ସମ୍ବଲପୁର: ଉତ୍ସବ ଦେଖି ହସ ଖୁସିରେ ଘରକୁ ଫେରୁଥିଲେ । ହେଲେ କିଏ ଜାଣିଥିଲା ବାଟରେ ଜଗିଛି ଯମ । ଅଜଣା ଟ୍ରକ ଧକ୍କାରେ  ୨ ଜଣ ଛାତ୍ରଙ୍କ ମୃତ୍ୟୁ ଘଟିଛି । ସମ୍ବଲପୁର ବରେଇପାଲି ଥାନା ଅନ୍ତର୍ଗତ ଗୋପାଲପାଲି ନିକଟରେ ଏହି ଦୁର୍ଘଟଣା ଘଟିଛି। 

ସୂଚନା ଅନୁସାରେ ଗୋପାଲପାଲି ସ୍ଥିତ ହାଇସ୍କୁଲ ଠାରେ ଏକ ଉତ୍ସବରେ ସାମିଲ ହୋଇ ନିଜ ଘରକୁ ବାଇକରେ ଫେରୁଥିବା ବେଳେ ଏକ ଅଜଣା ଟ୍ରକ ସେମାଙ୍କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ଛାତ୍ର ଶମ୍ଭୁ ନାଏକ ଓ କପିଳେଶ୍ବର ନାଏକଙ୍କୁ ଗୁରତର ଅବସ୍ଥାରେ ବୁର୍ଲା ଭିମସାରକୁ ଅଣାଯାଇଥିଲା। ତେବେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି।