ନୂଆଦିଲ୍ଲୀ: ଚଳିତ ବର୍ଷ ସାଧାରଣତନ୍ତ୍ର ଦିବସ ସମାରୋହରେ ମୁଖ୍ୟ ଅତିଥି ଭାବେ ଯୋଗ ଦେବାକୁ ଇଣ୍ଡୋନେସିଆ ରାଷ୍ଟ୍ରପତି ପ୍ରବୋଓ ସୁବିଆଣ୍ଟଙ୍କୁ ଭାରତ ନିମନ୍ତ୍ରଣ କରିଛି। ତାଙ୍କର ଏହି ଗସ୍ତ ସମ୍ପର୍କରେ କୌଣସି ସମୟରେ ଆନୁଷ୍ଠାନିକ ଘୋଷଣା ଆଶା କରାଯାଉଛି। ଇଣ୍ଡୋନେସିଆ ରାଷ୍ଟ୍ରପତି ପ୍ରବୋଓ ସୁବିଆଣ୍ଟୋ ଦିଲ୍ଲୀ ଗସ୍ତ ପରେ ପାକିସ୍ତାନ ଗସ୍ତ ନ କରିବାକୁ ନିଷ୍ପତ୍ତି ନେଇଥିବା କୁହାଯାଉଛି। ସାଧାରଣତନ୍ତ୍ର ଦିବସରେ ଭାରତ ଗସ୍ତରେ ଆସୁଥିବା ପ୍ରବୋଙ୍କ ପାକିସ୍ତାନ ଗସ୍ତ ସ୍ଥଗିତ ହୋଇପାରେ।

ଚଳିତ ବର୍ଷ ସାଧାରଣତନ୍ତ୍ର ଦିବସ ପରେଡ୍‌ରେ ସୁବିଆଣ୍ଟୋ ସମ୍ମାନିତ ଅତିଥି ଭାବେ ଯୋଗଦେବେ। ୧୯୫୦ ପରଠାରୁ ଚତୁର୍ଥ ଥର ପାଇଁ ଇଣ୍ଡୋନେସିଆର ରାଷ୍ଟ୍ରପତି ଭାରତର ସାଧାରଣତନ୍ତ୍ର ଦିବସରେ ରାଜ୍ୟ ଅତିଥି ଭାବେ ଯୋଗ ଦେବେ। ଇଣ୍ଡୋନେସିଆ ସହ ଭାରତର ବହୁ ପୁରୁଣା ସାଂସ୍କୃତିକ ଓ ଐତିହାସିକ ସମ୍ପର୍କ ରହିଛି। 

ନିକଟରେ ଜି-୨୦ ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁବିଅନ୍ତୋଙ୍କ ସହ ଦ୍ୱିପାକ୍ଷିକ ବୈଠକ କରିଥିଲେ। ଭାରତ ଗସ୍ତ ପରେ ଇଣ୍ଡୋନେସିଆ ରାଷ୍ଟ୍ରପତି ମାଲେସିଆ ଗସ୍ତ କରିବେ। ନିକଟରେ ପାକିସ୍ତାନୀ ଗଣମାଧ୍ୟମରେ ଖବର ପ୍ରକାଶ ପାଇଥିଲା ଯେ ଇଣ୍ଡୋନେସିଆ ରାଷ୍ଟ୍ରପତି ଭାରତ ଗସ୍ତ ପରେ ସିଧାସଳଖ ପାକିସ୍ତାନ ଯିବେ। ବିଦେଶୀ ଅତିଥିମାନଙ୍କୁ ନିଜ ଅଞ୍ଚଳରୁ ସିଧାସଳଖ ପାକିସ୍ତାନ ନଯିବାକୁ ଅନୁରୋଧ କରିବା ଭାରତର କୂଟନୀତି। 

ପୂର୍ବରୁ ଆମେରିକା ଓ ଉପସାଗରୀୟ ଦେଶର ପ୍ରଶାସକମାନେ ଏକାଠି ଭାରତ ଓ ପାକିସ୍ତାନ ଗସ୍ତ କରୁଥିଲେ। କିନ୍ତୁ ଭାରତ ଏବେ ଏହାକୁ ବିରୋଧ କରୁଛି। ବୋଧହୁଏ ଭାରତର ଅନୁରୋଧକୁ ଦୃଷ୍ଟିରେ ରଖି ଇଣ୍ଡୋନେସିଆ ରାଷ୍ଟ୍ରପତି ପାକିସ୍ତାନ ନଯିବାକୁ ନିଷ୍ପତ୍ତି ନେଇଛନ୍ତି।

ଫିଲିପାଇନ୍ସ ପରେ ଇଣ୍ଡୋନେସିଆ ହେଉଛି ଚୀନର ଦ୍ୱିତୀୟ ପଡ଼ୋଶୀ ଦେଶ ଯିଏ କି ଭାରତ ନିର୍ମିତ ବ୍ରହ୍ମୋସ୍ କ୍ଷେପଣାସ୍ତ୍ରର କ୍ଷମତା ରଖିଛି। ଭାରତ ଓ ଇଣ୍ଡୋନେସିଆ ସରକାରଙ୍କ ମଧ୍ୟରେ ଦୀର୍ଘ ଦିନ ଧରି କଥାବାର୍ତ୍ତା ଚାଲିଥିବା ବେଳେ ଏବେ ଆଲୋଚନା ଅନ୍ୟ ସ୍ତରରେ ପହଞ୍ଚିଛି।

ପ୍ରଥମେ ବ୍ରହ୍ମୋସ୍‌ର ଦାମ୍କୁ ନେଇ ଚିନ୍ତିତ ଥିବା ଇଣ୍ଡୋନେସିଆ ସରକାରଙ୍କ ପ୍ରତିରକ୍ଷା ମନ୍ତ୍ରଣାଳୟ ଏ ନେଇ କିଛି କହିବାକୁ ରାଜି ହୋଇଛି। ଭାରତୀୟ ପକ୍ଷ ମଧ୍ୟ ଇଣ୍ଡୋନେସିଆ ପକ୍ଷକୁ ଆଶ୍ୱାସନା ଦେଇଛି ଯେ ସେମାନେ ଖର୍ଚ୍ଚ ବିଷୟରେ ଏହାର ଭାବନାକୁ ବିଚାରକୁ ନେବେ। ଅତି ସହଜରେ ଋଣ ଯୋଗାଇଦେବା ପାଇଁ ମଧ୍ୟ ଭାରତ ବ୍ୟବସ୍ଥା କରିବାକୁ ପ୍ରସ୍ତୁତ ଅଛି।

ଅଧିକ ପଢ଼ନ୍ତୁ: ମହାକାଶରେ ଆଉ ଏକ ରେକର୍ଡ କରିବ ଭାରତ!