ଅଭିନୟରୁ ବ୍ରେକ ନେବାର ଦୀର୍ଘ ଦିନପରେ ପୁଣି ଥରେ ପରଦାକୁ ଫେରିବେ ଓଲିଉଡ୍‌ ଅଭିନେତା ଅରିନ୍ଦମ ରାୟ । ‘ବାବୁ ଭାଇଜାନ୍’ ପରେ ନୂଆଲୁକ୍, ନୂଆ କାହାଣୀ ସହ ଦଶହରାରେ ଦର୍ଶକଙ୍କୁ ଭେଟି ଦେବାକୁ ଯାଉଛନ୍ତି ଏକ ନୂଆ ଫିଲ୍ମ। ଏଥିରେ ଅରିନ୍ଦମ୍‌ ରାୟଙ୍କୁ ରାମ୍ ଅବତାରରେ ଦେଖାଯିବ । ଏଥିସହ ବଙ୍ଗୀୟ ସୁନ୍ଦରୀ ରୂପସାଙ୍କୁ ଅରିନ୍ଦମ୍‌ ଙ୍କ ଅପୋଜିଟ ରେ ଦେଖାଯିବ । ରତ୍ନା ଫିଲ୍ମସ ବ୍ୟାନରର ଚତୁର୍ଥ ଅବଦାନ ତଥା ନିଜ ପ୍ରଯୋଜନାରେ ଦଶହରାରେ ମୁକ୍ତିଲାଭ କରିବାକୁ ଯାଉଥିବା ଏହି ନୂଆ ଚଳଚ୍ଚିତ୍ର ଶୁଟିଂ ସମୟରୁ ହିଁ ବେଶ ଚର୍ଚ୍ଚାରେ ରହିଛି । ତେବେ ଦଶହରାରେ ରିଲିଜ୍‌ ହେବାକୁ ଯାଉଛି ତାଙ୍କ ଅଭିନୀତ ଏକ ବଡ଼ ବଜେଟ୍‌ ର ଫିଲ୍ମ ‘ରାମ’। ନିକଟରେ ଏହି ଫିଲ୍ମକୁ ନେଇ ଏକ ବଡ ଖବର ସାମ୍ନାକୁ ଆସିଥିଲା । ଏହି ଫିଲ୍ମରେ ଅରିନ୍ଦମଙ୍କ ଦମଦାର ଆକ୍ଟିଙ୍ଗ ସହ ଚଳଚ୍ଚିତ୍ରର ମୁଖ୍ୟ ଆକର୍ଷଣ ସାଜିବେ ବଲିଉଡ ଅଭିନେତା ରାହୁଲ ଦେବ । ଏଥିରେ ରାହୁଲ ଦେବଙ୍କ ଏଣ୍ଟ୍ରି ଦର୍ଶକଙ୍କୁ ଆହୁରି ଆନନ୍ଦିତ କରିଥିଲା । ଏକା ସାଙ୍ଗରେ ଦୁଇଟି ୟୁନିଟରେ ଶୁଟିଂ  ଚାଲିଥିବା ବେଳେ ଛଅ, ଛ’ଟି କ୍ୟାମେରାରେ ଶୁଟିଂ ହେଉଥିଲା । ତେବେ ଏହି ଫିଲ୍ମରେ ଅଭିନେତା ରାହୁଲ ଦେବଙ୍କ ଉପସ୍ଥିତି ଏହାକୁ ଆହୁରି ରୋମାଞ୍ଚକ କରିଦେବ ବୋଲି ଫ୍ୟାନ୍ସମାନେ ଅନୁମାନ କରୁଥିବା ବେଳେ ଦର୍ଶକଙ୍କୁ ଆଶ୍ଚର୍ଯ୍ୟ କରିବା ଭଳି ଗତ କାଲି ଆଉ ଏକ ଖବର ସାମ୍ନାକୁ ଆସିଛି ।  