ତାମିଲନାଡ଼ୁ: ଶ୍ରୀଲଙ୍କା ତଟରକ୍ଷୀ ବାହିନୀ ଦ୍ୱାରା ଗିରଫ ହୋଇଥିବା ୧୧ ଜଣ ମତ୍ସଜୀବି ଏବେ ତାମିଲନାଡୁ ଫେରିଛନ୍ତି। ଏହି ୧୧ ମତ୍ସଜୀବି ଅନ୍ତର୍ଜାତୀୟ ସାମୁଦ୍ରିକ ସୀମା ରେଖା (IMBL) ପାର କରିବା ଅଭିଯୋଗରେ ଶ୍ରୀଲଙ୍କା ଜେଲରେ ସଜ୍ଜା କାଟୁଥିଲେ। ସେମାନେ ସମୁଦ୍ର ମଝିରେ ସୀମା ପାର କରିବାରୁ ଶ୍ରୀଲଙ୍କା ତଟରକ୍ଷୀ ବାହିନୀ ସେମାନଙ୍କୁ ଘେରି ଯାଇଥିଲେ ଏବଂ ସେମାନଙ୍କ ଡଙ୍ଗାଗୁଡ଼ିକୁ ଜବତ କରିଥିଲେ। ସମସ୍ତଙ୍କୁ ଗିରଫ କରାଯାଇ ବିଚାର ବିଭାଗୀୟ ହାଜତକୁ ପଠାଇ ଜେଲକୁ ପଠାଯାଇଥିଲା। ଏହା ପରେ ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ କେନ୍ଦ୍ର ସରକାରଙ୍କୁ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରିଥିଲେ। 

ଶ୍ରୀଲଙ୍କାରେ ଥିବା ଭାରତୀୟ ଦୂତାବାସ ସହାୟତାରେ, ସମସ୍ତ ୧୧ ଜଣ ମତ୍ସ୍ୟଜୀବୀଙ୍କୁ ଜେଲରୁ ମୁକ୍ତ କରାଯାଇ ୧୪ ମଇରେ ଭାରତୀୟ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା। ଅଧିକାରୀମାନେ ମତ୍ସ୍ୟଜୀବୀଙ୍କ ପାଇଁ ଯାତ୍ରା ଡକ୍ୟୁମେଣ୍ଟ ବ୍ୟବସ୍ଥା କରିଥିଲେ ଏବଂ ସେମାନେ ଏୟାର ଇଣ୍ଡିଆର ଏକ ବିମାନ ଯୋଗେ ବୁଧବାର ରାତିରେ ତାମିଲନାଡୁରେ ପହଞ୍ଚିଛନ୍ତି। ଚେନ୍ନାଇ ବିମାନବନ୍ଦରରେ ପହଞ୍ଚିବା ପରେ, ତାମିଲନାଡୁ ମତ୍ସ୍ୟ ବିଭାଗର ଅଧିକାରୀମାନେ ତାଙ୍କୁ ସ୍ୱାଗତ କରିଥିଲେ ଏବଂ ରାମେଶ୍ୱରମକୁ ପରିବହନର ବ୍ୟବସ୍ଥା କରିଥିଲେ।

ଅଧିକ ପଢନ୍ତୁ: ସ୍ୱାକ୍ଷରତାରେ କେରଳକୁ ପଛରେ ପକାଇଲା ମିଜୋରାମ୍; ଶିକ୍ଷାକ୍ଷେତ୍ରରେ ନୂଆ ଅଧ୍ୟାୟ ସୃଷ୍ଟି କରି ପାଲଟିଲା ଦେଶର ପ୍ରଥମ ପୂର୍ଣ୍ଣ ସ୍ୱାକ୍ଷର ରାଜ୍ୟ