ଭାରସାମ୍ୟ ହରାଇ ରାସ୍ତା ମଝିରେ ଓଲଟିଲା ଏଲପିଜି ଗ୍ୟାସ ଟ୍ୟାଙ୍କର । ଏଥିରେ କୌଣସି ଅଘଟଣ ଘଟିନଥିବା ଜଣାପଡ଼ିଛି । ସୂଚନା ଅନୁସାରେ,ଏକ ଏଲପିଜି ବୋଝେଇ ଟ୍ୟାଙ୍କର ପାରାଦୀପ ତୈଳ ବିଶୋଧନାଗାର ନିକଟରୁ ଏଲପିଜି ଲୋଡ଼ କରି ଚଣ୍ଡିଖୋଲ ଅଭିମୁଖେ ଯାତ୍ରା କରୁଥିଲା । ଟ୍ୟାଙ୍କରଟି ଭାରସାମ୍ୟ ହରାଇ ରାସ୍ତା ମଝିରେ ଓଲଟି ପଡିଥିଲା । ହେଲେ ଏଥିରେ କୌଣସି ପ୍ରକାର ଅସୁବିଧା ହୋଇନଥିବାର ଖବର ମିଳିଛି । ଘଟଣାସ୍ଥଳରେ ଲକଥାନା ପୋଲିସ ପହଞ୍ଚି ଉକ୍ତ ରାସ୍ତାକୁ ସିଲ କରି ଦେଇଛି । ରାସ୍ତାର ଗୋଟିଏ ପାର୍ଶ୍ଵରେ ଯାନବାହାନ ଚଳାଚଳ କରୁଛି । ଅନ୍ୟପଟେ ଅଗ୍ନିଶମ ବାହିନୀ ପହଞ୍ଚି କିଭଳି ଗ୍ୟାସ ବୋଝେଇ ଟ୍ୟାଙ୍କର ଟିକୁ ଉଠା ଯାଇପାରିବ । ଏ ନେଇ ଜୋରଦାର ପ୍ରୟାସ ଚଳାଇଛି । ଏହି ଘଟଣାଟି ଚାରିଆଡେ ପ୍ରସାରିତ ହେବା ପରେ ସ୍ଥାନୀୟ ଅଞ୍ଚଳରେ ଏକ ଭୟାଭୟ ପରିସ୍ଥିତି ସୃଷ୍ଟି ହୋଇଛି ।  

ଆଗକୁ ପଢନ୍ତୁ :- ନାଳ ନିକଟରେ ଦାନ୍ତ ଘଷୁଥିବା ବେଳେ ମାଡ଼ିଗଲା ବୋଲେରୋ