ବିଳମ୍ବିତ ରାତିରେ ମହିଳାଙ୍କୁ ଗୁଳିମାଡ । ରାତିରେ ଘରେ ଶୋଇଥିବା ଅବସ୍ଥାରେ ଘରେ ପଶି ମହିଳାଙ୍କ ଉପରକୁ ନିର୍ମମ ଭାବେ ଗୁଳି କଲେ ଦୁର୍ବୁତ୍ତ। ଏହି ଗୁଳିମାଡ଼ରେ ମହିଳାଙ୍କ ଶରୀରର ବିଭିନ୍ନ ସ୍ଥାନରେ ଗୁଳି ବାଜିଥିଲା । ଗୁରୁତର ଅବସ୍ଥାରେ ଡାକ୍ତରଖାନାରେ ତାଙ୍କର ଚିକିତ୍ସା କରାଯାଉଛି । ଏଭଳି ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲାରେ । ଘଟଣା ସ୍ଥଳରେ ପୋଲିସ ପହଞ୍ଚି ପଚାରଉଚରା କରୁଛି ।

ସୂଚନା ଅନୁଯାୟୀ,ବାଲେଶ୍ବର ଜିଲ୍ଲା ନୀଳଗିରି ବ୍ଲକ ବରହମପୁର ଥାନା ଅଧୀନ ରାଇପାଳ ଗ୍ରାମରେ ଜଣେ ମହିଳା ରାତିରେ ଘରେ ଶୋଇଥିଲେ । ସେହି ସମୟରେ ହଠାତ ୨ଜଣ ଦୁର୍ବୃତ୍ତ ଘର ଭିତରକୁ ପଶି ମହିଳାଙ୍କ ଉପରକୁ ଗୁଳିମାଡ଼ କରିଥିଲେ । ମହିଳା ଜଣକ କିଛି ବୁଝିବା ଆଗୁରୁ ତାଙ୍କ ଉପରେ ଗୁଳିମାଡ ହୋଇଚାଲିଥିଲା । ଏହି ଗୁଳିମାଡରେ ମହିଳାଙ୍କ ଶରୀରର ବିଭିନ୍ନ ସ୍ଥାନରେ ଗୁଳି ବାଜିଥିଲା । ଗୋଟିଏ ଗୁଳି ବାମ ହାତ ବାହୁରେ ବାଜିଥିବା ବେଳେ ଆଉ ଗୋଟିଏ ବାମ ହାତ ପାପୁଲି ତୃତୀୟ ଗୁଳିଟି ଅଣ୍ଟା ଉପରେ ବାଜିଛି ।

ଦୁର୍ବୃତ୍ତମାନେ ଗୁଳିମାଡ଼ କରିବା ପରେ ଘଟଣାସ୍ଥଳରୁ ତୁରନ୍ତ ଫେରାର ହୋଇଯାଇଥିଲେ । ସ୍ଥାନୀୟ ଲୋକେ ପୋଲିସ ଖବର ଦେବା ପରେ ପୋଲିସ ସେଠାରେ ପହଞ୍ଚି ପହଁରା ଉଚରାକରିଥିଲା । ମହିଳା ଜଣକ ଗୁରୁତର ହୋଇଯିବାରୁ ନିକଟସ୍ଥ ଡାକ୍ତରଖାନରେ ଚିକିତ୍ସିତ ହେଉଛନ୍ତି । ଏନେଇ ପୋଲିସ  ଅଧିକ ତଦନ୍ତ ଜାରି ରଖିଛି ।

ଅଧିକ ପଢନ୍ତୁ :ଆଜି ଜେଲରୁ ବାହାରିବେ ଅର୍ଚ୍ଚନା ନାଗ