ଫିଲ୍ମ ଇଣ୍ଡଷ୍ଟ୍ରିର ଇତିହାସରେ ଅନେକ କଳାକାର ଅଛନ୍ତି ଯେଉଁମାନେ ଦୀର୍ଘ କ୍ୟାରିୟର ଗଢ଼ିଛନ୍ତି। କେତେକ ଏପରି ମଧ୍ୟ ଅଛନ୍ତି ଯେଉଁମାନେ ଏହି ଦୀର୍ଘ ସମୟ ମଧ୍ୟରେ କିଛି ନିର୍ଦ୍ଦିଷ୍ଟ ବଛା ବଛା ଫିଲ୍ମ କରିଛନ୍ତି। ଅନ୍ୟପଟେ କିଛି ଏପରି ଅଛନ୍ତି ଯେଉଁମାନେ କ୍ରମାଗତ ଭାବେ ସିନେମା କରି ଫ୍ୟାନ୍ସଙ୍କୁ ମନୋରଞ୍ଜନ ଯୋଗାଇ ଆସିଛନ୍ତି। ଏହିଭଳି ଜଣେ ନାମ ହେଉଛନ୍ତି ଅନୁପମ ଖେର। ଅନୁପମ ଖେର ଫିଲ୍ମ ଇଣ୍ଡଷ୍ଟ୍ରିରେ ୪ ଦଶନ୍ଧିରୁ ଅଧିକ ସମୟ ବିତାଇସାରିଛନ୍ତି। ଏହି ସମୟ ମଧ୍ୟରେ ଏପରି କୌଣସି ଗୋଟିଏ ବର୍ଷ ବି ନାହିଁ ଯେତେବେଳେ ସେ ଫିଲ୍ମରୁ ଦୂରେଇ ରହିଛନ୍ତି। ସେ କ୍ରମାଗତ ଭାବେ ଅନେକ ଫିଲ୍ମରେ କାମ କରିସାରିଛନ୍ତି। ଅଭିନେତା ଜଣକ ଏତେ ଫିଲ୍ମ କରିଛନ୍ତି ଯାହା ଅନେକ କଳାକାର ମିଶି ମଧ୍ୟ କରିପାରିନଥିବେ।

ଏବେ ଅନୁପମ ଖେର ନିଜର ୫୫୫ତମ ଫିଲ୍ମ କରିବାକୁ ପ୍ରସ୍ତୁତି ଚଳାଇଛନ୍ତି। ଏହାକୁ ନେଇ ସେ ସାମ୍ପ୍ରତିକ ସୂଚନା  ସେୟାର କରିଛନ୍ତି, କିନ୍ତୁ ଫିଲ୍ମର ବିସ୍ତୃତ ବିବରଣୀ ସମ୍ପର୍କରେ କିଛି କହିନାହାନ୍ତି। ଅଭିନେତାଙ୍କ କହିବା ଅନୁଯାୟୀ, ସେ ଖୁବ୍ଶୀଘ୍ର ଫିଲ୍ମ ବିଷୟରେ ସୂଚନା ସାର୍ବଜନୀନ କରିବେ।

କେବେ ଆସିବ ଅନୁପମ ଖେରଙ୍କ ଆଗାମୀ ଫିଲ୍ମ?

ଅନୁପମ ଖେରଙ୍କ କଥା କହିଲେ, ସେ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି। ସେଥିରେ ଲେଖାଅଛି- ”ମୁଁ ମୋର ୫୫୫ତମ ଫିଲ୍ମର ଆନାଉନ୍ସମେଣ୍ଟ କରୁଛି। ବର୍ତ୍ତମାନ ମୁଁ ଏହି ବିଷୟରେ କେବଳ ଏତିକି କହିପାରିବି। ଏହାଠାରୁ ଅଧିକ ସଠିକ୍ ସମୟ ଆସିଲେ ଜଣାଇବି।” ଏହା ସହିତ ଅନୁପମ ଖେର କ୍ୟାପସନରେ ଲେଖିଛନ୍ତି- "ଆନାଉନ୍ସମେଣ୍ଟ, କିଛି ଜିନିଷକୁ ନିଜ ହୃଦୟରେ କିଛି ସମୟ ପାଇଁ ଲୁଚାଇ ରଖିବା ହିଁ ଶ୍ରେୟସ୍କର। କାରଣ ସଠିକ୍ ସମୟ ଆସିଲେ ତାହାକୁ ସମସ୍ତଙ୍କ ସାମ୍ନାରେ ପ୍ରକାଶ କରିବାର ଆନନ୍ଦ ହିଁ କିଛି ଅଲଗା। ତେଣୁ ଏବେ ପାଇଁ ମୁଁ କେବଳ ଏତିକି କହିପାରିବି ଯେ- ମୁଁ ମୋର ୫୫୫ତମ ଫିଲ୍ମର ଘୋଷଣା କରି ବହୁତ ଖୁସି ଅନୁଭବ କରୁଛି। ସମସ୍ତ ସୂଚନା ସଠିକ୍ ସମୟରେ ସେୟାର କରାଯିବ। ସେପର୍ଯ୍ୟନ୍ତ ମୋତେ ମଧ୍ୟ ଏହି ସସ୍ପେନ୍ସର ଉପଭୋଗ କରିବାକୁ ସୁଯୋଗ ଦିଅନ୍ତୁ। ଜୟ ହୋ।"

ସମ୍ପ୍ରତି କେଉଁ ଫିଲ୍ମଗୁଡ଼ିକର ଅଂଶ ଥିଲେ ଅନୁପମ ଖେର?

ଅନୁପମ ଖେର ଗତ କିଛି ସମୟ ମଧ୍ୟରେ ଅନେକ ଚର୍ଚ୍ଚିତ ଫିଲ୍ମରେ କାମ କରିଛନ୍ତି। ଏଥିରେ ‘ଦି ଭାକ୍ସିନ୍ ୱାର୍’, ‘କାଗଜ ୨’, ‘ଦି କାଶ୍ମୀର ଫାଇଲ୍ସ’, ‘ବିଜୟ ୬୯’, ‘ଇମରଜେନ୍ସି’, ‘ମେଟ୍ରୋ ଇନ୍ ଦିନୋ’, ‘ତନଭି ଦି ଗ୍ରେଟ୍’, ‘ତୁମକୋ ମେରୀ କସମ୍’ ଏବଂ ‘ଶିବ ଶାସ୍ତ୍ରୀ ବଲ୍ବୋଆ’ ଭଳି ଫିଲ୍ମ ସାମିଲ ଅଛି। ଏବେ ସେ ୪୦୦୦ କୋଟି ଟଙ୍କା ବଜେଟ୍ର ‘ରାମାୟଣ’ ଫିଲ୍ମରେ ‘ଜଟାୟୁ’ ଚରିତ୍ରରେ ଅଭିନୟ କରୁଥିବାର ନଜର ଆସିବେ।