ତିନି ବର୍ଷ ତଳେ ମହିଳାଙ୍କୁ ଅପହରଣ କରିଥିବା ହମାସର ଆତଙ୍କବାଦୀକୁ ହତ୍ୟା କଲା ଇସ୍ରାଏଲ। ଏହା ସହିତ  ହମାସଠାରୁ ନିଜର ପୁରୁଣା ବଦଲା ନେଇଛି। ଇସ୍ରାଏଲ୍ ଡିଫେନ୍ସ ଫୋର୍ସେସ୍ (IDF) ଏବଂ ସିନ୍ ବେଟ୍ 'ଲାହାଭ୍ ୪୩୩' ର 'ଗିଦୋନିମ୍ ୟୁନିଟ୍ ୩୩' ସହ ମିଳିତ କାର୍ଯ୍ୟାନୁଷ୍ଠାନରେ ୭ ଅକ୍ଟୋବର, ୨୦୨୩ ରେ ନୋଆ ଅର୍ଗାମାନୀଙ୍କ ଅପହରଣରେ ସାମିଲ ଜଣେ ଆତଙ୍କବାଦୀକୁ ମାରି ଗିରାଇଛନ୍ତି। ସେନା ଏବଂ ସିନ୍ ବେଟ୍ ରବିବାର ଦିନ ଏକ ମିଳିତ ବିବୃତି ଜାରି କରି ଏହି ସୂଚନା ଦେଇଛନ୍ତି। ନିହତ ଆତଙ୍କବାଦୀର ପରିଚୟ ନିଦାଲ୍ ଲତିଫୀ ସାକର୍ ଭାବେ ହୋଇଛି।

IDF ଅନୁଯାୟୀ, ସାକର୍ 'ନୋଭା ମ୍ୟୁଜିକ୍ ଫେଷ୍ଟିଭାଲ୍'ରୁ ନୋଆ ଅର୍ଗାମାନୀ ଏବଂ ଅବିନାତନ୍ ଓର୍ଙ୍କୁ ଅପହରଣ କରିବା ପରେ ମୋଟରସାଇକେଲ୍ରେ ଗାଜା ନେଇଯାଇଥିଲା। ତା’ର ଭିଡିଓ ରେକର୍ଡ କରାଯାଇଥିଲା। ସେନା ଜଣାଇଛି ଯେ ସାକର୍ ଗାଜା ଷ୍ଟ୍ରିପ୍ରେ ସକ୍ରିୟ ଏକ ଗ୍ଲୋବାଲ୍ ଜିହାଦୀ ସଂଗଠନ ସହ ଜଡ଼ିତ ଥିଲା।

ସେନା ପକ୍ଷରୁ ଜାରି ବିବୃତିରେ କୁହାଯାଇଛି ଯେ ସେ ପୂରା ଯୁଦ୍ଧ ସମୟରେ ହମାସକୁ ଅସ୍ତ୍ରଶସ୍ତ୍ର ଯୋଗାଇଥିଲା। ସାଥୀରେ ସୈନିକ ଏବଂ ଇସ୍ରାଏଲୀ ନାଗରିକଙ୍କ ଉପରେ ଆକ୍ରମଣ ମଧ୍ୟ କରିଥିଲା।

ଇସ୍ରାଏଲ୍ ଡିଫେନ୍ସ ଫୋର୍ସ ଅପହରଣର ଭିଡିଓ କଲା ଜାରି

ଇସ୍ରାଏଲ୍ ଡିଫେନ୍ସ ଫୋର୍ସ ପକ୍ଷରୁ X (ପୂର୍ବରୁ ଟ୍ୱିଟର୍) ରେ କରାଯାଇଥିବା ପୋଷ୍ଟରେ କୁହାଯାଇଛି ଯେ ନିଦାଲ୍ ଲତିଫୀ ସାକର୍, ଜଣେ ଆତଙ୍କବାଦୀ ଅପରେଟିଭ୍ ଯିଏ ଗାଜାରେ କାମ କରୁଥିବା ଗ୍ଲୋବାଲ୍ ଜିହାଦୀ ସଂଗଠନଗୁଡ଼ିକ ସହ ଜଡ଼ିତ। ଅନ୍ୟାନ୍ୟ କାର୍ଯ୍ୟକଳାପ ବ୍ୟତୀତ, ସେ ଯୁଦ୍ଧ ସମୟରେ ହମାସକୁ ଅସ୍ତ୍ରଶସ୍ତ୍ର ସପ୍ଲାଇ କରିଥିଲା।

