେ ଏବଂ ସେମାନଙ୍କୁ ଏଥିପାଇଁ ଉତ୍ସାହିତ କରିବା ପାଇଁ ଏକ ଅଭିଯାନ ଆରମ୍ଭ କରାଯାଇଥିଲା। ଏହା ପରେ ଲୋକମାନେ ଅଧ୍ୟୟନ ଆରମ୍ଭ କଲେ। ବର୍ତ୍ତମାନ ମିଜୋରାମର ସାକ୍ଷରତା ହାରରେ ଏକ ଉଲ୍ଲେଖନୀୟ ବୃଦ୍ଧି ଘଟିଛି ଏବଂ ମିଜୋରାମର ସାକ୍ଷରତା ହାର ୯୮.୨୦%ରେ ପହଞ୍ଚିଛି। ଏଥିସହ ମିଜୋରାମ ଏବେ ଦେଶର ପ୍ରଥମ ପୂର୍ଣ୍ଣ ସ୍ୱାକ୍ଷର ଲକ୍ଷ୍ୟ ହାସଲ କରିଛି।