ଖୁବ ଜଲଦି ଆସିବାକୁ ଯାଉଛି ନିର୍ଦ୍ଦେଶକ ବିଶାଲ ଭରଦ୍ୱାଜଙ୍କ ନିର୍ଦ୍ଦେଶିତ ଫିଲ୍ମ 'ଖୁଫିୟା' । ଏହି ଫିଲ୍ମଟି କ୍ରାଇମ- ଥ୍ରୀଲର ପ୍ରସଙ୍ଗରେ ତିଆରି ହୋଇଛି । ଏହି ଫିଲ୍ମ ଟିକୁ 5 ଅକ୍ଟୋବର ରେ ଓଟିଟି ପ୍ଲାଟଫର୍ମ ରେ ରିଲିଜ କରାଯିବ । ନେଟଫ୍ଲିକ୍ସ ରେ ଦର୍ଶକମାନେ ଏହାକୁ ଦେଖି ପାରିବେ । ବର୍ତ୍ତମାନ ଏହି ଫିଲ୍ମ ଟିର ଟ୍ରେଲର ନେଟଫ୍ଲିକ୍ସ ରେ ରିଲିଜ କରାଯାଇଛି । ଟ୍ରେଲର ଟି ରିଲିଜ ହେବା ପରେ ହିଁ ଦର୍ଶକମାନେ ଏହାକୁ ବେଶ ପସନ୍ଦ କରିଛନ୍ତି । ଏହି ଫିଲ୍ମଟି ର ମୁଖ୍ୟ ଭୂମିକାରେ ତବୁ, ଅଲି ଫଜଲ, ୱାମିକା ଗାବି,ଆଜମେରୀ ହକ୍ ବାଦନ୍, ଆଶିଷ ବିଦାର୍ଥୀ ଙ୍କୁ ଦେଖାଯିବ । ତେବେ ଦର୍ଶକମାନେ ଟ୍ରେଲର ଟି ଦେଖିବା ପରେ ତବୁ, ଅଲି ଫଜଲ ଏବଂ ଆଶିଷ ବିଦାର୍ଥୀ ଙ୍କ ଅଭିନୟ କୁ ବେଶଜ ପସନ୍ଦ କରିଥିବା ବେଳେ ଏଥିରେ ନିଜ ନିଜ ପ୍ରତିକ୍ରିୟା ମଧ୍ୟ ଦେଇଛନ୍ତି । ସେଥିରୁ ଜଣେ ଦର୍ଶକ ଲେଖିଛନ୍ତି ଯେ, କେବଳ 90 ଦଶକର ଲୋକ ମାନେ ହିଁ ଜାଣି ପାରିବେ ତବୁଙ୍କୁ ଏଭଳି ରୋଲରେ ଦେଖିବାର ଅନୁଭବ କଣ । ସେହି ପରି ଆଉ ଜଣେ ଲେଖିଛନ୍ତି , ଟ୍ରେଲର ତ ବେଶ ଇଣ୍ଟେରଷ୍ଟିଙ୍ଗ ଅଛି, ପୁଣି ଥରେ ଅଲି ଫଜଲଙ୍କୁ ଦେଖି ଭଲ ଲାଗିଲା । 51 ବର୍ଷ ବୟସରେ ମଧ୍ୟ ତବୁଙ୍କ ଅଭିନୟ ବେଶ ଏନର୍ଜେଟିକ ଦେଖା ଯାଉଛନ୍ତି । ଏହାସହ ଆଉ ଜଣେ ଲେଖିଛନ୍ତି ଯେ, ଏହି ଭଳି ଫିଲ୍ମକୁ କେବଳ ଓଟିଟି ପ୍ଲାଟଫର୍ମ ରେ ନୁହଁ ବରଂ ପ୍ରେକ୍ଷାଳୟରେ ରିଲିଜ କରିବା କଥା । ତେବେ ରିଲିଜ ପୂର୍ବରୁ ହିଁ ଏହି ଫିଲ୍ମଟି ବେଶ ପ୍ରଶଂସା ସାଉଁଟି ସାରିଛି । ଏହି ଫିଲ୍ମଟି ଏକ ସତ୍ୟ ଘଟଣା ଉପରେ ଆଧାରିତ । 

ଅଧିକ ପଢ଼ନ୍ତୁ: ‘ରାମ୍'ରେ ଅରିନ୍ଦମଙ୍କ ସହ ଅନୁଭବ