ବିବୃତିରେ କୁହାଯାଇଛି ଯେ ସାକର୍ ୭ ଅକ୍ଟୋବର ନରସଂହାର ସମୟରେ ଇସ୍ରାଏଲ୍ରେ ଅନୁପ୍ରବେଶ କରିଥିଲା ଏବଂ ନୋଭା ମ୍ୟୁଜିକ୍ ଫେଷ୍ଟିଭାଲ୍ରୁ ନୋଆ ଅର୍ଗାମାନୀ ଓ ଅବିନାତନ୍ ଓର୍ଙ୍କୁ କିଡ୍ନାପ୍ କରିବା ପାଇଁ ମୋଟରସାଇକେଲ୍ ବ୍ୟବହାର କରିଥିଲା। ନିକଟରେ, ସାକର୍ ଇସ୍ରାଏଲୀ ନାଗରିକ ଏବଂ IDF ସୈନିକଙ୍କୁ ଟାର୍ଗେଟ୍ କରି ଆକ୍ରମଣ କରିଥିଲା। ତା’ଠାରୁ ସୃଷ୍ଟି ହେଉଥିବା ବିପଦକୁ ଶେଷ କରିବା ପାଇଁ ତାକୁ ନିପାତ କରାଗଲା। IDF ଏବଂ ସିନ୍ ବେଟ୍ ନୋଆ ଅର୍ଗାମାନୀ କିଡ୍ନାପିଂ ସହ ଜଡ଼ିତ ଆତଙ୍କବାଦୀକୁ ମାରି ଗିରାଇଛନ୍ତି।

୨୪୫ ଦିନ ପରେ ଅର୍ଗାମାନୀଙ୍କୁ ଗାଜାରୁ ଉଦ୍ଧାର କରାଯାଇଥିଲା

ଅର୍ଗାମାନୀଙ୍କୁ ୮ ଜୁନ୍, ୨୦୨୪ ରେ ୨୪୫ ଦିନର ବନ୍ଦୀଜୀବନ ପରେ 'ଅପରେସନ୍ ଅର୍ନୋନ୍' (Operation Arnon) ରେ ଗାଜାରୁ ଉଦ୍ଧାର କରାଯାଇଥିଲା। ତାଙ୍କୁ ଆଣ୍ଡ୍ରି କୋଜଲୋଭ୍, ଆଲମୋଗ୍ ମୀର୍ ଜାନ୍ ଏବଂ ଶ୍ଲୋମୀ ଜିଭ୍ଙ୍କ ସହ ଉଦ୍ଧାର କରାଯାଇଥିଲା। ଅବିନାତନ୍ ଓର୍ଙ୍କୁ ଅକ୍ଟୋବର ୨୦୨୫ ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ 'ଗାଜା ଡିଲ୍' ଅଧୀନରେ ମୁକ୍ତ କରାଯାଇଥିଲା। ଜୁଲାଇ ମାସରେ, ଇସ୍ରାଏଲୀ ସୁରକ୍ଷା ବଳ ଏୟାରଷ୍ଟ୍ରାଇକ୍ ଜରିଆରେ ଇସ୍ରାଏଲୀ ବନ୍ଦୀମାନଙ୍କୁ ଅପହରଣ ଏବଂ କୈଦ୍ କରିବା ସହ ଜଡ଼ିତ ଦୁଇ ଜଣ ଆତଙ୍କବାଦୀଙ୍କୁ  ହତ୍ୟା କରିଥିଲେ। ଯେଉଁଥିରେ 'ମୁଜାହିଦୀନ୍ ବ୍ରିଗେଡ୍'ର କମାଣ୍ଡର୍ ଅହମ୍ମଦ ହୁସେନ୍ ମହମ୍ମଦ କଫିନା ମଧ୍ୟ ସାମିଲ ଥିଲା।

କଫିନା ସେହି ଆତଙ୍କବାଦୀମାନଙ୍କ ମଧ୍ୟରେ ଥିଲା, ଯେଉଁମାନେ ୭ ଅକ୍ଟୋବର ନରସଂହାର ସମୟରେ ଇସ୍ରାଏଲ୍ ଉପରେ ଆକ୍ରମଣ କରିଥିଲେ, ଏବଂ ନିଜ କମାଣ୍ଡ୍ରେ ଆତଙ୍କବାଦୀଙ୍କର ଏକ ଗ୍ରୁପ୍କୁ ଲିଡ୍ କରୁଥିଲା। ସେହି ସମୟରେ IDF ଅନୁଯାୟୀ, ସେ ଅବିନାତନ୍ ଓର୍ ଏବଂ ନୋଆ ଅର୍ଗାମାନୀଙ୍କ ଅପହରଣରେ ଭାଗ ନେଇଥିଲା ଏବଂ ସୁଦିଥିସକ୍ ରୋନ୍ଥାଲକଙ୍କ କିଡ୍ନାପିଂରେ ସାମିଲ ଅନ୍ୟମାନଙ୍କୁ ନିର୍ଦ୍ଦେଶ ଦେଇଥିଲା।