ଓଲିଉଡ଼ର ମେଗା ଆକ୍ସନ ଷ୍ଟାର ଅନୁଭବ ମହାନ୍ତିଙ୍କୁ ରାମ ର ଶୁଟିଂ ସେଟରେ ଦେଖିବାକୁ ମିଳିଛି  । ଏହାପରେ ଦର୍ଶକଙ୍କର ଉତ୍ସାହ ଆହୁରି ବଢ଼ିବାରେ ଲାଗିଛି । ପ୍ରଶାନ୍ତ ନନ୍ଦଙ୍କ 'ଶଙ୍କର' ସିନେମା ପରେ ଅରିନ୍ଦମ ଏବଂ ଅନୁଭବଙ୍କର ଏହା ଦ୍ଵିତୀୟ ଫିଲ୍ମ ଯେଉଁଥିରେ ଦୁହିଁଙ୍କୁ ସାଥିରେ ଦେଖାଯିବ । ଏବେ ରାମ୍ ଚଳଚ୍ଚିତ୍ରକୁ ନେଇ ସାରା ଓଡ଼ିଶାର ସିନେ ପ୍ରେମୀ ଉତ୍କଣ୍ଠା ର ସହିତ ଅପେକ୍ଷା କରିଛନ୍ତି ।

ନିକଟରେ ଏହି ଚଳଚ୍ଚିତ୍ରର ଏକ ଗୀତରେ ଅନୁଭବଙ୍କୁ ଅରିନ୍ଦମଙ୍କ ସହ ପାଦରେ ପାଦ ମିଶାଇ ନାଚୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ତେବେ କେବଳ ଗୀତ ନା ଚଳଚିତ୍ରରେ ମଧ୍ୟ ଅନୁଭବଙ୍କ କିଛି ଗୁରୁତ୍ୱପୂର୍ଣ୍ଣ ଚରିତ୍ର ରହିଛି ତାହା ଜାଣିବାକୁ ଦର୍ଶକଙ୍କ ମନରେ ଉତ୍କଣ୍ଠା ଆହୁରି ବଢି ଯାଇଛି । ଓଲିଉଡ଼ର ନାମୀ ନିର୍ଦ୍ଦେଶକ ଅଶୋକ ପତି ଏହାର ନିର୍ଦ୍ଦେଶନା ଦାୟିତ୍ୱ ତୁଲାଇଥିବା ବେଳେ ଏହାର ଚିତ୍ରନାଟ୍ୟ ଓ ସଂଳାପ ଭରଦ୍ୱାଜ ପଣ୍ଡା ଲେଖିଛନ୍ତି | ଏହାସହ ଅସଦ ନିଜାମ ଓ ଲିଙ୍କନ ଙ୍କ ନିର୍ଦ୍ଦେଶନାରେ ଏହାର ଗୀତଗୁଡ଼ିକ ପ୍ରସ୍ତୁତ କରାଯାଇଛି । ଏଥର ଦଶହରା ରେ ଏକ ବିଗ୍‌ ବଜେଟର ସିନେମା ସହିତ ଏକା ସାଙ୍ଗରେ ମେଗା ଷ୍ଟାରଙ୍କୁ ଦର୍ଶକମାନେ ଦେଖିବାକୁ ପାଇବେ ବୋଲି ମିଡିଆ ପ୍ଲାନର କ୍ରି୍ଏଟିଭ ହେଡ୍ ପ୍ରଣୟ ଜେଠୀ ସୂଚନା ଦେଇଛନ୍ତି ।

ଅଧିକ ପଢ଼ନ୍ତୁ: ନିଜର ବେବାକ ଅନ୍ଦାଜ ପାଇଁ ପୁଣି ଥରେ ଚର୍ଚ୍ଚାରେ ଅଛନ୍ତି ବଲିଉଡର କ୍ୱିନ କଙ୍ଗନା