କ୍ରିକେଟ ପ୍ରେମୀଙ୍କ ପାଇଁ ବଡ ଖବର। ଆସନ୍ତା ମାର୍ଚ୍ଚ ୨୩ରୁ ଆରମ୍ଭ ହେବ ଆଇପିଏଲ ୨୦୨୫ । ଏନେଇ ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଲା ସୂଚନା ଦେଇଛନ୍ତି । ରବିବାର ଗଣମାଧ୍ୟମକୁ ସୂଚନା ଦେଇ ସେ କହିଥିଲେ କି ଆଇପିଏଲ ମାର୍ଚ୍ଚ ୨୩ରେ ଆରମ୍ଭ ହେବ ଆଉ ଫାଇନାଲ ମେ ୨୫ରେ ଖେଳାଯିବ । ହେଲେ ଏନେଇ ବିଧିବଦ୍ଧ ଭାବେ କୌଣସି ଘୋଷଣା ହୋଇନାହିଁ । ଆଜି ବିସିସିଆଇ ବାର୍ଷିକ ସାଧାରଣ ବୈଠକରେ ଏହି ନିଷ୍ପତ୍ତି ହୋଇଛି। 

ରାଜୀବ ଶୁକ୍ଲା କହିଛନ୍ତି କି, ବୈଠକର ସବୁଠାରୁ ବଡ ମୁଦ୍ଦା ଥିଲା କୋଷାଧ୍ୟକ୍ଷ ଓ ସମ୍ପାଦକ ଚୟନ । ସେହିପରି ମହିଳା ପ୍ରିମିୟର ଲିଗର ଭେନ୍ୟୁ ବି ସ୍ପଷ୍ଟ ହୋଇ ସାରିଛି ଯାହା ଅତିଶୀଘ୍ର ଘୋଷଣା ହେବ । ଆଇପିଏଲ କମିଶନରଙ୍କ ନିଯୁକ୍ତି ବି ଗୋଟେ ବର୍ଷ ପାଇଁ କରିଦିଆଯାଇଛି ।

ସେହିପରି ଦେବଜିତ ସାଇକିଆଙ୍କୁ ବିସିସିଆଇର ନୂଆ ସମ୍ପାଦକ ଦାୟିତ୍ବ ମିଳିଛି । ଆଉ ପ୍ରଭତେଜ ଭାଟିଆଙ୍କୁ କୋଷାଧ୍ୟକ୍ଷ ଭାବେ ନିଯୁକ୍ତି ମିଳିଛି । ଦୁହେଁ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି ।