ବେଜିଂ: ଚୀନ୍‌ର ରାଜଧାନୀ ବେଜିଂରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଜଣେ ୨୨ ବର୍ଷୀୟ ଯୁବକ ଗରମରୁ ରକ୍ଷା ପାଇବା ପାଇଁ ୧୦ ମିନିଟ୍‌ ମଧ୍ୟରେ ୧.୫ ଲିଟର ଥଣ୍ଡା ପାନୀୟ ପିଇ ମୃତ୍ୟୁ ହୋଇଛି। ଡେଲି ମେଲ୍‌ ଅନୁଯାୟୀ, ମୃଦୁ ପାନୀୟର ଦ୍ରୁତ ସେବନ ଯୋଗୁଁ ବ୍ୟକ୍ତିଙ୍କ ଶରୀରରେ ବିପଜ୍ଜନକ ଗ୍ୟାସ୍ ଜମା ହୋଇଥିଲା, ଯାହା ତାଙ୍କ ଯକୃତକୁ ଅମ୍ଳଜାନ ଯୋଗାଣରେ ବାଧା ସୃଷ୍ଟି କରିଥିଲା। ପରେ ତାଙ୍କର ମୃତ୍ୟୁର କାରଣ ହୋଇଥିଲା।

ପାନୀୟ ପିଇବାର ଛଅ ଘଣ୍ଟା ପରେ ବ୍ୟକ୍ତି ଜଣକ ପେଟରେ ପ୍ରବଳ ଯନ୍ତ୍ରଣା ହୋଇଥିଲା। ସେ କହିବା ପରେ ବେଜିଂର ଚାଓୟାଙ୍ଗ୍ ହସ୍ପିଟାଲକୁ ନିଆଯାଇଥିଲା। ପ୍ରାରମ୍ଭିକ ପରୀକ୍ଷାରୁ ହୃଦସ୍ପନ୍ଦନ, ଅଗଭୀର ନିଶ୍ୱାସ ପ୍ରଶ୍ୱାସ, ଅତ୍ୟନ୍ତ କମ୍ ରକ୍ତଚାପ ଏବଂ ଇସ୍କେମିକ୍ ହେପାଟାଇଟିସ୍ (ସକ୍ ଲିଭର) ପ୍ରକାଶିତ ହୋଇଥିଲା।

‘କ୍ଲିନିକ୍ସ ଆଣ୍ଡ୍ ରିସର୍ଚ୍ଚ ଇନ୍ ହେପାଟୋଲୋଜି ଆଣ୍ଡ୍ ଗ୍ୟାଷ୍ଟ୍ରୋଏଣ୍ଟେରୋଲୋଜି’ ପତ୍ରିକାରେ ପ୍ରକାଶିତ ରିପୋର୍ଟ ଅନୁଯାୟୀ, ସୋଡ଼ାର ଦ୍ରୁତ ସେବନ ତାଙ୍କ ଅନ୍ତନଳୀରେ ଅତ୍ୟଧିକ ଗ୍ୟାସ୍ ଗଠନ କରିଥିଲା, ଯାହା ପରବର୍ତ୍ତୀ ସମୟରେ ଯକୃତର ଏକ ପ୍ରମୁଖ ରକ୍ତ ନଳୀରେ ଲିକ୍ ହୋଇଥିଲା। ଡାକ୍ତରମାନେ ତାଙ୍କୁ ବଞ୍ଚାଇବା ପାଇଁ ଔଷଧ ଦେଇଥିଲେ ଏବଂ ଯକୃତ କ୍ଷତିକୁ ରୋକିବାକୁ ଚେଷ୍ଟା କରିଥିଲେ। କିନ୍ତୁ ୧୨ ଘଣ୍ଟା ପରେ ଏକ ରିପୋର୍ଟରେ ଗୁରୁତର କ୍ଷତି ନିଶ୍ଚିତ କରାଯାଇଥିଲା।

କୋକା-କୋଲା କମ୍ପାନୀ ଏପର୍ଯ୍ୟନ୍ତ ଏହି ବିଷୟରେ କୌଣସି ମତାମତ ଦେଇନାହିଁ। ତଥାପି, ୟୁନିଭର୍ସିଟି କଲେଜ ଲଣ୍ଡନର ଜୈବ ରସାୟନବିଦ ପ୍ରଫେସର ନାଥନ ଡେଭିସ୍ ଏହି ଦାବି ଉପରେ ସନ୍ଦେହ ପ୍ରକାଶ କରିଛନ୍ତି। ସେ କହିଛନ୍ତି ଯେ କେବଳ ମୃଦୁ ପାନୀୟ ପିଇବା ଯୋଗୁଁ ମୃତ୍ୟୁର ସମ୍ଭାବନା ବହୁତ କମ୍। ଡେଭିସଙ୍କ ଅନୁଯାୟୀ, ଗ୍ୟାସ ଗଠନ ପଛରେ ଏକ ଜୀବାଣୁ ସଂକ୍ରମଣ ମଧ୍ୟ ହୋଇପାରେ, ଯାହା କୋକା-କୋଲା ପିଇବା ପରେ ଅବସ୍ଥାକୁ ଆହୁରି ଖରାପ କରିଥିଲା। ସେ କହିଛନ୍ତି ଯେ ସଠିକ୍ ନିଷ୍କର୍ଷରେ ପହଞ୍ଚିବା ପାଇଁ ଅଧିକ ଡାକ୍ତରୀ ପରୀକ୍ଷା ଆବଶ୍ୟକ।

ଅଧିକ ପଢ଼ନ୍ତୁ: ଖଲିସ୍ତାନୀ ଆତଙ୍କବାଦୀଙ୍କ ପାଇଁ ନିଯୁକ୍ତି କେନ୍ଦ୍ର ପାଲଟିଛି ଉତ୍ତର ଭାରତୀୟ ଜେଲ୍‌?