ନୂଆଦିଲ୍ଲୀ: ଭାରତୀୟ ବଂଶୋଦ୍ଭବ ସାଂସଦ ଚନ୍ଦ୍ର ଆର୍ଯ୍ୟ କାନାଡାର ପ୍ରଧାନମନ୍ତ୍ରୀ ପଦ ପାଇଁ ଦାବି ଉପସ୍ଥାପନ କରିଛନ୍ତି। ଜଷ୍ଟିନ ଟ୍ରୁଡୋ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବାର କିଛି ଦିନ ପରେ ଆର୍ଯ୍ୟ ଗୁରୁବାର ଏହି ପଦ ପାଇଁ ତାଙ୍କର ପ୍ରାର୍ଥିପତ୍ର ଘୋଷଣା କରିଛନ୍ତି। 

ଆର୍ଯ୍ୟ କହିଛନ୍ତି, ମୁଁ କାନାଡାର ପରବର୍ତ୍ତୀ ପ୍ରଧାନମନ୍ତ୍ରୀ ହେବା ପାଇଁ ମୋ ଦେଶର ପୁନଃ ନିର୍ମାଣ ଏବଂ ଭବିଷ୍ୟତ ପିଢ଼ି ପାଇଁ ସମୃଦ୍ଧି ସୁନିଶ୍ଚିତ କରିବା ପାଇଁ ଦୌଡ଼ରେ ଅଛି। ଆମେ ସମସ୍ୟାର ସମ୍ମୁଖୀନ ହେଉଛୁ। ଏସବୁ ସମସ୍ୟାର ସମାଧାନ ପାଇଁ ସାହସିକ ନିଷ୍ପତ୍ତି ନେବାକୁ ପଡ଼ିବ। ଯେଉଁ ନିଷ୍ପତ୍ତି ଆମ ଅର୍ଥନୀତିକୁ ପୁନର୍ଜୀବିତ କରିବ। ସମସ୍ତ କାନାଡାବାସୀଙ୍କ ପାଇଁ ସମାନ ସୁଯୋଗ ସୃଷ୍ଟି କରନ୍ତୁ।

ମୂଳତଃ ଭାରତର କର୍ଣ୍ଣାଟକର ତୁମକୁର ଜିଲ୍ଲାର ବାସିନ୍ଦା ଆର୍ଯ୍ୟ ୨୦୦୬ମସିହାରେ କାନାଡା ଚାଲି ଆସିଥିଲେ। ଆର୍ଯ୍ୟ ୨୦୧୫ କାନାଡା ଫେଡେରାଲ ନିର୍ବାଚନରେ ସାଂସଦ ଭାବେ ନିର୍ବାଚିତ ହୋଇଥିଲେ। ୨୦୧୯ ଓ ୨୦୨୧ରେ ପୁଣି ଥରେ ନିର୍ବାଚନ ଜିତିଥିଲେ।

୨୦୨୨ରେ ଆର୍ଯ୍ୟ ପ୍ରଥମ ସାଂସଦ ଭାବେ କାନାଡାର ହାଉସ୍ ଅଫ୍ କମନ୍ସକୁ ନିଜ ମାତୃଭାଷା କନ୍ନଡରେ ସମ୍ବୋଧିତ କରିଥିଲେ। ଦଳ ଉତ୍ତରାଧିକାରୀ ଚୟନ କରିବା ପରେ ସେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବେ ବୋଲି ସୋମବାର ଦିନ ଜଷ୍ଟିନ ଟ୍ରୁଡୋ ଘୋଷଣା କରିଛନ୍ତି। ଟ୍ରୁଡୋଙ୍କ କାର୍ଯ୍ୟକାଳ ସମୟରେ ଭାରତ ସହ କାନାଡାର ସମ୍ପର୍କ ତିକ୍ତ ହୋଇଥିଲା। ଖାଲିସ୍ତାନ ପ୍ରସଙ୍ଗର ମୁକାବିଲା କରିବାରେ ମଧ୍ୟ ଟ୍ରୁଡୋ ବିଫଳ ହୋଇଥିଲେ। 

ଅଧିକ ପଢ଼ନ୍ତୁ: ମୁସଲମାନ ଦେଶରେ ଚାପା ଉତ୍ତେଜନା ଜାରି