ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ପଦବୀ ପାଇଁ ବିଜେଡିର ହାରୁନେତାଙ୍କ ଲବି !.ରେସରେ ଆଗୁଆ ଯୋଗେଶ
Khabar Odisha:State-Odisha-Western-Odisha-Bikash-parishad-Leader-lobby
ଭୁବନେଶ୍ୱର, 14 ଅଗଷ୍ଟ (ଖବର ଓଡିଶା)-

ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ କିଏ ହେବ  । କେଉଁ ନେତାଙ୍କୁ ସରକାର ସେଠାରେ ଥଇଥାନ କରିବେ ଏହା ଉପରେ ଏବେ ସମସ୍ତଙ୍କ ନଜର ରହିଛି  । ତେବେ ଏ ସବୁ ମଧ୍ୟରେ ଏହି ପଦବୀ ପାଇବା ପାଇଁ ଆଶାୟୀ ନେତାମାନେ ଏବେ ପାୱାର କରିଡରରେ ଲବି ଆରମ୍ଭ କରିଦେଇଛନ୍ତି  । ବିଶେଷ କରି ଗତ ନିର୍ବାଚନରେ ପରାଜୟ ବରଣ କରିଥିବା ହାରୁ ନେତାମାନେ ଏହି ପଦବୀ ପାଇଁ ନିଜନିଜ ସ୍ତରରେ ଲବି ଆରମ୍ଭ କରିଦେଇଛନ୍ତି  । ରେସରେ ଆଗରେ ରହିଛନ୍ତି ପୂର୍ବତନ ବିଧାୟକ ଯୋଗେଶ ସିଂହ  । ଯୋଗେଶ ଚଳିତ ଥର ବିଧାୟକ ଭାବେ ନିର୍ବାଚନ ଲଢିଥିଲେ ମଧ୍ୟ ପରାସ୍ତ ହୋଇଥିଲେ  ।

ସେହିପରି ଏହି ପଦବୀ ପାଇଁ ଅନ୍ୟ ଯେଉଁ ନେତାମାନଙ୍କ ଶୁଣିବାକୁ ମିଳୁଛି ସେମାନଙ୍କ ମଧ୍ୟରେ ରହିଛନ୍ତି ପୂର୍ବତନ ବିଧାୟକ ତଥା ବିଜେଡି ନେତା ଅନୁପ ସାଏ  । ଚଳିତ ଥର ଅନୁପଙ୍କ ନିର୍ବାଚନ ଲଢିବା ପାଇଁ ଦଳ ଟିକେଟ ପ୍ରଦାନ କରିନଥିଲା  । ତାଙ୍କ ସ୍ଥାନରେ କିଶୋର ମହାନ୍ତିଙ୍କୁ ଦଳ ପ୍ରାର୍ଥୀ କରିଥିଲା  ।

ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ଥିବା କିଶୋର ବିଧାୟକ ହେବାପରେ  ଏହି ପଦବୀ ଖାଲି ପଡିଛି  । ତେଣୁ ଅଧ୍ୟକ୍ଷ ପଦବୀରେ ଅନୁପ ସାଏଙ୍କୁ ମୁଖ୍ୟମନ୍ତ୍ରୀ ଥଇଥାନ କରିପାରନ୍ତି ବୋଲି ଚର୍ଚ୍ଚା ହେଉଛି  । ସେହିପରି ଏହି ଦୌଡରେ ଅଛନ୍ତି କଳାହାଣ୍ଡିରୁ ବିଜେଡି ସାଂସଦ ପ୍ରାର୍ଥୀ ହୋଇଥିବା ପୁଷ୍ପେନ୍ଦ୍ର ସିଂଦେଓ ଓ ସମ୍ବଲପୁରର ପୂର୍ବତନ ବିଧାୟକ ରାସେଶ୍ୱରୀ ପାଣିଗ୍ରାହୀ  । ଏମାନେ ଏହି ପଦବୀ ପାଇଁ ନିଜ ସ୍ତରରେ ଲବି ଆରମ୍ଭ କରିଦେଇଥିବା ଏବେ ଚର୍ଚ୍ଚା ହେଉଛି  ।

1998 ମସିହାରେ ପଶ୍ମିମ ଓଡିଶା ଜିଲ୍ଲା ମାନଙ୍କର ବିକାଶ ପାଇଁ ଗଠନ ହୋଇଥିଲା ପଶ୍ଚିମ ଓଡିଶା ବିକାଶ ପରିଷଦ  । ତେବେ ସେଦିନ ଠାରୁ ଜଣେ ପରେ ଜଣେ ଅଧ୍ୟକ୍ଷ ପଦବୀ ବଦଳି ଥିଲେ ମଧ୍ୟ ଏହାର କାର୍ଯ୍ୟାଳୟ  ପଶ୍ମିମ  ଓଡିଶା ପରିବର୍ତ୍ତେ ଏବେବି ବି ରାଜଧାନୀ ଭୁବନେଶ୍ବରରେ ରହିଛି  । ପଶ୍ଚିମ ଓଡିଶାର ଯେ କୌଣସି ଜିଲାରେ ବିକାଶ ପରିଷଦର କାର୍ଯ୍ୟାଳୟ କରିବା ପାଇଁ ବିଭିନ୍ନ ମହଲରେ ଦାବି ହେଉଥିବା ବେଳେ ଏବେ ସମସ୍ତଙ୍କ ନଜର ରହିଛି କିଏ ବସୁଛି ଅଧ୍ୟକ୍ଷ ପଦବୀରେ  ।

  • Tags:

Subscribe

National International State Sports Entertainment