ଗଞ୍ଜାମ: ପୁଣି ଥରେ ଅଲୋଡ଼ା ହୋଇପଡ଼ିଛି କନ୍ୟା ସନ୍ତାନ । ଘରର ଲକ୍ଷ୍ମୀ ପଡ଼ିଛି ଅଳିଆ ଗଦାରେ । ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଦାମୋଦରପୁର ଗାଁରେ । ନବଜାତ ଶିଶୁ କନ୍ୟାଟି ରାସ୍ତା କଡ଼ରେ ପଡ଼ିଥିବା ଦେଖିଥିଲେ । ଏ ନେଇ ସ୍ଥାନୀୟ ପୋଲିସକୁ ଖବର ଦେଇଥିଲେ । ପୋଲିସ ଶିଶୁ କନ୍ୟାକୁ ଉଦ୍ଧାର କରିଥିବା ବେଳେ ସେ ଜୀବିତ ନ ଥିବା ଜଣାପଡ଼ିଛି । ତେବେ ନବଜାତ ଶିଶୁ କନ୍ୟାଟି କାହାର ଏବଂ କେଉଁଠୁ ଆସିଲା ସେ ନେଇ କିଛି ସ୍ପଷ୍ଟ ହୋଇ ନ ଥିବାବେଳେ ପୋଲିସ ଖୋଳତାଡ଼ ଆରମ୍ଭ କରିଛି ।